sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kalaallit Nunaanni Namminersorlutik Oqartussat

Namminersorlutik Oqartussat

Nuuk
Ikkunneqarpoq: 23-09-2021
Piffissaq atuuffissaa naassaaq: 18-10-2021
Suliffissamut ID normut: LJA-82702793
Atorfeqarnermi atugassarititaasut: Tamakkiisoq
Suliassaqarfik: Aalisarneq & fabrikki

Ulluinnarni aalisarnemut piniarnermullu tunngasut iluini suliassanik tamatigoortunik ulapaarfiusartumi sulissallutit kajumigaajuk? Naalakkersuisoqarfiup suliassaqarfii politikkikkut malinnaaffigineqarluinnartuupput, taamaasillunilu naalakkersuisoqarfik suliffeqarfiuvoq tamatigoortuullunilu unamminartoq, suliassaqarfinnut assigiinngitsorpassuarnik ilisimasaqalernissamik ineriartortitsinissamut pilersitsisoq.
 
Aalisarnermut Piniarnermullu Naalakkersuisoqarfik Nunatsinni uumassusilitsigut isumalluutinik aqutsinermik suliaqartuuvoq, taamaasillunilu tassunga inuussutissarsiutinut aamma tapersiisarnermik aqutsineq ingerlallugu. Aammattaaq Naalakkersuisoqarfiup uumasunut nakorsaqarnermut oqartussaaneq ilagaa.
 
Naalakkersuisoqarfiup suliassaa tassa peqataaffigissallugit, nunatta iluani, aammalu nunanik allanik suleqateqarnermut atatillugu aalisarnermut piniarnermullu politikkikkut anguniakkat pingaarnerusutut tunngasut piviusunngortinneqarnissaat.
 
Naalakkersuisoqarfimmi piffissap ilaani ilaatigut ulapaarfiusinnaasarput, kisianni annermik politikkerinut aalajangiinissamik isummernissamut tunngavissiat suliarisarlugit, aalajangiinissamut tunngavissianik isumaliutigilluakkanik qulakkeerinninnissamut peqataalluni, innuttaasunillu kiffartuussinermut ilanngussilluni. Suliat ilagissavaat naalakkersuisoqarfinnik allanik, aqutsisoqarfinnik kattuffinnillu suleqateqartarnerit, suleqatinillu sulianut tunngasutigut siunersioqatigisaqartarnerit kiisalu nammineq suliarisasaat aalajangersimasut.

Suliassat
Aningaasaqarnermik ilisimasalik aningaasaqarnikkut misissueqqissaarnernut nalunaarusianik siullerpaatut suliarinnittartussaavoq, aammalu aalisarnermut piniarnermullu atassuteqartumik allanngutsaaliuiniarnernut ineriartortitsinernullu peqataasarluni. Tamakku saniatigut aningaasaqarnermik ilisimasalik nammineerluni avataaniillu siunnersortit suleqatigalugit aqutsinermut tunngasut iluini aningaasaqarnikkut misissueqqissaarnernik suliarinnissinnaasassaaq. Aammattaaq aningaasaqarnermik ilisimasaliup inatsisartut aningaasanut inatsisaannik suliassanut tunngatillugu piareersaanernik aammalu malitseqartitsinertigut suliassanik, kiisalu avataanit suleqatinik kiffartuussinissamik isumaqatigiissutit pillugit malitseqartitsinertigut suliassanik aammalu isumaqatigiinniarnermi isummernissamut tunngavissianik suliarinnittarnerit.
Tamakku saniatigut aningaasaqarnikkut apeqqutinut minnerunngitsumillu avataanit attaveqarfigisanut soorlu inuussutissarsiorfinniit kattuffinniit kiisalu nunanit assigiinngitsuniit oqallittarfiit soorlu EU-mit naalakkersuisoqarfiit assigiinngitsut suliassaannut aningaasaqarnermik ilisimasalik ilaassaaq. Isumaqatiginninniarnerit kinguleriiaartut nalaannut atassuteqartumik ingammik aalisarnermut tunngasutigut angalasarnissat naatsorsuutigineqarsinnaapput.
Ulluinnarni suliarisartakkanut atorneqarsinnaasut paasissutissat Oracle relationsdatabase-miit paasissutissanut toqqorsivimmiit TOAD (SQL-programmiliortallu) ikiorsiullugu pissarsiarineqarsinnaapput.

Piginnaasaqarfigisassatit:

  • cand.oecon., cand.polit-itut kandidat-itut soraarummeersimasoq imaluunniit aningaasaqarnermut tunngasutigut qaffasinnerusumik allamik ilinniagaqarsimaneq
  • aningaasaqarnerup annikitsortaanik aammalu ataatsimoortillugit nalilersortarnerinik ilisimasat pillugit tunngavilimmik ilisimasaqarneq
  • programmiliortarnermik misilittakkanillu soqutigisaqarneq
  • naatsorsuuserinermut tunngasutigut ilisimasaqarneq imaluunniit aalisarnikkut aningaasaqarnermik ilisimasaqarneq
Tamakku saniatigut makku piginnaaneqarfigaatit
  • Nammineerluinnarluni anguniagaqarluartumillu sulisinnaaneq
  • ammasuullunilu oqaasertaliornermut piginnaassuseqarluarneq,
  • suliassanik ingerlatsinissamut aqqutinik nutaanik aqquteqarnissamut soqutigisaqarneq,
  • suleqatigiissuteqarsinnaanermik piginnaasaqarneq,
  • ajornartorsiutit ajornakusoortut paasiaarnissaannut pikkorissuseqarneq,
  • ingerlatitseqqiillaqqinneq
  • allakkatigut oqaatsitsigullu atassuteqarsinnaassuseqarneq
Aningaasaqarnermik ilisimasalik naalakkersuisoqarfiup inatsisilerinermut aningaasaqarnermut, pilersaarusiornermullu immikkoortoqarfiup pisortaanut nalunaartartussaavoq. Immikkoortortaqarfik arfineq marlunnik sulisoqarpoq.
 
Atorfik pillugu annertunerusumik paasissutissat pillugit saaffigiuk Immikkoortortami pisortaq Emanuel Rosing +299 34 53 32 aamma E-mail: emro@nanoq.gl
 
Aalisarnermut Piniarnermullu Naalakkersuisoqarfik pillugu annertunerusumik paasissutissat pillugit, naqiguk www.naalakkersuisut.gl

Akissarsiat atorfinitsitaanermilu atugassarititaasut
Akissarsiatigut aamma atorfeqartitaanermi atugassarititaasut, taakkununga ilanngullugit akiliunneqarluni atorfinikkiartorluni soraarlunilu angalasinnaatitaaneq aamma pequtit nuunneqarsinnaanerat, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaa/sulisunut isumaqatigiissutaa naapertorlugu.

Sapaatit akunnerannut nalunaaquttap akunneri  40-t suliffiusarput.
 
Inissaq
Malittarisassat sukkulluunniit atuuttut malillugit atorfinittumut sulisunut inissiamik pequtsersugaanngitsumik innersuussisoqarsinnaavoq.  Inissiamut innersuussutigineqartumut illumut akiliut qularnaveeqqusiinerlu malittarisassat qaqugukkulluunniit atuuttut malillugit akilerneqassapput. Inigisap qanoq pisoqaatiginera, piginnittuuneq il.il. apeqqutaallutik ineqarnermut akiliutit inillu qanoq pitsaatiginera assigiinngissinnaapput. Sulisunut inissiaq atorfeqarnerup atorunnaarnerani qimanneqassaaq. Ataavartumik sulisutut inissiaqalernissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffiit minnerusut imaluunniit akunnittarfimmi inissiat.
 
Atorfiniffissaq: Piaarnerpaamik isumaqatigiissuteqarnikkut.
 
Qinnuteqaat ilinniakkat siusinnerusukkullu suliffigisimasat pillugit paasissutissat soraarummeernernilu uppernarsaatit il.il. assilineri ilanngullugit nassiunneqassapput:
 
Imaluunniit nanoq.gl atorlugu internettikkut qinnuteqartoqarsinnaavoq.
 
Kalaallit Nunaanni Namminersorlutik Oqartussat
Aalisarnermut Piniarnermullu Naalakkersuisoqarfik 
Postboks 269, 3900 Nuuk.
 
 
Qinnuteqarnissamut killigititaq 17. oktober 2021

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia