sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Jurist til Borgmesterens stab GENOPSLAG

Kommune Kujalleq

Qaqortoq
Ikkunneqarpoq: 13-10-2020
Piffissaq atuuffissaa naassaaq: 04-11-2020
Suliffissamut ID normut: LJA-81268391
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Inatsisileritooq borgmesterip allaffiani sulisussatut inissisimassaaq, siunnersortitullu pisortaq qaninnerpaamik qullersarisassani peqatigalugu ulluinnarni borgmesterip allaffiani inatsisilerituut allat peqatigalugit sulisassaaq.

 

Pisortaanerup kommunip inatsisilerituui allaffissornikkut pisortaaffigai.  

Inatsisileritooq inatsisinut tunngasunik ilitsersuinissani suliassaraa, kommunillu ingerlatsiviinut tamanut aammattaaq borgmesterimut, ataatsimiititalianut aamma kommunip atorfilittaanut siunnersuisussaalluni.

 

Tamatuma saniatigut pisariaqartitsineq naapertorlugu inatsisilerituup makku suliarisassavai:

  • Innuttaasunut suliffeqarfinnullu attaveqaqatigiinnikkut suliassanik isumaginninneq
  • Suliniutini pilersaarusiukkani peqataasarnissaq
  • Kommunip sulisuisa ilinniarteqqinneqarnerinik ingerlatsisarnissaq
  • Aaqqissuussaanermut ineriartortitseqataaneq
  • Suliassani eqqartuussisutigoortuni assigiinngitsutigullu suleqatigiinni kommunip peqataaffigisaani kommunimut sinniisuusarnissaq

 

Neqeroorutigaavut:

  • Ulluinnarni suliatigut qaffasissumik ingerlariaaseqarneq suleqatigiinnerlu persuarsiorpalaanngitsoq
  • Suliffimmi siammasissumi inuttut suliatigullu ineriartornissamut periarfissaq immikkuullarissoq
  • Najugaqarfissaq tulluuttoq
  • Ulluunerani paaqqinnittarfiit atuarfiillu pitsaasut
  • Suliffik ikinngutigiilluarfiusoq
  • Atorfininnermi soraarnermilu malittarisassat atuuttut naapertorlugit angalanermi pigisallu nussorneqarnerini akiliunneqarneq
  • Isumaqatigiissutit naapertorlugit akissarsiaqartitsisoqassaaq
  • Ulluinnaat pissanganartut

 

Illit tassaavutit:

  • Cand. jur., cand. merc. Jur.-tut assigisaanilluunniit ilinniagalik. Misilittagaqaruit ilinniakkannilluunniit naammassinneqqammiguit tikilluaqquatsigit, kisianni pisortat oqartussaaffianniit naleqquttumik misilittagaqaruit iluaqutaassaaq.
  • Persuarsiortuunngitsoq nuannaartorlu
  • Eqeersimaartoq ujartuisorlu
  • Sulianik saqqummiussassanik, allattuinernik tusarniaassutinillu suliaqallaqqissoq

 

Angalasarnissaq naatsorsuutigineqassaaq

 

Kommunip kalaallit DJØF-imut isumaqatigiissutaat naapertorlugu akissarsiaqartitsinissaq neqeroorutigaa, kiisalu suliffimmut atatillugu pikkorissaanernut peqataanissamut periarfissiilluni.

 

Atorfimmut atatillugu sulisunut inissiamik innersuussisoqarsinnaavoq, malittarisassallu atuuttut malillugit akilersorneqassaaq.

 

Atorfininnermi angalaneq pigisallu assartorneqarneri neqeroorutaapput, tjenestemandinullu inatsisit malillugit atuutissallutik.

 

Atorfik pillugu paasissutissat sukumiinerusut sulisoqarnermut allaffimmi pisortamut Jacob Abelsen-imut, jaab@kujalleq.gl, oqarasuaat +299 645403 imaluunniit siunnersortaanerup Michael Mikkelsenip, mimi@kujalleq.gl, attaviginerisigut pissarsiarineqarsinnaapput.

 

Qinnuteqaat soraarummeersimanermut uppernarsaatit assilinerannik imalik, bachelorimut inatsisilerituunngornermut aamma kandidatinngornermut tunngasortai tamaasa ilanngullugit, kiisalu siusinnerusukkut suliffigisimasanit oqaaseqaatit imaluunniit atorfeqarsimanermut uppernarsaatit ilanngunneqassapput.

 

Qinnuteqaat Kommune Kujalliup kingusinnerpaamik tigoreersimassavaa sisamanngornermi novemberip 4-anni 2020 nassiunneqarsinnaallunilu mailimut uunga:

 

Kommune Kujalleq

HR-afdeling

Postboks 541

3920 Qaqortoq

job@kujalleq.gl

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia