Kangerlussuarmi immikkoortortaqarfimmi KISS-imi handymandissarsiorpugut

Mittarfeqarfiit

Sisimiut

Ikkunneqarpoq: 12-02-2025

Piffissaq atuuffissaa naassaaq: 28-02-2025

Suliffissamut ID normut: LJA-85946676

Atorfeqarnermi atugassarititaasut: Tamakkiisoq

Suliassaqarfik: Allat

Nuannaartunik kiffartuussinermillu piginnaasalimmik handyman KISS-imut (Kangerlussuaq International Science Support)

KISS tassaavoq Kangerlussuarmi ilisimatusarnermut atatillugu ingerlatsisuni annersaasoq, tassanilu ilisimatusartut amerlanerit naapittarput. Taamaattumik assigiinngitsuni illuni 200-nik ineeraateqarpugut, taakkulu tamarmik aserfallatsaaliugassaapput. Ilisimasatit atorlugit suleqataarusuppit, tassanilu atuisutsinnut immikkut ittumik misigisaqartitsinissamik, pitsaasumik, pimoorussisumik, tunniusimasumillu kiffartuussinermik? KISS Kangerlussuarmi ilisimatusarnermut, ataatsimiinnernut assigiinngitsunillu ilisimatusarnermut attuumassuteqartunik suliqarnermut atorneqartarpoq. Suliassavit pingaarnersaraat kiffartuussinermut immikkoortortatsinni peqataaneq, taanna housekeeping, errorsivik aamma handyman-imik immikkoortortaqarfimmik imaqarpoq. Suleqatigiilluta KISS Kalaallit Nunaanni ilisimatusarnermut orniguffiunerpaajunissaa anguniassavarput.

Suliassat

• Handyman-imik suliassat

• Illuutitsinnik atortuutitsinnillu pitsaasumik atorsinnaanissaat qulakkeerneqassaaq

• Aserfallatsaaliinermik suliassat mikinerusut – qalipaaneq, qalersuarnik nutarterineq, VVS-mut suliassat mikinerusut

• Sanasutut suliassat mikinerusut

• Matut paarnaarsaataanik (dørlåse) taarsersuineq il.il.

• Aserfallatsaaliinermut atatillugu missingersuusiornermut siunnersuineq

• Avataanit suliartortut suliassaannik nakkutiginninneq

• Atortussaasivimmi amingaatinik immersuineq

• Umiarsuakkut tikisitassanik inniminneeqataaneq

• Nutarterinermut suliassanik anginerusunik pilersaarusiornermut siunnersuineq

Ilinnut piumasaqaatit

Atuisunik kiffartuusserusussuseqarputit, atuisut pitsaasumik misigisaqartinnissaat pingaartippat, taamaalillutik KISS-imi atuisut uteqqikkusunnissaat suleqataaffigissavat.?Pimoorussisuullutit, nuannaartuusutit, inussiarnerlutillu. Kulturerpassuarnit inuillu assigiinngitsut suleqatigisinnaallugit piginnaasaqartutit.?Nalinginnaasumik eqqiluisaartuuvutit, ammasuullutit, suleqatigiinnermilu suleqatiginnillaqqissuseqarlutit.?Pingaartitaraat atortut tamaasa pitsaasumik ingerlannissaat, kiisalu atuisut naammagisimaarnissaannut tapersersuineq.

Neqeroorutigaagut

Atorfik pissanganartoq, namminersorfiusoq unammillernartoqarluartorlu. Piginnaasatit inuttullu ineriartornissat periarfissaqarfigissavat.?Atorfik KISS Manager-imut toqqaannartumik attaveqaateqassaaq.

Suliffimmut atasut atugassarititaasut

Akissarsiat atorfinitsitaanermilu atugassarititaasut kattuffiit attuumassuteqartut isumaqatigiissutaat malillugit aalajangerneqassapput, kiisalu inissaqartitsisoqarsinnaavoq atuuttunut malittarisassat malillugit akilersorneqartussamik. Angalanissamut tapiissutit atuuttut malillugit atorfininnermi angalanissamut akiliussisoqassaaq.?Ukiumi atorfinitsinneqarnermi qaammatini 12-ini sulereernerup kingorna angerlarsimaffimmut feriefrirejse pisinnaatitaaffigineqassaaq.?Atorfik tamakkiisoq sapaatip-akunneranut 40 tiimit suliffiussallutik. Unnuakkut sapaatillu akunnerata naanerani sulisarnissaq naatsorsuutigineqassaaq.?Atorfininneq piaartumik imaluunniit isumaqatigiissuteqarnikkut pissaaq.

Paasissutissat sukumiinerusut

Suliffissaq periarfissaalersinnaasoq pillugu paasisaqarnerorusukkuit: www.greenlandairports.gl.?Atorfiup imarisaanut tunngatillugu apeqqutissaqaruit KISS Manager Chris Sørensen oqarasuaatikkut +299 524533 attavigisinnaavat.?Atorfinitsitsinermut tunngasunik apeqqutissaqaruit, HR-afdelingimut attaveqarsinnaavutit: hr@mit.gl.

Qinnuteqaat

Atorfimmut qinnuteqarnissamut qinnuteqaatit, CV-t kiisalu ilinniarnermut uppernarsaatit ataani linki atorlugu kingusinnerpaamik ulloq 28-02-25 nassiunneqassapput.

Kangerlussuaq International Science Support (KISS)

KISS center Greenland Airports A/S-ip kommeciel afdeling-iata ataani inissisimavoq.?Greenland Airports.