Oktobarip aallaqqaataani 2024-mi imaluunniit isumaqatigiissuteqarnikkut atorfinitsinneqartussamik suleqatissarsiorpugut.
Suliffeqarfiuvugut ingerlaavartumik isummersuillaqqittumillu anguniakkatsinnut tamatta akisussaaqataalluta suleriuseqartartut. Ullut tamaasa akunnerit pingasut paarlakaaffiusumik aamma ukiuunerani arfininngornikkut meeqqanut inuusuttunullu atorniartarfimmi atorniartunut sullissillutit atorniartitsisarnissat naatsorsuutigissavat.

Suliassarissavatit:

• Inuusuttunut meeqqanullu atorniartarfimmi nakkutilliineq sullissinerlu 
• Meeqqanik inuusuttunillu oqaloqateqarnermik pilersitsineq
• Atuarfinnut meeqqerivinnullu attaveqarneq
• Team Servicemi atuagaatilerisut suliassaannik suliaqartarneq 

Naatsorsuutigaarput:

• Meeqqanik inuusuttunillu sullissineq nuannarigit
• Meeqqanut naleqquttunik isumassarsiullaqqillutit inissaqartitsilluartuusutillu
• Suleqateqallaqqittuusutit suleqatillu allanik ilinniagaqarsimagaluartut suleqatigilluarsinnaagitit 
• meeqqanut atuagaateqarfimmi uummaariffiusumi sulinissannik soqutiginnillutillu atuarusussutsimik siuarsaarusussuseqartutit
• kalaallisut qallunaatullu oqaaseqartuusutit
• Pineqaatissinneqarsimannginnermut meeqqanillu pinerliisimannginnermut uppernarsaateqartutit
• Meeqqat atuarfianni ilinniartitsisutut imaluunniit perorsaasutut tunuliaqutaqarlutit ilinniagaqarsimassasutit illoqarfigisamilu atuakkanik atorniartarfimmi assingusumilluunniit sulisimanermik misilittagaqassasutit.

Neqeroorutigaagut: 

• Suleqatinik piginnaasaqarluartunik, misilittagaqarluartunik sulerusussuseqartunillu suleqateqarneq  
• Suliffik ataatsimoorfiusoq, ammasoq inussiarnersumillu oqaloqatigiissinnaanermik pingaartitsisoq    

Uagut pilluta:   
Atuagaateqarfik Nuummi innuttaasunut atuagaateqarfiuvoq nunatsinnilu qitiusumik atuagaateqarfiugami innuttaasunut tamanut sullissisuusoq. Illoqarfiup qeqqani inissisimanermini innuttaasunit atorluarneqartarpoq.   
Suliffeqarfik suleqatigiinnut sisamanut agguataaqqavoq: Suleqatigiit Groenlandica, Suleqatigiit Nunarput, Suleqatigiit Misigisassarsiortitsisut aamma Suleqatigiit Kiffartuussisut. Suliffeqarfik aaqqissuussarpassuaqarfiuvoq, soorlu ukiumut ataasiarluta Unnuk Kulturisiortitsisarpugut illoqarfiullu kulturikkut pikialaartitsinerani peqataasarluta assersuutigalugu Suilaa Arts Festivaleqaleraangat. 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.