sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Narsaq Skole Søger 2 Lærer

Kommune Kujalleq

Narsaq
Ikkunneqarpoq: 23-07-2021
Piffissaq atuuffissaa naassaaq: 16-08-2021
Suliffissamut ID normut: LJA-82430383
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq

2021-mi aggustip aallaqqaataaniit immikkut sivisussusileriikkamik atorfinittusanik Narsap atuarfia pikkorissunik marlunnik ilinniartitsisussarsiorpoq.

Kommune Kujallermi atuarfiit ineriartortitsinermik suliaqarnerat qitiuvoq. Angusat qaffassarlugit inerisaaneq aallarteruttorpoq. Ukiut arlalinngorput atuarfiit iPadsinik atuiffiulermata, taamaammat IT-kkut ineriartornermut malinnaalluarpugut. Pikkorissunik ineriartortitseqataanissamut piukkunnarluinnartunik ilinniartitsisussarsiorpugut.

Meeqqat siunissaat eqqarsaatigalugu angusaqartitserusukkuit inerisaanermullu peqataarusullutit atorfissaqartippatsigit!

 

Ilinniartitsisunik marlunnik pissarsiorpugut.

Ilinniartitsisoq  ataaseq akullerni fagini ukunani ilinniartitsisussarsiorpugut: Qallunaatut klasseni sisamani, klasseni marlunni meeqqat pisinnaatitaaffiinik aammalu pisussaaffiinik atuartitsineq aammalu 6.klasseni klasselæreriussalluni.  

Ilinniartitsisoq ataaseq angajullerni fagini ukunani ilinniartitsissaaq:  qallunaatut klasseni pingasuni, sumiiffimmi toqqakkat aammalu timersorneq klasseni marlunni.

 

Narsap Atuarfia

Narsap Atuarfia atuarfik nutartigaavoq qalipaatigissoq, nunarsuarmi Andalamik qalipagaq anginerpaaq atuarfimmiippoq. Atuarfik mamakujuttorfiunanilu mobileqarfiunngilaq. Init atuartitsiviit tamarmik prowiseqarput, taamaammat atuartitsinermi qarasaasianik atuinissamut atortorissaaruteqarluarpoq. Atuarfiup atuartut atugarissaarnissaat pingaartippaa, taamaammat ulluinnarni atuartut atuarfimmi nerisarput. Aamma atuarfiup angajoqqaanik suleqateqarnerup pitsanngorsarnissaa sulissutigaa. Atuartut 195-iupput, kisianni illoqarfimmi inuussutissarsiutinut ilinniarfeqarmat 200-t missaannut amerlisinnaasarput.  Taamaammat tikeraartunik atuartuuteqarneq sungiusimavarput. Ilinniartitsisut atuartitsisullu katillutik 27-upput.  

Atuarfimmut ineriartorfiusumut qinnuteqarit, tikilluaqquatsigit!

Narsaq illoqarfiuvoq eqqissisimasoq. Illoqarfiuvoq pisuttuarnissamut angalaarnissamullu periarfissarpassualik, Kalaallit Nunaata kujataa misigerusukkukku illoqarfimmut kusanartunik avatangiisilimmukarit.   

 

Qinnuteqaateqartumut naatsersuutigisagut:  

IMAK-ip atorfik pillugu takorluugai ilisimassagitit

 Ilinniarsimasutut ilinniartitsisuusutit

 Atuartunut angajoqqaanullu pitsaasumik attaveqarlutillu suleqateqarsinnaasutit.

 Atuartitsinermut aqutsillaqqissoq kiisalu suleqatigiligassaminut suleqateqallaqqissoq

 

Meeqqanik pinerliisimannginnermut uppernarsaammik:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Løn og ansættelsesvilkår

Atorfininnermi uku najoqqutarineqarput: Naalakkersuisut aamma nunatsinni Ilinniartitsisut Kattuffiata IMAK-ip kiisalu Kalaallit Nunaanni Meeqqat atuarfiata akornanni isumaqatigiissutaat 27. august 2014-imeersoq aamma Naalakkersuisut IMAK-illu pingaarnertut isumaqatigiissutaat 28.10.1998-imeersoq najoqqutaralugu.

 

ATUGARISAT ILUATINNARTUT TUNNGAVIGALUGIT ATORFINITSITSINEQ

Naalakkersuisut aamma IMAK-ip isumaqatigiissutaat 27. august 2014-imeersoq najoqqutaralugu atorfinitsitsisoqassaaq. Qinnuteqartunut Kalaallit Nunaanni tjenestemandioreersunut tunngatillugu atorfinitsitseriaaseq taanna ingerlateqqinneqassaaq.

Qinnuteqartut piukkunnaateqartut kajumilersinniarlugit immikkut sivisussusileriikkamik atorfinitsitsinissaq isumaqatigiissutigalugu atorfinitsitsinissaq neqeroorutigineqassaaq. Ukiuni aalajangersimasuni atorfinitsinneqarnermi isumaqatigiissutip kinguneraa atorfeqalerernermi qaammatit 12-it qaangiutereernerini inatsisit atuuttut najoqqutaralugit atorfinitsinneqartoq taassumalu ilaqutai akiliunneqarlutik feeriarsinnaammata. Tamatuma saniatigut 1991-imi aningaasartat naapertorlugit atorfinereernerup kingorna ukiumoortumik soraarnermi immikkut pissarsiassaq 18.000 koruuninik nalilik tunniunneqartassaaq, taakkulu aningaasat kontumut matoqqqsumut ikineqassapput. Soraarnermi aningaasat immikkoortinneqartut soraarnerup kingorna tunniunneqassapput.

 

Inissaqartitaaneq

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

 

Atorfinikkiartornermi angalaneq

Atorfininnermut tunngatillugu atorfinerlaanut taassumalu ilaqutaanut akeqanngitsumik angalanissaq isumagineqassaaq, aammalu minnerpaamik ukiuni pingasuni atorfeqareerneerup kingorna inatsisit atuuttut najoqqutaralugit soraarnermi angalanissaq kisalu pigisat assartorneqarnissaat akiliunneqassallutik. Atorfinittut ukiuni siullerni pingasuni sulinngiffeqarnermi akiliunneqarlutik angalasinnaapput taavalu ukiut pingasut qaangiuppata sulinngiffeqarnermi aningaasaateqarfiup aaqqissugaanik ukioq allortarlugu.

Paasissutissat allat: Atorfinnut tunngassutilinnik paasissutissanik tamanut atuuttunik perusukkuit kiisalu qinnuteqarnissamut immersugassamik perusukkuit uunga saaffiginnissaatit: Atuarfeqarnermut Meeqqeriveqarnermut Nutaaliornermullu Ingerlatsivimmi atuartitaanermi tullersortaagallartumut, e-mailia: mege@kujalleq.gl, toqq. oqar. +299 64 54 34

Qinnuteqarnermut immersugassaq

Uatsinni atorfiniinissat soqutigigukku immersugassaq aasinnaavat.  Qinnuteqarnermi immersugassaq pinngitsoorani atorneqartussaavoq.

Qinnuteqaat ilinniarsimanermik uppernarsaammik ilallugu, qanoq sivisutigisumik ilinniartitsisuusimanermik uppernarsaatitalerlugu kiisalu oqaaseqaatinik ilallugu nassiunneqassaaq uunga ima ilisarnaaserlugu: Ilinniartitsisutut atorfiit.

Qinnuteqaat Kommune Kujallermi tiguneqareersimassaaq kingusinnerpaamik augustip 16-ani 2021. Qinnuteqaat, oqaaseqaatit allallu uunga nassiunneqassapput:

Qinnuteqaat nassiunneqassaaq uunga

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq .

job@kujalleq.gl

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat