Køkkenchef søges til Nuuk i naturskønne Grønland / Nuummi Kalaallit Nunaanni pinngortitarsuarmit avatangerneqaqqasumi iggavimmi aqutsisussarsiortoqarpoq

Kalaallit Nunaanni Brugseni

Nuuk

Ikkunneqarpoq: 22-10-2019

Piffissaq atuuffissaa naassaaq: 24-11-2019

Suliffissamut ID normut: 330110540

Atorfeqarnermi atugassarititaasut: Tamakkiisoq

Suliassaqarfik: Aqutsineq, Akunnittarfik & neriniartarfik, Pisiniarfik & sullissineq

Atorfiup taaguutaa: Køkkenchef

Ilinniagaq:

Misilittakkat - Annertunerusumik: Kundeservice, Køkkenassistance,

Oqaatsit:

Danskisut	Atuarneq/ oqalunneq/ allanneq
Kallaallisut	Atuarneq/ oqalunneq/ allanneq

Nuummi Kalaallit Nunaanni pinngortitarsuarmit avatangerneqaqqasumi iggavimmi aqutsisussarsiortoqarpoq

Illit nerisassanik, inunnik pinngortitarsuarmilu alianaatsumi misigisassarsiornermik pingaartitsisuusutit suliffissaqartippatsigit.
Kalaallit Nunaanni pisiniarfeqarfiit annersaannut ilaavugut, pisiniarfiutivullu sammisassanik inunnillu nuannaartunik ulikkaartuaannarput.
Suliffissatsialammik sunngiffinnilu Kalaallit Nunaanni pinngortitarsuarmi alianaatsumi misigisassarsiornissamut periarfissamik neqeroorfigaatsigit. Qinnuteqartutit naleqquttuuguit, angalanissamut aningaasartuutissat tamaasa isumagiumaarpavut illillu ilaquttavillu pitsaasumik najugaqarnissarsi qulakkiissallutigu.
Nangaajunnaarlutit Kalaallit Nunaanni misigisaqariartorit!

Brugsenimi iggavimmi aqutsisutut ulluinnatit aqutsisutut akisussaaffinnik, nerisassanik inunnillu ulikkaassapput. Aqutsisussarsiorpugut tunisassiornitsinni pitsaassutsimik qaffasitsitsiuarsinnaasumik delikatesseerniarfimmilu sulisunut pitsaasunik avatangiiseqartitsisinnaasumik.

Suleqatigiinnut pikkorissunut piginnaaneqarluartunullu pikkorissaarlutik suliaqarnissamut piareersimasunut siuttuussaatit. Taamaattumik pingaaruteqarpoq immikkoortortami avatangiisinik pitsaasunik pilersitsisinnaanissat, ulluinnarni aamma ulapaarfiugaluaraangat. Iggavimmi aqutsisutut ulluinnavit annersaat immikkoortortami allaffissornikkut suliassanik suliaqarfiussapput, ilaatigut sulisunik nutaanik atorfinitsitsinermik, fakturanik suliaqarnermik, inniminniinermik suliassat, sulinissamut pilersaarusiornermik il.il.

Delikatesseerniarfik immikkoortortaavoq soqutiginartoq assigiinngiiaartunik piorsarsimassuseqarfiusoq, kalaallisut, danskisut tuluttullu oqaluffiulluni.

Brugseni Nuuk ukiumut 300 mio. kr. sinnerlugit kaaviiaartitaqartarpoq nerisassanik atortussanillu assigiinngitsorpassuarnik nioqquteqarluni. Pisiniarfik 160-it missaanniittunik sulisoqarpoq, ataaseq iggavimmi aqutsisuuvoq tallimallu nerisassanik ikiortiullutik / cateriullutik. Delikatesseerniarfimmi tamarmi iggavittalimmi, tuniniaavittalimmi caféertalimmilu immikkoortortanilu marlunni pisiniarfimmi anginerminngiitsuni 30-t missaanniittunik sulisoqarpoq. Delikatesseerniarfik ammasuuvoq pisiniarfiullu ilaaniilluni taamalu pisianik sullissineq aamma ulluinnarni suliassaalluni.

Aqutsisutut suliassavit amerlanersaasa saniatigut tamatigoortumik ulluinnaqassaatit iggavimmit nillertunik kissartunillu tunisassiornermut suliffeqarfippassuarnullu aalajangersimasumik sullissinermut akisussaaqataassallutit. Aammattaaq delikatesseerniarfik ulluinnarni tamani atuartunut 2.500-t missaanniittunut nerisassiuussisarpoq.

Soqutiginartikkukku tusarfiginissat qilanaaraarput.

Suliassat
• Sulisunut aqutsisuuneq
• Ulluinnarni ingerlatsinermut tunisassiornermullu akisussaasuuneq
• Suliassanik pilersaarusiorlunilu agguaassineq 
• Immikkoortortami allaffissornikkut suliassanut tamanut akisussaasuuneq (inniminniineq, fakturanik suliaqarneq il.il.)
• Sullittakkanik sullissineq
• Atuartunik nerisassiuussinermik ataqatigiissaarineq
• Tunisassiassanik assigiinngitsorpassuarnik, kissartunik nillertunillu, tunisassiornermut akisussaasuuneq

Illit piginnaasatit
• Iggavimmi sulisutut ilinniarsimaneq ukiorpassuarniluunniit misilittagaqarnermik uppernarsaasinnaaneq
• Pisiniarfeqarfimmi sulinermik misilittagaqarneq, ingammik pisiniarfiit delikatesseerniarfiini
• Aqutsisutut misilittagaqarneq
• Ulapaarfiugajummat eqqissisimasinnaaneq
• Pissutsini imaannaanngissinnaasuni sulilluarsinnaaneq
• Suleqateqarnissamik sullissinissamillu pingaartitsineq
• Timikkut nukittuneq, sullivimmi tamanna pisariaqarmat
• Assut eqqiluisaartuuneq
• Piorsarsimassusikkut assigiinngissutinik paasinnissinnaaneq

Ilinnut neqeroorutigisinnaavavut
• Suliffik soqutiginartoq suliamut piginnaaninnik takutitsiffigisinnaasat
• Immikkoortortami pisiassaatigineqartunik ineriartortitsinermut sunniuteqaqataasinnaaneq
• Aqutsisutut piginnaasanik ineriartortitsineq
• Suleqatit pikkorissut akornanni pitsaasunik avatangiisilimmik suliffeqarneq
• Atorfininnermi atugassat pitsaasut atorfininnermut atatillugu inissiamik neqeroorfigineqarsinnaaneq, pequteqareersumik imaluunniit pigisat nassiunneqarsinnaallutik
• Atorfininnermut atatillugu suliffimmillu tunuarnermut atatillugu angalanerit isumaqatigiissusiornikkut aaqqiivigineqarsinnaapput
• Piginnaasat naapertorlugit akissarsiaqarneq, ukiumullu feriefrirejseqartarneq
• Piffissat suliffiit ullaakkuunerullutillu ulluuneraniipput, weekendillu allortarlugit sulinngiffiusarlutik.

Nuuk
Nuuk Kalaallit Nunaanni illoqarfiit pingaarnersaat 18.000-t missaanniittunik inoqarpoq. Illoqarfik inunnut qanorluunniit ukiulinnut sammisassanik neqeroorutissaqarluarpoq. Ilaqutariinnut assigiinngitsorpassuarnik periarfissaqarpoq meeqqanullu pitsaasunik atuarfeqarluni. Illoqarfimmi sammisassaqarluarpoq pisiniarnissamut, caféniinnissamut, filmeriarnissamut nalugiarnissamullu periarfissaqarluarluni. Kalaallit Nunaata sineriaani sumiiffinni allanisulli Nuuk pinngortitarsuarmit alianaatsumit avatangerneqaqqavoq piniarnissamut, aalisarnissamut angalaarnissamullu periarfissaqarluarluni. Ullut tamaasa inuit 3.000-t 5.000-llu akornanniittut Brugsenimut isertarput, taamaammat pisoqartuaannarlunilu sammisassaqartuaannarpoq.

Atorfininneq
Isumaqatigiissutigineqartoq naapertorlugu.
Naleqquttumik qinnuteqartoqarnissaata utaqqinissaanut piumassuseqarpugut.
Apriili 2020 sioqqullugu atorfininnikkut maanna iggavimmi aqutsisuusumit ilinniartinneqarnissamut siunersioqateqarnissamut periarfissaqarluassaaq.

Qinnuteqarnissamut killigititaq
Kingusinnerpaamik novembarip 24-anni, sioqqulluguluunniit.
Ingerlaavartumik oqaloqateqartoqartassaaq.

Qinnuteqaatit nittartakkatsigut nassiunneqassapput ugguuna: www.brugseni.gl/job
(e-mailikkuunngitsoq).

Atorfik pillugu apeqqutissaqaruit attavigikkit
Iggavimmi aqutsisoq Bo Hansen, tlf. +299 34 98 15, 07650d@brugseni.gl
Imlt. tuniniaanermi aqutsisoq Mark Kobberrød, tlf. +299 34 98 01, mark.kobberroed@knb.gl

Nittartagaq: www.brugseni.gl
Facebook & LinkedIn: Kalaallit Nunaanni Brugseni