sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kitsissuarsuit - Borgerservice søger en Overassistent

Kommune Qeqertalik

Aasiaat
Ikkunneqarpoq: 10-05-2022
Piffissaq atuuffissaa naassaaq: 30-05-2022
Suliffissamut ID normut: LJA-83597406
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Kommune Qeqertalik Kitsissuarsuit allaffimmiumik Overassistentitut sulisussamik Kitsissuarsunni saaffiginnittunik sullissisinnaasumik, nunaqarfimmi aqutsisunut allattaasinnaasumik 1. juni 2022 imaluunniit isumaqatigiissuteqarnikkut sulilersussamik sulisussarsiorpoq.

Atorfik inuttalerniarneqarpoq Niuernermik Allaffissornermillu ilinniarsimasumik imaluunniit assingusumik tulluartumik ilinniagalimmik.

Suliassaqarfiit akisussaaffiillu:

·Piniarnermut allagartanik qinnuteqaatit suliaralugit.

·Piniarnermi pisassiissutigineqartut - Tuttunut, Umimmannut akuersissutinik tunniussineq, Kapisilinnut akuersissutit, Qaleralinniarnissamut aammalu saarullinniarnissamut akuersissutit, Qilalugartassiissutit, Tikaagullittassiissutit akuerineri suliarineri pisarineqartullu nalunaarutigalugit.

·Teknikkeqarfiup ataani sulliviit nakkutiginerini suleqataaneq, suliakkiineq pisariaqartitsinerlu malillugu sulisussarsiorneq.

·Kommunip illuutai, A/S INI inaataanik nakkutiginninneq isumaginninnerlu.

·Ullut 14-ikkaarlugit akissarsialinnik nalunaarutiginninneq kiisalu qaammammut tiimimut allattuiviit isumagineri.

·Akiliisitsiniartarfimmut innersuussinerit.

·Nunaqarfimmi aqutsisut ataatsimiissutissaat kiisalu imaqarniliorneri agguaassorlugit.

·Ineqarnermut tapiissutinik qinnuteqaatit isumagalugit.

·Suliffissarsiortunik nalunaarsuineq, sullissinerlu.

·Suliassat takkussuuttut assigiinngitsut isumagalugit.

·Sulisoqarnermut allaffissornikkut sulianik ingerlatseqataassaatit.

·Kommunip suliassaqarfii allat Isumaginnittoqarfik, Timi Tarnilu sullisissallugit aammalu attaveqarfigisarnissaat akisussaaffigissavat.


Naatsorsuutigaarput:
Allaffissornikkut ingerlatsisarnerup iluani ilinniagaqartutit imaluunniit naleqquttumik suliffeqarfinni allaffissorluni ingerlatsinermik misilittagaqartutit, qallunaatut kalaallisullu allassinnaallutit oqalussinnaallutillu.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Inuttut illit: 

Aaqqissuussaasumik sulisarputit, torersaartuullutit sullissillaqqissuullutillu. Tusarnaartarputit isummatillu pitsaasumik siunertalimmik annittarlugit attaveqatigiinneq ajunngitsoq attanneqarluni.


Akissarsiat atorfininnermilu atugassarititaasut:

Atorfininnermi atugassarititaasut, tamatuma ataani akiliunneqarluni atorfininnermut atatillugu angalaneq kiisalu pigisat assartorneqarnerat, Naalakkersuisut Kattuffiullu isumaqatigiinniarsinnaatitaasup akornanni isumaqatigiissutit atuutsinneqartut naapertorlugit atorfinitsitsisoqassaaq.


Atorfimmut atatillugu inissaqartitsisoqanngilaq.

Atorfimmut paasissutissat sukumiinerusut Inoqarfimmi aqutsisuugallartumut Ane Sofie Mølgaard-imut  oqarasuaat 70 19 00 imaluunniit Inoqarfimmi piffimmi akisussaasumut Otto Sandgreen-imut telefon 70 19 00 saaffiginninnikkut pineqarsinnaapput.


Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.

“Atorfik una qinnuteqarfigiuk “ toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqarnissamut killissarititaq 30. Maj 2022.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia