sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kommuneqarfik Sermersooq Isortumi Alivarpimmi ilinniartitsisussanik pissarsiorpoq

Kommuneqarfik Sermersooq

Tasiilaq
Ikkunneqarpoq: 12-06-2024
Piffissaq atuuffissaa naassaaq: 03-07-2024
Suliffissamut ID normut: LJA-85541981
Atorfeqarnermi atugassarititaasut: Tamakkiisoq
Suliassaqarfik: Allat

Kommuneqarfik Sermersooq ilinniartitsisumik fagini tamaginni ilinniartitsisinnaasumik Isortumi Alivarpimmi pissarsiorpoq.

Isortoq nunaqarfiuvoq sermersuup eqqaani inissisimasoq, 64-it missaani innuttussuseqarpoq, taakkunanilu tallimaasut atuartuupput. Isortoq Tasiilamingaanniit 100km missiliorlugit ungasissuseqarpoq, taamalillunilu Tasiilap nunaqarfiini kujasinnersaalluni. Isertumi Alivarpik 2-nik sulisoqarpoq, taamaattumik ilimagisinnaavat atuaqatigiiaani ukioqatigiinngittunik atuartitsisarnissat.


Naatsorsuutigaarput:

· seminaariami ilinniagaqarsimasuusutit

· iluarinnittoq, peqataasoq aallarnisaasorlu

· suleqatinnut pitsaasumik, aqutsisunik angajoqqaanillu suleqateqarnissat

· killilersuutit pinnagit periarfissat takusinnaassagitit

· atuarfeqarnikkut avatangiisini ineriartorfiusuni aamma kajumissuseqarfiusunipeqataarusussuseqartu unissat

· atuarfimmi immikkoortortaqarfikkaartumi suleqatigiinni ineriartortitseqataanissamut kajumissuseqarnissat


Neqeroorutigisinnaavagut:

· atuarfik ineriartorfiusumik avatangiisilik inuttut suliatigullu ineriartorfiusoq

· atuarfeqarfimmi atorfik pissanganartoq perorsaanikkut ineriartorneq qaffasitsinneqarluni kommunimi meeqqat atuarfianni peqqussutip nutaap ataani, atuarfeqarneq politikkikkut annertuumik salliutinneqarluni

· atuarfimmi ilinniartitsisutut nutaatut tapersersorluarneqarneq

· suleqatit pitsaasut suleqatigiinnermi isumassarsiatsialannik tunisisinnaasut

· suliassanut sunneeqataanissamut iluarsaasseqataanissamullu periarfissat pitsaasut

· ilinniartitaanikkut periarfissat pitsaasut


Imatut qinnuteqaateqassaatit:

Qinnuteqaatit elektroniskiusumik quppernerup matuma naqqani nassitsivissakkut nassiussat piumaneqarnerupput, nassiussannullu qinnuteqaatit, siornatigut suliarisimasatit, ilinniagarisimasat kiisalu ilanngussat kakkigussinnaavatit.


Atorfinitsitsineq:Ullumikkut tjenestemanditut atorfinitsitaareersimaguit, isumaqatigiissutit malillugit tjenestemanditut atorfiit uagut isumaqatiginitsigut nangissallugu periarfissaraat. Isumaqatigiissut malillugu atorfinitsitsinermi ukioq ataaseq misilitsitsivittut piffissaritinneqarpoq. Isumaqatigiissutit malillugit imaluunniit tjenestemanditut atorfinitsitsinermi atorfeqarsimanerup sivisussusia tunngavigalugu akissarsiaqartitsisoqassaaq angusaqarluni ilinniartitsisutut soraarummeersimanerup kingorna. Tjenestemanditut imaluunniit ” Kalaallit Nunaanni Naalakkersuisut aamma Ilinniartitsisut Meeqqat Atuarfianeersut Kattuffiat (IMAK) sulisut il.il. pillugit isumaqatigiissutaat atuuttoq malillugu atorfinitsitsisoqassaaq”.


Åremålertalimmik atorfinitsitsineq:

Atorfinitsitsineq ukiuni aalajangersimasuni atorfeqarnissamut malittarisassaq pillugu 16. februaari 2007-imi aalajangersagaq tunngavigalugu, ukiuni aalajangersimasuni atorfeqarnissat tunngavigalugu, atorfinitsinneqassaatit. Ukiut ataasiakkaarlugit atorfeqarsimaneq tunngavigalugu, 1. apriili 1991-imeersoq malillugu ukiumut tunngaviusumik kr. 18.000,00 aningaasartalimmik, soraarnerusutisiaqartitaanngitsumik soraarnermi akissarsiaqartitsineq pissaaq. Annertussusaa naleqqussarneqassaaq immikkut ittumik tapisiatut, 1. apriili 2017-imi ukiumut annertussuseqarluni kr. 20.253,67. Soraarnersiassaq qaammatikkuutaartumik akissarsiannut ilanngullugu Kalaallit Nunaata aningaaseriviani kontumut matoqqasumut akiliutigineqassaaq.


Kiisalu ukiut tamaasa akiliunneqarluni angalaneq.


Atorfiniffissamut angalanissaq:

Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna.


Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Riikki Grønvold, oqarasuaat +299 36 73 03 imaluunniit e-mail: rigr@sermersooq.gl


Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.


Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.


Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il. akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.


Qinnuteqaat:

Qinnuteqaat qulequtserlugu Atorfiup ilisarnaataa 586-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.


Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.


Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia