sullissivik.gl
Atorfimmut ussassaarummut oqaatsinut allanut nuunniarlutit tooruk

Kalaallit Nunaanni meeqqanut inuusuttunullu pitsaaliuinermut tunngasunut misissueqqissaarnermik piginnaaneqartumik erninermut atatillugu sulinngiffeqartumut taartaasussamik Paarisa pissarsiorpoq

Namminersorlutik Oqartussat

Nuuk
Ikkunneqarpoq: 14-04-2021
Piffissaq atuuffissaa naassaaq: 14-05-2021
Suliffissamut ID normut: LJA-81959399
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik
Attaveqarfissamut paasissutissat

Namminersorlutik Oqartussat

Linda Hegelund 
Oqarasuaat +299 34 28 61

Paasissutissat misissueqqissaarnerullu iluanni Paarisap sulineranik nukittorsaaqataasinnaasumik  suliniutinut amerlasuunut tamakkerlugit isiginnissinnaanermik qulakkeerinnissinnaasumik Isumaginninnermut  Aqutsisoqarfik ernisimalluni sulinngiffeqartumut taartaasussamik pissarsiorpoq.  Paasissutissanik ilisimasanillu suliamut tunngasunik katersinernik kiisalu pitsaaliuinermut isumaginninnermullu tunngasunik misissueqqissaarnermik soqutigisaqarpit pimoorullugulu suliniarpit, taamaappat erninermut atatillugu sulinngiffeqartumut taartaaneq manna immikkut ittumik ilinnut piukkunnarpoq.

Atorfik pillugu
Atorfik Isumaginninnermut Aqutsisoqarfiup aalajangersimasumik inissisimavoq, Pitsaaliuinermut immikkoortortaqarfimmi Paarisamiilluni, suliassaqarfiit ataatsimoortut assigiinngitsut amerlasuut ilaatillugit nuna tamakkerlugu imaluunniit nunap immikkoortuini  ilaatigut nuna tamakkerlugu pilersaarutinut periusissiat suliarisarlugit.  Isumaginninnermut suliassaqarfimmi ineriartortitseqqinnissaq aqqutissiuussinnaajumallugu, iliuuseqarnissaq sioqqullugu tamatumalu kingorna patajaatsumik sunniutinik uuttortaasoqarnissaa pisariaqarpoq.  Taamaattumik suliassaqarfimmi siunissami innersuussutissanut ineriartortitseqqinnissamullu sunniuteqarsinnaasunik tigussaasunik angusaqarnissanut tamanut tunngatillugu uppernarsaat atorfimmi pineqarpoq. Erninermut atatillugu sulinngiffeqartumut taartaasup suliassaqarfinnut tunngasut assigiinngitsut suleqatigiissut  suleqatigisinnaasariaqarpai, kisiannili aamma nammineq suliniuteqarnikkut suliassat soqutiginartut suliaqarnissamut aaqqiissuteqarnissamullu periarfissiivoq.

Suliassatit pingaarnerit tassaapput

  • Paarisap akisussaaffigisaani suliniutinut assigiinngitsunut ataatsimut isiginninnermik pilersitsineq
  • Nalunaarusiortarneq
  • Nalilersuinernik imaluunniit misilittakkanik katersineq/suliassanik malitseqartitsineq, pitsaaliuinermut suliassat naleqquttumik ineriartorteqqinneqarnissaat pilersinniarlugu.
  • Isumaginninnermut Aqutsisoqarfimmut allanullu suliassaqarfimmi suliaqartunut nalunaarusiornerit, ineriartornermik misissueqqissaarnerit, paasissutissiinerit aamma tamanut tunngatillugu uppernarsaateqarnerit.
  • Paarisap sulianik ingerlatsinerinik ineriartortitsiuarneq.
  • Ilisimasanik katersinerit aamma tamakkununnga tunngasunik suliassaqarfimmi suleqataasunut attuumassuteqartunut tamanut avitseqatiginninnerit

Piginnaasatit
Nangitsiviusumik ilinniagaqarsimasuuvutit – inuiaqatigiilerinermik, peqqissutsimut sulianut tunngasunik  imaluunniit inuiaqatigiilerinermik ilisimatusarsimanermik tunuliaqutaqarsinnaavutit. Amerlasuunik pitsaasunillu misissueqqissaarnermik ilisimasaqarluarputit aamma ajornartorsiutit paasiuminaatsut pillugit pitsaasumik attaveqarsinnaasarputit. Ilusilersuinermut immikkuualuttunillu tappissuuvutit aamma assigiinngitsunik suliallit oqallittarfianni suleqatiginnikkumassuseqarputit kiisalu ilaatigut suliassanik arlalinnik ataatsikkut suliaqarsinnaanerit ajorinagu.

Tullinnguuttunik ukuninnga ilisimasaqaruit assorujussuaq iluaqutaassaaq:
    • Uuttortaanerit piviusumik sunniutaat
    • Sitecore
    • Umbraco
    • SurveyXact
    • Excel regnearkimik atuilluarsinnaasoq
    • Marlunnik oqaaseqarneq kalaallisut qallunaatullu iluaqutaassaaq, tamannali piumasaqataanngilaq
Isumaginninnermut Aqutsisoqarfik pillugu
Isumaginninnermut Aqutsisoqarfik Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfimmi aqutsiveqarfiuvoq ukuninngalu arfinilinnik immikkoortortaqarluni. Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq unnuarlu inissititserinermullu immikoortortaqarfik, Innuttaasut tunaartaralugit immikkoortortaqarfik aamma Aqutsisunut Allattoqarfik. Immikkoortortaqarfiit qanimut suleqatigiittarput, suliffiuvorlu suliassanut tunngatillugu amerlasuunik unammilligassaqarfiusoq.

Erninermut atatillugu sulinngiffeqartumut taartaaffik 1. juunip 2021 imaluunniit isumaqatigiissuteqarnikkut inuttalerneqarniarpoq.  Erninermut atatillugu sulinngiffeqartumut taartaaneq  1. marts 2022 tikillugu  sivisussuseqarpoq.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat amerlanerusut:
Atorfik pillugu annertunerusumik paasisaqarusukkuit, attavigisinnaavat immikkut siunnersorti Maliina Junge Jørgensen ugguuna majj@nanoq.gl imaluunniit +299 34 60 22.

Ulloq qinnuteqarfissaq kingulleq
Qinnuteqarfissatut killiliussaq: tallimanngorneq 14. maj 2021 nal. 12:00 (nunatsinni nalunaaqutaq malillugu) Oqaloqatiginninnerit sapaatip akunnerani 20-imi ingerlanneqarnissaat naatsorsuutigineqarpoq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat attuumassuteqartut "qinnuteqaat nassiuguk" toorlugu nassiutikkit.
E-mailikkut qinnuteqaatinik tigusineq ajorpugut.

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Kommune Kujalleq
Qaqortoq
Nunatta Isiginnaartitsisarfia - The National Theatre of Greenland
Nuuk