sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kitsissuarsuit barselsvikar overassistent søges til Sullissivik

Kommune Qeqertalik

Aasiaat
Ikkunneqarpoq: 22-10-2020
Piffissaq atuuffissaa naassaaq: 26-11-2020
Suliffissamut ID normut: LJA-81299826
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Kitsissuarsunni Sullissivik overassistentimut paarlatsissamik sulisussarsiorpoq

 

Kommune Qeqertalik Kitsissuarsunni Sullissivimmi overassistentimut paarlatsissamik sulisussarsiorpoq 1. december 2020 imaluunniit isumaqatigiissuteqarnikkut sulilersussamik. Kommune Qeqertalik Kitsissuarsuit allaffimmiumik saaffiginnittunik sullissisinnaasumik, nunaqarfimmi aqutsisunut allattaasinnaasumik pissarsiorpoq.

Erseqqissaatigineqassaaq paarlattaaneq piffissami aalajangersimasumi pissammat, naatsorsuutigissuallu 24.09.2021 imaluunniit kinguninnguatigut soraarsinneqassasutit.

Aasianni Illoqarfimmi Pisortaq toqqaannartumik pisortarissavat – Sulisoqarnermut allaffissornikkut sulianik ingerlatseqataassaatit aammalu kommunip immikkoortortaqarfii allat sullisissallugit aammalu attaveqarfigisarnissaat akisussaaffigissavat. Kiisalu soqutiginartunik atorfimmi suliassanik akisussaaffinnillu pissanganartunik suliassaqarputit.

Suliassaqarfiit akisussaaffiillu:

  • Piniarnermut allagartanik qinnuteqaatit suliaralugit.
  • Piniarnermi pisassiissutigineqartut - Tuttunut, Umimmannut akuersissutinik tunniussineq, Kapisilinnut akuersissutit, Qaleralinniarnissamut aammalu saarullinniarnissamut akuersissutit, Qilalugartassiissutit, Tikaagullittassiissutit akuerineri suliarineri pisarineqartullu nalunaarutigalugit.
  • Teknikkeqarfiup ataani sulliviit nakkutiginerini suleqataaneq, suliakkiineq pisariaqartitsinerlu malillugu sulisussarsiorneq.
  • Kommunip illuutai, A/S INI inaataanik nakkutiginninneq isumaginninnerlu.
  • Ullut 14-ikkaarlugit akissarsialinnik nalunaarutiginninneq kiisalu qaammammut tiimimut allattuiviit isumagineri.
  • Akiliisitsiniartarfimmut innersuussinerit.
  • Nunaqarfimmi aqutsisut ataatsimiissutissaat kiisalu imaqarniliorneri agguaassorlugit.
  • Ineqarnermut tapiissutinik qinnuteqaatit isumagalugit.
  • Suliffissarsiortunik nalunaarsuineq, sullissinerlu.
  • Suliassat takkussuuttut assigiinngitsut isumagalugit.

 

Naatsorsuutigaarput:
Allaffissornikkut ingerlatsisarnerup iluani ilinniagaqartutit imaluunniit naleqquttumik suliffeqarfinni allaffissorluni ingerlatsinermik misilittagaqartutit, qallunaatut kalaallisullu allassinnaallutit oqalussinnaallutillu.

Inuttut illit: 

Aaqqissuussaasumik sulisarputit, torersaartuullutit sullissillaqqissuullutillu. Tusarnaartarputit isummatillu pitsaasumik siunertalimmik annittarlugit attaveqatigiinneq ajunngitsoq attanneqarluni.

Akissarsiat atorfininnermilu atugassarititaasut:

Atorfininnermi atugassarititaasut, tamatuma ataani akiliunneqarluni atorfininnermut atatillugu angalaneq kiisalu pigisat assartorneqarnerat, Naalakkersuisut Kattuffiullu isumaqatigiinniarsinnaatitaasup akornanni isumaqatigiissutit atuutsinneqartut naapertorlugit atorfinitsitsisoqassaaq.

 

Atorfimmut atatillugu inissaqartitsisoqanngilaq.

Atorfimmut paasissutissat sukumiinerusut Illoqarfimmi Pisortaq Arne S. Reimer oqarasuaat 38 70 61 e-mail: asre@qeqertalik.gl saaffigalugu pineqarsinnaapput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia