Kommuneqarfik Sermersuumi aasaanerani suliffissat/Sommerferiejobs i Kommuneqarfik Sermersooq

Kommuneqarfik Sermersooq

Ikkunneqarpoq: 24-01-2023

Piffissaq atuuffissaa naassaaq: 14-02-2023

Suliffissamut ID normut: 331474516

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: Altmuligmand

Ilinniagaq: Handel og kontor, basisår

Misilittakkat - Annertunerusumik: Sprog

Oqaatsit:

Danskisut	Atuarneq/ oqalunneq/ allanneq
Kallaallisut	Atuarneq/ oqalunneq/ allanneq

Kommuneqarfik Sermersuumi aasaanerani suliffissat

Ilinniaqqiffinni ilinniagaqarpit pikkorissoq pimoorussisorlu, taamaappat Kommuneqarfik Sermersuumi aasaanerani suliffissani ilinniakkannut tunngassuteqartumi periarfissaqarputit.

Upperivarput, ilinniakkamik ingerlataqaraanni atuagarsorneq sulinerlu pitsaanerpaamik akuleriisitsinerusoq. Taamaammat illit pissarsiarerusuppatsigit. 

Aasaanerani Kommuneqarfik Sermersuumi sulissaguit illit ilinniakkannut tunngalluinnartumik pissarsiaqarluassaatit. Uagut - kommunitut suliffeqarfittullu - ilinniarnerpit naammassereerneranit suliffivimmik aallartitsinissannut sakkussannik misilittakkanillu pitsaasunik tunerusuppatsigit. 

Aasaanerani sulinikoq Magnus Biilmann Trolle:

- Akisussaaffippassuarnik tunineqapallappunga. Takornariartitsisarnerup inerisarneqarnissaanut siunnersuusiortussanngorlunga suliakkinneqarpunga. Aasaanerani sulinerma nalaani isumaqatigiissutigaarput immikkut ittumik suleqatigiiffiusussamik suliaqassasunga.

- Isumaqarpunga kommunip periusissiaa pingaarutilipilussuusoq, tassa inuit suliffissamut naleqquttut pissarsiarisinnaagaanni. Periusissiarmi aqqutigalugu eqqortumik suliffeqarnerup qanoq ittuunera paasisaqarfigineqarsinnaammat - uangalu akisussaaffispassuarnik tunineqarsimavunga. Akeqanngitsumik timmisartortitaaneq soorunami aamma kajumissuseqalersitsisimavoq.

Aviisimi ilanngutassiaq uani atuarsinnaavat: Danmarkimi ilinniariarluni angerlarsimasoq

Kommuneqarfik Sermersuumi illit:

· Suliffeqarfimmut angisuumut katitigaalluinnartumullu allanngorarfiusumut akuulissaatit.

· Ulloq suliatigut allanngorarfiusinnaasoq

· Ilinniagaqarnikkut inuttullu unammillernarfiusinnaasoq

· Suleqatitsialannik amerlasuunik naapitaqarfiusoq

Pingaartipparput:

· Alapernaatsuussasutit nutaanillu ilikkagaqarnissamut sapiissuseqartuussasutit

· Suliassamik pissanganartumik peqataaffigerusutannik takugaangavit ujartuisutut peqataaniarsarisartuussasutit

· Kiffartuussiumalluartuusutit

· Suliassatit tamatigut piumassuseqarfigalugit, sulerusussuseqarfigalugit orniginartillugillu suliarinninniartuussasutit

· Allattariarsornermi oqaluttariarsornermilu ersarissumik paatsuugassaanngitsumillu attaveqartartuusinnaassasutit

Kommuneqarfik Sermersooq illoqarfinni Nuummi, Paamiuni, Tasiilami Ittoqqortoormiinilu aasaanerani suliffissaqarpoq. 

Matuma siuliiniittut soqutiginartippigit ilinnullu attuumassuteqarpat aamma paasisaqarnerorusuppit?

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Udannelseskonsulent Rita Manja Geisler , oqarasuaat +299 36 70 19 imaluunniit e-mail: rimg@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pinerluuteqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqartitsineq isumaqatigiissutit atuuttut/isumaqatigiissut naapertorlugit/-gu pissaaq.

Inissaq:Atorfimmut atatillugu inigisassamik innersuussisoqarsinnaanngilaq,

taamaammat neriuppugut illit attaveqaatitit imaluunniit inoqatinut attaveqaatit aqqutigalugit utaqqiisaasumik inissannik nassaarsinnaassasutit.

Qinnuteqaat:

Qinnuteqaat Job nr. 74/23-mik ilisarnaaserlugu, aamma ilinniagaqarsimaneq siornatigullu sulisimanermik paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani Sulisoqarnermut immikkoortortaqarfimmit tiguneqareersimassaaq.

Ima qinnuteqassaatit:

Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

MALUGIUK:

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.