sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ledende socialrådgiver

Kommune Kujalleq

Qaqortoq
Ikkunneqarpoq: 28-10-2020
Piffissaq atuuffissaa naassaaq: 18-11-2020
Suliffissamut ID normut: LJA-81321042
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Isumaginnittoqarfik

Qaqortumi Meeqqanut, Inuusuttuaqqanut Ilaqutariinnullu immikkoortortami oqartussatut sullissivitsinni isumaginninnermi siunnersortit aqutsisuannik pissarsiorpugut.

 

Atorfik inuttassarsiorneqartoq 01. decembarip 2020 aallarnerfigalugu isumaqatigiissuteqarnikkulluunniit piaarnerpaamik inuttalerneqassaaq. Aaqqissugaasumik, anguniagaqarlutillu sulisarpit, alapernaappit, allannguinermut piareersimavit, iliuuseqarumatuujuit kiisalu suut ataatsimut isigisarpigit, meeqqanut tunngasunik ukiuni qassiini misilittagaqarlutit, taamaappat illerpiaq ujartugaraatsigit.

 

Naatsorsuutigaarput:

  • isumaginninnnermi siunnersortitut ilinniarsimasutit naleqquttumillu ilinniaqqissimasutit diplomimut, cand.soc. assigisaanulluunniit
  • Meeqqanut tunngasutigut aqutsinermut ukiuni qassiini misilittagaqartutit oqartussatullu sulinermut kajumissuseqarlutit
  • pitsaassusermik pingaartitsisuusutit aammalu suliassalerinerup piginnaaneqarfigillualerneqarnissaanik pitsaassusianillu qaffassaaqataarusuttutit
  • meeqqanut tapersiisarnermut inatsit ilisimasaqarfigilluarit aalajangiinerillu tamaasa isumaginninermit aningaasaqarnermillu isigisarlugit, misikualuillu eqqumaffigilluartarlugit
  • paatsiveerutiaatsuusutit ulluinnarnilu pisoqarfiusaqisuni pingaarnersiuisarlutit
  • allakkatigut oqalunnikkullu allattaveqallaqqissuullutit
  • namminersorlutit sulisinnaasutit taavalu peqatigiittuni assigiinngitsunillu suliallit suleqatigiinneranni peqataasinnaallutit
  • suleqatitit akuersaarlutit pissuseqarfigigitit
  • Marluinnik oqaasilik (kalaallisut/danskisullu)

 

 

 

Illit akisussaaffeqarfissatit tassaassapput:

  • Qaqortumi nunaqarfittaanilu sulineq siulersorlugu suliassallu agguaallugit.
  • suliat pillugit ataatsimiinnerit ingerlattarlugit
  • Sulianut tunngatillugu sullissisunik avitseqateqartarneq
  • isumaginninnikkut naliliinerit, isumaginnikkut misissuinerit, iliuusissatut pilersaarutit, aalajangiinerit pitsaassusii qularnaartarlugit
  • TSU-mut peqataasarluni allattaasarlunilu
  • Qaqortumi Ilaqutariinnik Sullissivimmut attaveqaataalluni
  • Isumaginninnermi pigaartunut pigaartullu sinniisaannut ataqatigiissaarisoq.

 

 

Pinerliisimannginnermut uppernarsaat/meeqqanik pinerliisimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu kommunip pinerlussimannginnermik allagartamik tigusinerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Neqeroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu  ineriartortinneqartuartumi allanngorartuartumilu annertuumik akisussaassuseqarfiusoq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut nutaaliornissamullu inissaqartitsiffiusoq.

 

Neqeroorutigisinnaavarput atorfik meeqqanut sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik atorfimmut sunneeqataanissannut ilusilersuinissannullu periarfissaqalernivit saniatigut, kalaallit kulturiat pinngortitarlu qanimut misiginissaanut periarfissaqalissaatit.

 

Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat

 

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.

Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.

 

Atorfik pillugu paasissutissat sukumiinerusut kiisalu atorfimmi suliassanut nassuiaat paasissutissat sulianik aqutsisoq Ivalu Lund saaffigalugu pissariarineqarsinnaapput oqarasuaammut 645374 e-mail ivlu@kujalleq.gl

 

Qinnuteqaatit Kommune Kujallermiit tiguneqareersimassapput kingusinnerpaamik  kingusinnerpaamik 18. november 2020. Qinnuteqaat, soraarummeersimanermut allagartat, oqaaseqaatit ilaallu ilanngullugit sulisoqarnermut allaffitsinnut nassiunneqassapput.

 

Kommune Kujalleq

Sulisoqarnermut Immikkoortortaq

Postboks 541

3920 Qaqortoq

job@kujalleq.gl

 

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Grønlands Multi Rengøring
Grønlands Multi Rengøring
Nuuk
Kommune Kujalleq
Qaqortoq
Namminersorlutik Oqartussat
Nuuk