sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kalaallit Nunaata Niuernermik Ilinniarfiata saaffiginnittarfiani sulisussarsiorpugut

Namminersorlutik Oqartussat

Nuuk
Ikkunneqarpoq: 19-10-2020
Piffissaq atuuffissaa naassaaq: 10-11-2020
Suliffissamut ID normut: LJA-81287878
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Qungujulaartuuit kiffartuussinermullu piukkunnartuullutit? Apeqqutit suulluunniit piareersimaffigaagit allanillu ikiuiumatuujullutit? Taava ujagarput illiuvoq.

Nuummi Niuernermik Ilinniarfik, tunngaveqarluarluni ingerlalluarlunilu ilinniarfiuvoq, ilinniakkanik inuutissarsiornermut assassornermullu tunngasunik, suliffeqarfiit pisortallu ingerlataat suleqatigalugit neqerooruteqartoq. Nuummi Niuernermik Ilinniarfik ineriartuleruttorpoq, neqeroorutinik nutaanik ukkataqarfiusoq, ilinniartunut pilerinartuunissamik ilinniartullu tigummiinnarnissaannik anguniagaqarnermik nukittorsaasussaq, aammalu suliffeqarfiit pisariaqartitaannut naleqquttumik  pisinnaasaqarluartunik ilinniartitsisoq. 

Suliassatit
Saaffiginnittarfimmi sulisutut suliassatit assigiinngitsuupput kiffartuussinermullu piukkunnassuseq aammalu suliassat suugaluartulluunniit suliarisinnaaneri piumasaqaataalluni. Ilinniartut, ilisimatusartut, avataanilu suleqatit ulluinnarni attaveqarfigisartussaavatit.

Suliassat ilaatigut makkuupput:  

  • Oqarasuaatikkut sullissineq aamma sianertunik nuussinerit
  • Inuit suliffeqarfimmut saaffiginnittut kiffartuunneri
  • Allagarsiat isumagalugit toqqorterlugillu allakkallu nassiussassat nassiussorlugit
  • Kiffartuussinernit akiliutit tigoorarneri
  • Billettinik inniminniinerit aamma
  • Ataatsimiinnissat ataqatigiissaarlugit piareersarlugillu
  • Suliassat takkuteriataartartut suugaluartulluunniit immikkoortortaqarfiup iluani suliaralugit

Saaffiginnittarfimmi siulliullutit suliartortassuutit, taamaattumik sulisunut allanut suliartorlutik isaasunut  iseruminartuussaatit qungujulaartuullutillu. Atuartuniit, ilisimatusartuniit sulisuniillu  pilersaarutaanngitsunik suliassanik takkuttoqartartussaammat, suliffinni akornusersorneqartarnissat akuerisinnaasariaqarpat. Immikkoortortaqarfimmi aqutsisoq pisortarissavat. 

Kissaatigaarput
  • Inuutissaarsiornermut tunngasumik imaluunniit tassunga assingusumik allaffissornerup iluani misilittagaqarlutit
  • Office-pakke ilisimasaqarfigissavat aamma iliniakkanut allaffissornermut tunngasut ilisimasaqarfiginissaat iluaqutaassooq
  • Kiffartussinissamut piukkunnaartuuneq aamma ikiuukkumatuujuneq
  • Suleqateqarluarsinnaasoq, tunuarsimaanngitsoq aammalu suliffimmi ingerlalluartumi avatangiisigissaartumilu sulinissamut naleqquttoq
  • Attaveqallaqqissuuneq aamma kalaallisut qallunaatullu oqallorissuuneq annertuumik pingaaruteqarput

Neqeroorutigaarput
Ilinniarfimmi alliartortumi suliffik pissanganartoq, ilinniartuutitsinnik, ilisimatusartunik suleqataasunillu
pigisatsitut pingaarnertut pilersitsisinnaasutullu isiginnittoq. Unamminartunik pissanganartunik naapitsisassaatit, periarfissaqassalutillu sulisut pikkorissut, suliaminnik aallussisut, isumassarsinartut pilersitsisinnaasullu suleqatigilernissaannut, ulluinnarni qiimaneq pingaartillugu suleqataasut.  

Sap.akunneranut nal. ak. 40 suliffiuvoq, atorfillu 1. december 2020 imaluunniit isumaqatigiissuteqarnikkut inuttalerneqassaaq.

Paasissutissat allat
Saaffiginnittarfimmi uatsinni sulisutut ilinnut takorloorsinnaaguit, paasisaqarnerorusullutillu, Immikkoortortaqarfimmi Aqutsisoq Rosa A. Mørch  oqarasuaat +299 342556 imaluunniit e-mail roam@ninuuk.gl attaveqarfigissavat.

Kalaallit Nunaanni Niuernermik Ilinniarfik pillugu atuarsinnaavutit uani www.ninuuk.net

Tusarfiginissat qilanaaraarput!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia