sullissivik.gl
Atorfimmut ussassaarummut oqaatsinut allanut nuunniarlutit tooruk

Kommunikationsmedarbejder - Kommunikationsafdeling

Avannaata Kommunia

Ilulissat
Ikkunneqarpoq: 21-07-2021
Piffissaq atuuffissaa naassaaq: 11-08-2021
Suliffissamut ID normut: LJA-82420870
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq
Attaveqarfissamut paasissutissat

Avannaata Kommunia

 
Oqarasuaat

Tusagassioriaatsit assigiinngitsut atorlugit sulerusuppit saniatigullu nittartakkap aammalu attaveqatigiinnermi nittarsaassutit allat imaannik nutarterinermik suliaqarlutit, taava imaassinnaavoq illiusoq Avannaata Kommuniani attaveqatigiinnermut immikkoortortami pisariaqartitarput.

 

Attaveqatigiinnermut immikkoortortami tusagassioriaatsit suugaluilluunniit atorlugit tusagassiisinnaanermut siunnersuuteqartarnissannut periarfissaqassaatit – soorlu nittartakkamut intranetimullu nutaarsiassaliorlutit allatigulluunniit allaaserinnillutit imaluunniit aamma pisariunerulaartunik tusarnaagassianik videonillu internetikkut aaneqarsinnaasunik suliaqarlutit. Susassaaleqinavianngilatit tassami nittartakkap attaveqatigiinnermilu atortut allat imaannik nutarsaaneq isumagisassavatit, soorluttaaq aamma allaaserisannut atugassannik assiliisassassutit.

 

Attaveqatigiinnermut immikkoortortaq marlunnik sulisoqartussatut aalajangigaavoq, illillu attaveqatigiinnermut pisortaq qullersarissavat. Immikkoortortami suliassani kommunimi najugaqarfiit 25-t aallaaviusarput, taakkunannga illoqarfiit sisamaallutik.

 

Naatsorsuutigaarput illit:

- Tusagassiortutut imaluunniit attaveqatigiilerineq pillugu ilinniarsimasuusutit

- Nittartakkatigut allatigullu attaveqatigiittarfitsigut paasissutissiineq misilittagaqarfigaat

- Tusagasseeriaatsit assigiinngitsut atorlugit allaaserisaqarneq nutaarsiassalerinerlu misilittagaqarfigaatit

- Kalaallisut qallunaatullu allaaserinnillaqqipputit, pitsaassaarlu aamma tuluttut piginnaasaqaruit

- Internetikkut aaneqarsinnaasunik tusarnaagassianik videonillu suliaqarsinnaassaatit

- Aalajaatsuuvutit tunniusimasuullutillu

- Suliassat assigiinngitsut paarlakaajaassinnaallugit suleriallaqqissuuvutit

- Ulapaarfiup nalaani eqqissisimasinnaavutit.

 

Suliassatit ilaatigut makkuussapput:

- Suliffeqarfimmit avammut suliffeqarfiullu iluani nutaarsiassalerineq

- Internetikkut aaneqarsinnaasunik tusarnaagassialiorneq videoliornerlu

- Attaveqatigiittarfinni atugassanik assiliinermik suliaqarneq

- Oqalugiaatissanik allaaserinninneq

- Kommune pillugu saqqummiussassanik allaaserinnillutillu saqqummiineq

- Paasititsiniutinik aaqqissuussillutillu isumaginninneq, soorlu innuttaasunik ataatsimiisitsineq, suleqatigiiaanik sulisitsineq il.il.

- Power Point atorlugu saqqummiussassaliorneq

- Nittartakkap, intranetip aammalu Facebookip imaannik nutarsaaneq.

 

Annertunerusumik paasisaqarusukkuit attaveqatigiinnermi pisortaq Káte Hansen attavigisinnaavat ukunatigut: Oqarasuaat +299 38 76 86, e-mail: khan@avannaata.gl

 

Akissarsiat atorfininnermilu atugassarititaasut

Akissarsiat atorfininnermilu atugassarititaasut Namminersorlutik Oqartussat aammalu kattuffiup isumaqatiginninniarsinnaatitaasup akornanni isumaqatigiissutaasut atuuttut malinneqassapput.

 

Atorfik 2021-mi septembarip 1-ani imaluunniit isumaqatigiissuteqarneq malillugu inuttalerneqarusuppoq.

 

Atorfininnermut atatillugu inissaqartitsisoqassaaq, tamatumani inimik attartortutut akilersuinerit, iserternermi qularnaveeqqusiinerit il.il. pillugit maleruagassat atuuttut malinneqassapput. Atorfininnermut atatillugu inissat tungaasigut utaqqisinnaasoqarnera pissutigalugu aallaqqaammut utaqqiisaasumik inissinneqarallarnissaq naatsorsutigineqassaaq.

 

Qinnuteqarneq

Qinnuteqaat aammalu ilinniarsimanermut sulisimanermullu uppernarsaatit aammalu oqaaseqaatit ilanngullugit Avannaata Kommuniata nittartagaatigut allagarsiussap matuma ataani attataasaq “Atorfik una qinnuteqarfigiuk” toorlugu nassiunneqassapput.

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia