sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ledende skolepsykolog

Kommune Kujalleq

Qaqortoq
Ikkunneqarpoq: 12-10-2020
Piffissaq atuuffissaa naassaaq: 02-11-2020
Suliffissamut ID normut: LJA-81264101
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Aqutsineq, Meeqqat & inuusuttut, Atuartitsineq & Meeqqerineq

MISI-kujallermut atuarfimmi tarnip pissusaanik ilisimasalimmik aqutsisussarsiorneq:

ALLAGARSIUTEQQITAQ:

 

Atorfik inuttassarsiorneqartoq decembarip ulluisa aallaqqaataa 2020 aallarnerfigalugu isumaqatigiissuteqarnikkulluunniit inuttalerneqassaaq.

 

Tarnip pissusaanik ilisimasalimmik kalaallit oqaasii kulturiallu aallaavigalugit tulleriiaakkanik sulisinnaasumik pissarsiorpugut.

Meeqqanut inuusuttunullu tunngatillugu perorsaanermik tarnikkullu suliassatigut misilittagalimmik nammineerluni sulisinnaassusilimmik aamma suliassanik assigiinngisitaartunik eqaatsumik suliaqarsinnaasumik pissarserusuppugut,

 

MISI-Kujalleq Qaqortumi angerlarsimaffeqarpoq, kujataanilu illoqarfinni pingasuni perorsaanikkut tarnikkullu siunnersuisarneq akisussaaffigalugu. Qaqortumi atuarfiit saniatigut Narsami aamma Nanortalimmi kiisalu nunaqarfinni illoqarfinnit taakkunanit akisussaaffigineqartuni atuarfiit kiffartuunneqartarput. Tamatuma saniatigut atualersussanut tunngasunut kiffartuussisoqartarpoq (meeqqat inuusuttullu ukioqanngitsuniit 18-it tikillugit ukiullit). Allaffik sisamanik sulisoqarpoq: Tarnip pisusaanik ilisimasallit aqutsisuat, tarnip pissusaanik ilisimasalik, immikkut ittumik atuartitsinermi siunnersorti aammalu allaffimmi fuldmægtigi.

 

Aaqqissuussaanikkut MISI-Kujalleq Atuarfeqarnermut, Meeqqeriveqarnermut Nutaaliornermullu Ingerlatsiviup ataani inissisisimavoq.

 

Suliassat:

  • MISI-Kujallermi aqutsineq suliassanillu agguaaneq.
  • Missingersuutinut sulisunullu akisussaaneq.
  • Ingerlatsivimmi aqutsisoq peqatigalugu atorfinitsitsineq soraarsitsinerlu.
  • Suleqatit peqatigalugit ingerlatsinissamut pilersaarusiornerit.
  • Suliffiup iluani avataanilu ineriartortitseqataaneq.
  • Siunnersorti ikiortilu peqatigalugit eqqartuinikkut akuersineq. Tarnip pissusaanik ilisimasallip nal. akunnerini suliffissai aammalu immikkut inissitsiterinermi aaqqissuineq.
  • Suleqatit sulinngiffeqarnissaannut pikkorissarnissaannullu akuersineq.
  • Nammineq sulinngiffeqarnissaq pikkorissarnissarlu ingerlatsivimmi pisortamit akuerineqassapput. Ikiortip suliassai assigalugit suliaqarneq. Tarnip pissusaanik ilisimasalik (ataani takuuk).
  • MISI-Kujallermi suleqatigiit ataatsimiinnissaannut akisussaaneq.
  • MISI-Kujalliup kommune susassaqarfinnullu attuumassuteqartunut akimut suleqatigiinnissamik akisussaaneq.
  • Sulianut tunngatillugu ilisimasanik naleqqussaaneq.
  • Tarnip pissusaanik immikkut ilisimasaqaqatigiilluni oqaloqatiinnikkut oqilisaanneq.
  • Nammineq suliarisimasat pillugit oqaloqatigiinnikkut oqilisaanneqarneq.

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Pitsaasumik atugassaqarluni atorfininneq

IMAK-ip isumaqatigiissutaat tarnip pissusaanut aqutsisunut atuuttoq taavalu atorfinitsittineq Naalakkersuisut IMAK-llu akornanni isumaqatigiissutaat 27. august 2014-imeersoq naapertorlugu atuuppoq. Qinnuteqartut Kalaallit Nunaanni tjenestemand-ureersut atorfinitsitteriaaseq taanna ingerlatiinnarsinnaavaat.  Qinnuteqartut piukkunnartut pilerilersinniarlugit atorfinitsitineq ukiuni killilinni atorfinititseriaaseq atorlugu atorfinitsisisoqassaaq.Tamanna imannak isumaqarpoq atorfinittoq ilaqutaalu qaamatit imeersoq aamma Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip Pingaarnertut isumaqatigiissutaat 28.10.1998-imeersoq atorfinitsitaaninnut aqqaneq-marluk qaangiukkaagata akiliunneqarlutik sulinngiffeqarnermut atatillugu angalasinnaatitaapput, piumasaqaatit atuuttut naapertorlugit. Tamatuma saniatigut atorfimmi soraarnerup kingorna atorfinitsitsisarnerup piumasaqaataa 1991-meersoq malillugu 18.000 kroninik konto-mut matoqqasumut ikisisoqassaaq. Soraarnerup kingorna aningaasat tunniunneqassapput

 

Inissamik tunisisoqarsinnaavoq, qularnaveeqqusiissullu inigisamullu akiliut il.il. malittarisassat atuuttut malillugit akilerneqassallutik. Inigisassavimmilli tunineqarnissamut utaqqinissaq naatsorsuutigisariaqassaaq inissaqarniarnermi pissutsit pissutigalugit, taamaammat utaqqiisaagallartumik inissikkallarneqarnissaq naatsorsuutigisariaqarumaarpoq.

 

Atorfimmut atatillugu sulilernissannut angalanissaq akilerneqassaaq, pequtillu angallanneqarnissaat maleruaqqusat atuuttut naapertorlugit akilerneqassallutik.

 

Suliffimmut tunngatillugu sukumiinerusumik paasisaqarnerorusukkaanni ingerlatsivimmi pisortaagallartoq Ruth Jakobsen e-mail ruja@kujalleq.gl imaluunniit MISI-Kujallermi aqutsisuugallartoq Abbas Moaddab abmo@kujalleq.gl

 

Qinnuteqarnissamut piffissaliussaq: novembarip ulluisa aappaat. Qinnuteqaat, ilanngussat aamma ilinniarsimanermut uppernarsaat, kiisalu oqaaseqaatit nittartakkut www.kujalleq.gl/suliffissat imaluunniit uunga nassiunneqassapput:

 

Kommune Kujalleq

Sulisoqarnermut Allaffeqarfik

Postboks 514

3920 Qaqortoq

job@kujalleq.gl

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia