sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kalaallit Nunaanni Brugseni

Kalaallit Nunaanni Brugseni Nioqqutissiornermi pisortassarsiorpoq / Kalaallit Nunaanni Brugseni søger en fagchef til produktionsområdet

Kalaallit Nunaanni Brugseni

Nuuk
Ikkunneqarpoq: 31-05-2023
Piffissaq atuuffissaa naassaaq: 18-06-2023
Suliffissamut ID normut: 331567428
Atorfeqarnermi atugassarititaasut: Tamakkiisoq
Suliassaqarfik: Pisiniarfik & sullissineq
Atorfiup taaguutaa: Produktionschef, Kok, Slagtermester
Ilinniagaq: Butiksslagter, Kok
Misilittakkat - Annertunerusumik: Afdeling (4) flere end 20 medarbejdere, Coaching, Slagter, generelt
Oqaatsit:
Danskisut Atuarneq/ oqalunneq/ allanneq
Tuluttut Atuarneq/ oqalunneq
Kallaallisut Atuarneq/ oqalunneq/ allanneq

Neqaarniatut igasutullu misilittagaqarluarlutillu nutaaliornermik piginnaasaqarpit, ilisimasarnillu avitseqateqarusullutit? Taava immaqa illiuvoq Brugsenimi nioqqutissiornermi pisortatut ujartugarput. Nuummi najugaqarlutit pisortatut pisiniarfinni nioqqutissiorfitsinni ineriartortitsineq qulakkiissavat nangillugulu.

 

Kalaallit Nunaanni ulluinnarni nioqutissanik pisiniarfeqarfiit annersaasa ilaattut, sumiiffimmi nammineq pigisat atorlugit, delikatesse-qarfitsinni, neqaarniaqarfitsinni iffiorfitsinnilu tunisassanik pitsaanerpaanik pilersitsinissaq ukkataralugu.

 

Nioqqutissiornermi pisortatut ulluinnarni sulininni toqqaannartumik sullissiveqarfimmut attaveqassaatit, sumiiffinnilu pisiniarfiit pisortaannut nioqqutissiorfiillu aqutsisuinut. Taamaammat pingaaruteqarpoq aqutsinikkut piginnaasaqarluarnissat, aqutsisullu aqqutsigalugit aqutsinissamik ilisimasaqarlutillu misilittagaqarlutit.

 

Nioqqutissiornermi pisortatut pissanganartumik tamatigoortumillu assigiinngitsorpassuarnik suliassaqarfiusumik ulluinnaqassaatit, qulaaninngaanniit isiginnissinnaaneq nutaaliorsinnaanissamillu piginnaasaqarluni, inuttut ineriartornissamut periarfissaqartumut.

 

Kalaallit Nunaanni Brugseni suliffeqarfiuvoq 100 %-imik kalaallinit pigineqartoq aammalu tamakkiisumik inerartorluni. Ukioq 2022-mi ”Great Place to Work”-itut allagartartaaqqippugut, sulisut pitsaasumik sulinikkut avatangiiseqarnissaannik qulakkeerinnittumik, sulisut piginnaasaannik ineriartornissamullu periarfissaannik pingaartitsisumik. Tamanna peqatigalugu aamma Kalaallit Nunaanni ulluinnarni nioqqutissanik pisiniarfeqarfiit annersaasa ilagaatigut, Kalaallit Nunaanilu suliffeqarfimmik illoqarfinni 8-ni pisiniarfinni 17-ini 600-t missaani sulisulimmik ingerlatsilluta.

 

Tamakku soqutiginartikkukkit ilinninngaanniit tusarnissarput qilanaaraarput. 

 

Suliassat:

  • Pisiniarfiit pisortai nioqqutissiornerup iluani sulisussarsiorneranni ikiorlugit
  • Pisiniarfiit nioqqutissiorfillit minnerpaamik ukiumut ataasiarluni pulaarlugit, pisariaqarfiinilu pisiniarfinni pisortat isumaqatigalugit
  • Nioqqutissiorfinni aqutsisunik(neqaarniat, iffiortut/bake-off taavalu delikatesse) sungiusaaneq siunersiueqatiginninnerlu
  • Avis-inut ataatsimiititaliami ilaasortaaneq
  • Pisiortortarfinnut attaveqarneq
  • Nioqqutissiornermi unammillertinik nakkutiginninneq, tamakkulu aallaavigalugit iliuuseqarnerit
  • Nioqqutissionermi atortut aserfallatsaaliorneqarnissaannik qulakkeerinninneq
  • CSR-imi aqutsisoqatigiinni ilaasortaaneq
  • Tapersiisarnerni aaqqissuussanilu annerusuni nioqqutissiornermut tunngatillugu akisussaasuuneq, assersuutigalugu Unleash, Nuuk Nordisk il.il.

Nuummi:

  • Nuummi nioqqutissiorfiit tamakkiisumik angusaannik akisussaasuuneq
  • Kaaviiaartitanik isertitanillu qulakkeerinninniarluni neriartortitsineq suliniutinillu nutaanik pilersitsineq
  • Nioqqutissiorfinni aqutsisunik aqutsineq siunersiuinerlu
  • Nioqqutissiorfiit ukiumut pilersaarutai
  • Illup avataani aaqqissuussanut annerusunut neqeroorusiorneq
  • Suliffeqarfinnut isumaqatigiissutit illullu avataanut nerisassanik tunisinerit malittarineri
  • Nioqqutissiorfinni atorfinitsitsinerit pisiniarfimmi pisortaq isumasioqatigalugu
  • Pisiniarfimmi pisortaq peqatigalugu nioqqutissiorfinni aqutsisut ineriartortinneqarnissai pillugit oqaloqatigisarneri

Piginnaasatit:

  • Igasutut imaluunniit neqaarniatut ilinniarsimasuussaatit aqutsinermillu misilittagaqarluarlutit
  • Ataatsimoortuni peqataalluarsinnaavutit
  • Timikkut nukittussaatit, ullup ilarujussua nikorfasoqarsinnaasarmat
  • Tuniniaallaqqittuuvutit
  • Siuttuusinnaavutit sulisorisarnullu aqqutissiuisinnaallutit, pingaartumik piffissani ulapaarfinni
  • Kisitsisinut naatsorsuutinullu tunngatillugu ilisimasaqarluarputit
  • Periarfissat aporfissaniit takulluarsinnaaneruvatit
  • IT-qarnikkut atortunik ilisimasaqarluarputit

Neqeroorutigisinnaavarput:

  • Pisiniarfitsinni pisiassaatitta suunerinik sunniuteqarlutillu ineriartortitsinissamut periarfissaqarpoq
  • Suliffik pissanganartoq ulluinnaallu eqeersimaarfiusut
  • Aqutsisutut piginnaasanik ineriartortitsineq
  • Pisiniarfeqarfinni ineriartornissamut angusaqarluarfiusumillu atorfeqarnissamik periarfissaqartitaaneq
  • Suleqatit pikkorissut akornani sulinikkut atugassarititat pitsaasut
  • Atorfeqartitaanikkut atugassarititaasut pitsaasut, atorfeqarnermut atatillugu pequsersukkamik pequsersugaanngitsumilluunniit ineqartinneqarsinnaaneq periarfissaalluni
  • Atorfinitsinneqarnermut allagartartaarnermi atorfininnermut atatillu soraarnermilu angalatsinneqarsinnaaneq
  • Piginnaasat aallaavigalugit akissarsiaqartitsineq

 

Nuuk pillugu:

Nuuk Kalaallit Nunaanni illoqarfiit pingaarnersaraat 18.000 missaat innuttaqarluni. Sulereernerup kingorna sammisassanik assigiinngitsunik amerlasuunik peqarpoq. Illoqarfik ilaqutariinnut periarfissaqarluarpoq, meeqqallu atuarfiini atuartunut ilinniarfiusinnaasunik periarfissaqarluarluni. Illoqarfik uummaarissumik avatagiiseqarpoq, pisiniarnissamut periarfissaqarluarluni, sutorniartarfiit, fiilmertarfik naluttarfillu. Nuuk Kalaallit Nunaata sinneranisuulli piniarnissamut, aalisarnissamut imaatigullu angallannissamut periarfissagissaarpoq. Ukiakkut upernaakkullu ataariartoqarsinnaavoq, sisoraatinik arpaffiit piareersarluarsimakkat atorlugit ujakkaarluni, sangusaartoqarsinnaalluni snowboard-erluni imaluunniit qamuteralattoqarsinnaalluni.

 

Qinnuteqarnissamut killigititaq:

Kingusinnerpaamik 18. juni 2023, siusinnerusukkut qinnuteqarsinnaakuttorputit.

 

Qinnuteqartut ingerlaavartumik oqaloqatigineqassapput.

 

Qinnuteqaatit nittartagarput aqqutigalugu nassiunneqassapput: www.brugseni.gl (e-mail-ikkuunngitsoq)

 

Paasissutisat allat:

Atorfinitsitsinissaq naatsorsuutigineqarpoq 1. Juli 2023 isumaqatigiissuteqarnikkulluunniit.

 

Atorfik pillugu apeqqutissaqaraanni saaffissaq:

Tuniniaanermi pisortaq Kent Helberg, tlf. +299 299676, e-mail: Kent.helberg@knb.gl

 

Nittartagaq: www.brugseni.g

Facebook: Kalaallit Nunaanni Brugseni

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat