sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kalaallit Nunaanni Namminersorlutik Oqartussani Neqerooruteqartarnermut siunnersortit/Neqerooruteqartarnermut inatsisileritooq.

Namminersorlutik Oqartussat

Nuuk
Ikkunneqarpoq: 29-01-2020
Piffissaq atuuffissaa naassaaq: 22-02-2020
Suliffissamut ID normut: LJA-79128957
Atorfeqarnermi atugassarititaasut: Tamakkiisoq
Suliassaqarfik: Politi, illersornnissaq & eqqartuussiveqarneq

Pisiniartarnermik qitiusumik inissisimasunik suliaqarnissamut sapiissuseqarpit, matumani pisiniarnerit neqerooruteqarnerillu ingerlannissaat ilanngullugu? Neqerooruteqarnermi inatsisilerituutut periuseqarnissaq piginnaasaqarfigaajuk ajornartorsiutinillu artornarsinnaasunik suliaqarneq nuannaralugu -  immaqa taava illit suleqatissaraatsigit nutaaq.

Allaffiup neqerooruteqarnermut tunngassutillit isumagisarlugillu siunnersuisarpoq aamma Namminersorlutik Oqartussat pilersuisartunut isumaqatigiissutaannut suliaqarfinnut assigiinngitsunut tunngasunut ilaasarlutik. Siunertarput tassaavoq, akileraartartut aningaasaataasa pitsaanerpaamik atorneqartarnissaat aammalu namminersortut pilersuisartut, paasiumisartuunissaq tunngavigalugu, unammilleqatigiittarnissaat.

Suliarisartagassatit

Neqerooruteqartitsinermi suliap ingerlanera tamakkerlugu suliarisassavat. Niuerfimmik misissuineq, neqerooruteqartitsinermi atortussanik ilusilersuineq, isumaqatigiissutit atsiorneqarneri kiisalu isumaqatigiissutit atuuttunngortinneri malitseqartinneqarnerilu.

Suliassatit pingaarnerit

  • Neqerooruteqartitsinissamik isumassarsiamit piviusunngortitsinermut suliaqarneq naammassinninnerlu.
  • Pisiniartarfinnik isumaqatiginninniarnerit
  • Isumaqatigiissusiorneq, isumaqatigiissuteqarneq isumaqatigiissutinillu atuuttunngortitsineq aqutsinerlu
  • Pisiortortarnermut tunngatillugu susassaqarfinni tamani suleqatigiinneq ataqatigiissaarinerlu
  • Neqerooruteqartitsinermut aamma suliarinnittussanik isumaqatigiissusiornermut atatillugu Namminersorlutik Oqartussat immikkoortortaqarfiinik ilitsersuisarneq siunnersuisarnerlu
  • Pisiniariaatsinik pitsanngorsaaneq
  • Suliffeqarfiup iluani avataanullu attaveqartarneq
  • Pisiortortarnerup ilaani pilerisaarinermut inatsisinullu tunngasut suliarineqartassapput.
 
Suliffik soqutiginartoq inussiarnersumik suleqatigiiffiusoq aammalu assigiinngitsunik suliassarpassualik ilinnut neqeroorutigisinnaavarput. Pisiortortartoqatigiinnut nutaanut ilaassaatit, matumanilu pingaartittorujussuuarput qaffasissutsinik suliatigut inissisimanissaq kiisalu suleqatitit akuulluartuunissaat nuannaartuunissaallu.

Atorfik pisiortortarnermut, sanaartornermut ineqartitsinermullu allaffimmi inissisimavoq. Allaffik Aningaasaqarnermut Sulisoqarnermullu Aqutsisoqarfiup kiffartuussinermut immikkoortortaani inissisimavoq tassanilu sulisuupput allaffimmi pisortaq, sulisut arfineq-pingasut ilinniartorlu ataaseq.

Sapaatip akunneranut nalunaaquttap akunneri 40-t suliffiusarput.

Atorfiniffissaq: 2020-mi marsip aallaqqaataani isumaqatigiissuteqarnikkulluunniit.

Illit ilinniakkat misilittakkatillu
Assigiinngitsunik tunuliaqutalinnik inunnik ujartuivugut. Assersuutigalugu illit ilinniagaqarsimasinnaavutit Cand.merc.jur-itut, cand.jur-itut, cand.negot-itut imaluunniit cand.scient.pol-itut.

Neqerooruteqartitsisarnermut tunngassutilinni misilittagaqarnissat neriuutigaarput kisiannili ilinniakkamik naammassinnerlaat naleqquttumik piginnaasallit aamma isiginiarneqarsinnaapput. Pingaarnerpaaq tassaavoq suliassat suliarinissaannut illit kajumissuseqartuunissat.


Illit inuttut piginnaasatit
Allaffiup suliarisartagai assigiinngitsorpassuupput tamannalu naleqquttumik piginnaasaqartumik ujartuinitta takussuserpaa.
Sulisunik periarfissarsiullaqqissunik ammasunillu pisariaqartitsivugut, attaveqartarfiit amerlasuut akornanniinnermik nuannarisaqartunik aammalu attaveqarfigisinnaasat amerlisarnerannut pikkorissunik kiisalu pisariaqartitsineq malillugu matussusiisinnaasunik.
Illit sulininni misissueqqissaartarumaguit aamma immikkuualuttunut tappissuuguit aamma atorfissaqartippatsigit.
Takorloorparput aaqqissuusseqqissaarnerit, aaqqiissutit aamma angusat pillugit isumaliortaaseqartutit. Illit piumassuseqarput angusaqarusussuseqartuullutillu aamma suliassap naammassineqarnissaanut sunniuteqarluartumk piginnaasaqartutit.
Tamatuma saniatigut suleqatiginnissinnaanermut piginnaasaqarluarnissat kiisalu nammineerlutit sulisinnaanissaat aammalu malinnaasinnaassutsit pigiinnarsinnaasarit neriuutigaarput. Tamakkiisuusumik isigalutit eqqarsarsinnaavutit suliassallu ingerlannissaannut paasisimasaqarlutit.

Attaveqarfissaq qinnuteqarnerlu
Atorfik pillugu apeqqutissaqaruit, Allaffimmi pisortaq Christian R.  W. Christensen attaveqarfigisinnaavat. ugguuna chrw@nanoq.gl eller +299 34 51 55. Kalaallit Nunaanni Namminersorlutik Oqartussat pillugit paasissutissat nalinginnaasut nittartakkakkut www.naalakkersuisut.gl-ikkut pissarsiarineqarsinnaapput.

 
Akissarsiat atorfininnermilu atugassarititaasut
Akissarsiat atorfinitsitaanermilu atugassarititaasut, taakkununnga ilaallutik atorfininnermi soraarnermilu angalasinnaanermut kiisalu pisattat nassiunneqarneranni aalajangersakkat aallaavigalugit Kalaallit Nunaanni Namminersorlutik Oqartussat sulilertussallu kattuffiata isumaqatiginninniaasinnaatitaasup akornanni isumaqatigiissutit naapertorlugit pissapput.

Ineqarneq

Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mailikkut qinnuteqaatinik tigusineq ajorpugut.
 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia