Kangaatsiaq - Utoqqaat illuat aqutsisussarsiorpoq

Utoqqaat illuat 17-it missaanni sulisoqarpoq.

Utoqqaat illuat paaqqinnittarfialu najugalinnut 11-nut inissaqartitsivoq qasuersaartitamullu ataatsimut inissaqartitsilluni.

Inummik allaffissornikkut siulersuisuunikkullu ilinniarsimasumik misilittagalimmillu, kiisalu peqqinnissaqarfimmut tunngasutigut ilinniagaqarsimasumik pissarsiortoqarpoq.

Utoqqaat illuanni aqutsisoq INUIT-mi pisortamut attaveqartuuvoq, aamma kommunemi ataatsimoorussilluni paaqqinninnermi sullissivimmi suliatigut, aaqqissugaanikkut sulisoqarnikkullu aqutsinikkut akisussaasuulluni.

Utoqqaat illuanni aqutsisoq kommunemi ataatsimoorussilluni paaqqinninnermi sullissivimmi akisussaanermut qullersatut anguniakkat, suliffeqarfimmut killissat ineriartorteqqinnissaalu suliarisussaassuai.

Immikkoortuni suliassai akisussaaffiilu

Ataatsimoorussilluni sullissiviup ataani immikkoortunut tamanut qullersatut akisussaavoq, tamatumani aningaasaqarnermut, najugalinnut, sulisunut, napparsimasunik paaqqinninnermut qullersatut akisussaalluni.

Suliassai pingaarnerit:

-      Suliassanut siulersuisuuneq agguaassinerlu

-      Napparsimasunik paarsinerup pitsaassusaata isumannaarnissaa

-      Missingersuutit naatsorsuutillu

-      Illup iluani avataanilu ataatsimiititsisarneq

-      Sulisunut pissutsit

-      Nakkutilliineq

-      Ineriartortitsinissamut suliassat

-      Sulisunut ilinniarnissamut pikkorissarnissamullu neqeroorutit

-      Ilisimatitsineq/suliassanik suliarinninneq/ SU-mi malittarinninneq

-      Pillorissaanermi, tagiartuilluni peqqissaanermi atortorissaarutit

-      Pigaartutut piareersimaneq

Atorfik sulisunik aallussilluartunik suleqateqarluni suliassatigut inuttullu ineriartornissamut periarfissaqarluarpoq. Atorfik ilungersornartunik suliaqarfiuvoq, suliatigut inuttullu unammillernartortaqarluni aamma kommunep siunissami utoqqarnut tunngassutilinnut suliassanut ineriartortitsinermut sunniuteqarnissamut periarfissaqartitsilluni.

Akissarsiatigut atorfininnermilu atugassarititaasut

Akissarsiatigut atorfininnermilu atugassarititaasut pissapput isumaqatigiissutit atuuttut naapertorlugit.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Atorfik pillugu paasissutissat sukumiinerusut maanna aqutsisumut Nielseeraq Siegstad tlf. 87 21 46 e-mail nisi@qeqertalik.gl attavigiuk imaluunniit inuit aqutsisuanut Susan Filemonsen-imut oqarasuaat 70 19 00 e-mailikkut susa@qeqertalik.gl 

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.