Kalaallit Nunaanni Brugseni attaveqaqatigiinnermik suliaqartussamik suleqatissarsiorpoq / Søger en kommunikationsmedarbejder til Servicekontoret i Nuuk

Kalaallit Nunaanni Brugseni

Nuuk

Ikkunneqarpoq: 27-11-2023

Piffissaq atuuffissaa naassaaq: 26-12-2023

Suliffissamut ID normut: 331583751

Atorfeqarnermi atugassarititaasut: Tamakkiisoq

Suliassaqarfik: Allaffik & allaffissorneq, IT & tusagassiuutit

Atorfiup taaguutaa:

Misilittakkat - Annertunerusumik: Digital kommunikation

Oqaatsit:

Danskisut	Atuarneq/ oqalunneq
Tuluttut	Atuarneq/ oqalunneq
Kallaallisut	Atuarneq/ oqalunneq

Inuit attaveqaqatigiiffiisigut, digitaliseringimik pilersaarusornernillu suliaqassallutit nuannaraajuk? Pikkoriffigiviuk saqqummiivinni assigiinngitsuni kalaallisut qallunaatullu qanoq allakkaanni sunillu immersuigaanni pitsaanerusarnersoq, aamma allanik suleqateqarlutit immersuinissaq sulerusussuseqarnerulerfigisarpiuk? Taamaappat illiusinnaavoq attaveqatigiinnermi immikkoortortami suleqatissarput.

Kalaallit Nunanni Brugseni suliffeqarfiuvoq ineriartupiloortoq. Nunatsinni ulluinnarni nioqqusissanik tuniniaavinni nerisassat tungaatigut siuuttuuvugut, illoqarfinni arfineq pingsuni 17-inik pisiniarfeqarpugut 600-jullu sinnerlugit sulisoqarluta. Naatsorsueqqissaarnermi kingullermi kaaviaartissamavagut DKK 1,036 mia, 7 %-imik ukiup siulianut sanilliullugu siuariarsimalluta. Taassuma saniatigut Nunatsinni piujuartitsinermi ineriartortuarnissaq akisussaaqaataaffigerusullugu FN-ip Global Compact-iani suliniutinut ilanngussimalluta, piujuartitsinissamillu suliaqarluarluta. Taassuma saniatigut suliffeqarfiuvugut ilaasortanit pigineqartoq, illoqarfinni arfineq pingasuni pisiniarfeqarfitsinni pingaarutilimmik inissisimalluta.   

Qanoq isigineqarnerlu pillugu nunatsinni paasiniaasoqarnerani IFO – Institut for Opinionsanalyse ApS- imit ingerlanneqartartuni kingullerni pingasuni Brugseni taaguutitut nunatsinni annerpaatut pitsaanerpaatullu inissisimavoq, ukiunilu kingullerni uppernarsaat ”Great Placa to Work” pigisimaleqqavarput, susassaqarfittalu iluani aalajaatsumik pisiniartartoqarniarnermi periutisit pitsaanersaat, Divi Plussi, pilersissimavarput atuisunit tusindilikkaanit atorneqartoq. Tamakku saniatigut annertuumik ussassaarineq attaveqatigiinnikkullu aqqutigut digitalimut ikaarsaarfianniilluta, tassuuna pilersillugit pisiniartartutsinnut, ilaasortanut suleqatitsinnullu pitsaanerusumik toqqaannarnerusumillu attaveqalerneq.

Suliffissaq akisussaaffiillu

Ujartorparput suleqatissaq pikkorissoq attaveqaqatigiiffinni atukkatsinni immersuillunilu aqutsisinnaasoq. Attaveqatigiinnermut immikkoortortaq ilutsinni avammullu attaveqaqatigiinnermut akisussaasuuvoq, tassani piujuartitsinissaq digitaliseringilu inittoraluattuinnarlutik. Pisisasartutsinnut ilaasortanullu ussassaarinitsinni attaveqaqatiginninnitsinnilu systemit assigiinngitsut atugaraavut, maannalu ilutsinni sulisusunut attaveqaqatigiinnissamut atugassavut inerisaleruttorpavut.

Taamaattumik attaveqaqatigiinnermi suleqatissamik, aqutsisut suleqatillu qanimut suleqatigalugit attaveqaqatigiinnermi ussassaarinermilu imarisassanik pitsaalluinnartunik suleqataasinnaasumik ilaqqinnissarput pisariaqartipparput. Ujartorparput suleqatissaq allattariarsornermi kalaallisut qallunaatullu pikkorissoq aammalu isummersorsinnaassusilik suut ilaasortanut, pisiniartartunut ilaasortanullu pitsaanerpaamik attaveqarnissamut pisariaqartuunersut. Taamatuttaaq pingaaruteqarpoq aaqqissuusilluarsinnaassasutit inuillu attaveqaqatigiiffinni, teknikkikkut, pilersaarusionermi aqqutissaasigut pikkoriffeqartutit, Brugsenillu digitalimik allaffissornertaanik ilinniarnissamik atuinissannullu piginnaaneqalerumaartutit.

Sulissaatit qitiusumik kiffartuussivitsinni Nuummiittumi, tassannga qitiusumik pisiniarfeqarfiit tamarmik aqunneqarfianni. Kiffartuussiveqarfiup suliffeqarfiup iluani kiffartuussutit pingaarutillit tunniussuuttarpai aammalu ulluinnarni ulapaarfiusaqisuni pitsaanerpaamik ingerlasoqarnissaanut isumasiorneqatigineqarluni siunnersortaasarluni.

Attaveqatigiinnermi immikkoortortap saniatugit aningaasaqarnermi immikkoortortaq, nioqqutissanik ussassaarinermullu immikkoortortaq, HR, tuniniaanermut pilerisaarinermullu immikkoortortaqarfik piupput. Sulisut katilluta 21-iuvugut immikkoortortani taaneqartuni issimalluta.

Pingaarnertut suliassatit makkuussapput

• Pisiniarfinni kiffartuussiveqarfimmilu sulisut peqatigalugit suliarissallugit pilersillugillu ilutsinnit avammullu attaveqaqatigiittarfitsigut saqqummiussassat.
• Tusagassiorfinni assigiinngitsuni ilanngutassanik ujartuillutit allaaserinnillutit
• Allaaserisassat assigiinngitsut kalaallisut qallunaatullu namminersuutigalugit aamma avataani nutserisorput peqatigalugu suliarisassavatit
• Saqqummiussassat pilersaarusiorlugit ulluinnarni saqqummiussiffiusartuni digitaliusuni saqqummiussussallugit
• Isumasioqataaneq attaveqaqatigiinnermut periusissisaq pillugu aammalu nutaanik pitsaasunik suleriusissianik pilersitsineq

Illit imaattuuvutit:

• Attaveqarluarsinnaasoq oqaluttuassamillu pitsaasumut tappittoq.
• Kalaallisut qallunaatullu allattariarsornermi pikkorissoq, tuluttoorsinnaaneq aamma ajunngilaq.
• Suliassanut nutaaliorumassuseqartuusoq
• Inuit amerlasuut suleqatiginissaanut kajumissusilik
• Teknikkikkut piginnaasalik programminullu digitalikkullu suliaqarfinnik ilisimaarinnittoq
• Suliumassusilik immikkullu iliuuseqarumasoq
• Aaqqissuussaasumik namminersorlutillu sulisinnaasutit, immikkuullarissunut tappittoq.
• Eqinnaatsuuvutit tamatigoortuullutillu

Uagut neqeroorutigaarput

• Nunatsinni suliffeqarfiit annersaasa ilaanni ilaasortanut suleqatinullu inerisaanissamik periarfissaq
• Atorfik namminersorfiusoq suleqatigiit imminnut susassaqaqatigiit iluanni
• Kiffartuussiveqarfimmik avatangiisit ineriartorfiusut
• Suleqatigiiaat pikkorissut susassaqarfimmi iluani
• Pisinnaasat malillugit akissarsiaqarneq allallu sulisunut ajunngitsorsiassat

Paasissutissat allat

Qinnuteqarfissaq kingulleq 26. December 2023

Ingerlaavartumik oqaloqatiginnittassaagut.

Qinnuteqaatit nittartagarput www.brugseni.gl/job aqqutigalugu nassiunneqartassapput (e-mail-ikkuunngitsoq)

Atorfik pillugu paasisaqarnerorusukkuit attaviguuk:

Marketing og kommunikationschef

Benny Reffeldt Otte

T +299363507

M benny.otte@knbmarketing.gl

Web: www.brugseni.gl

Facebook, LinkedIn: Kalaallit Nunaanni Brugseni