sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Qeqqata Kommunika

Den integrerede daginstitution Nuniaffik søger 2 uddannede pædagoger

Qeqqata Kommunika

Sisimiut
Ikkunneqarpoq: 24-01-2023
Piffissaq atuuffissaa naassaaq: 20-02-2023
Suliffissamut ID normut: LJA-84456900
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut

Akuleriisillugu Meeqqerivik Nuniaffik Aadammip Aqq. 4A-mi, illoqarfiup kujataatungaani inissisimalluni.

Meeqqanut ukioqanngitsuniit arfinilinnik ukiulinnut 62-inut inissaateqarpoq, taakkulu immikkoortortani marlunni ukioqatigiikkaarlugit ininut sisamanut agguataagaallutik. Sulisut katillugit 14,5-inik amerlatigipput, inini sulisut katillugit 12-it, eqqiaasoq, pisortaq ullullu affaanut igaffimmioq.

Meeqqerivimmi pisortaq qaninnertut pisortarissavat

Piginnaasassat:

Meeqqanut suli atualinngitsunut perorsaanikkut inerikkiartuutaasumik ulluunerani neqeroorutit pillugit Inatsisartut inatsisaat nr. 16, 3. december 2012-imeersoq atuutsinnissaanut akisussaaqataassaatit, tamatumalu saniatigut Qeqqata Kommuniata nittartagaani nassuiarneqarnikuusut, Qeqqata kommuniata pilitikkikkut takorluugaat, sulisoqarnermut politikkia, Meeqqanut Inuusuttunullu politikki, perorsaanikkut anguniakkat malillugit tamatigoortumik sulissallutit.

Pisariaqartipparput:

  • Aalaakkaasumik sulisinnaasoq
  • Ilisimasanik avitseqateqarusuttoq
  • Akisussaaffimmik tiguseqataarusuttoq
  • Suleqatinut angajoqqaanut suleqatikkuminartoq
  • Meeqqat ineriartornermikkut killiffiannut akuersaartoq

Naatsersuutigaarput:

  • Perorsaanermut inatsisinullu atuuttunut
  • Periutsinut ilikkalertorfiusunut tunngavinnut 7-nut ilisimasaqartutit
  • Tamatigoortuusutit
  • Inuppalaartuullutit isummanut assigiinngitsunut inissaqartitsisuullutit
  • Toqqissisimasuullutit akisussaaqataallutillu

Suliffimmi naleqartitagut:

  • Naligiimmik suleriuseqarneq
  • Piginnaasanik atorluaaneq
  • Ilisimasanik avitseqatigiinneq
  • Akisussaqaataaneq
  • Meeqqat killiffii aallaavigalugit sullissineq
  • Angajoqqaanik qanimut suleqateqarneq

Suliffiup suussusaa:

Perorsaasutut pingaarnertut akisussaaffigissavatit:

  • Inimi aqutsisuussaatit
  • Atorfinittussap aappaa ulluinnarni 1½-3-nik ukiulinni inimi perorsaasutut sulissaaq, aappaalu 4½-6-nik ukulinni sulisassalluni
  • Tullersorti immikkoortortamilu pisortaq peqanngitsullugu aqutsisutut sassartassaatit
  • Perorsaanikkut suliniutinut sunniuteqaqataasassaatit

Piumasaqaatit:

  • Perorsaasutut ilinniarsimasuunissaq
  • Meeqqerivitsialammillu ilisimasaqarnissaq

Uagut tunniussinnaasagut:

  • Suleqatit qiimasut, naligiimmik suleriuseqarnissamik pingaartitsisut, allannguinernut tulluarsallaqqissut. Sulinitsinni piginnaasatsinnik atorluaallaqqippugut.
  • Akeqanngitsumik timersortarfiup timigissartarfianukarsinnaaneq
  • Suleqatigiit sapaatip akunneranut ataasiarluta eqimattat tulleriaalluta 20 min. pisuttuartarpugut.

Pinerluuteqarsimannginnermut aammalu meeqqanut pinerluuteqarsimannginnermut uppernarsaat:

Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit ator-fininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissarsiat, atorfinitsitaanermilu atugassarititaasut:

Akissarsiat atorfeqartitaanermilu atugassarititaasut Namminersorlutik Oqartussat, Nunatsinni Perorsaasut Kattuffiat (NPK) imaluunniit kattuffiup isumaqatiginninniarsinnaatitaasup susassaqartup akornanni isumaqatigiissut atuuttoq naapertorlugu pissapput.

Ulloq aallartiffik: Januar-ip aallaqqaataani 2023 imaluunniit kingusinnerusumi isumaqatigiinnikkut.

Qaammatini pingasuni misiligummik atorfinitsitsisoqassaaq.

Ineqarneq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqaarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligimik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il.il. akiliuteqartoqartassaaq.

Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Attavissat:

Atorfik pillugu paasissutissat annertunerusut Akuleriisillugu Meeqqerivik Nuniaffiup pisortaanut Johanne Davidsen-imut, oqarasuaat 86 64 25 imaluunniit Meeqqeriviit Allaffiani pisortammut Navarana Lennert, oqarasuaat 86 74 02 piniarneqarsinnaapput.

Atorfinitsitineq pissaaq martsip 15-iani 2023 imaluunniit kingusinnerusumi isumaqatigiinnikkut.

Qinnuteqaatit:

Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinik attaveqarfissamillu ilalik nittartakkakkut nassiunneqassapput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia