sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Lønchef søges til Økonomiafdelingen i Sisimiut

Qeqqata Kommunika

Sisimiut
Ikkunneqarpoq: 29-12-2020
Piffissaq atuuffissaa naassaaq: 19-01-2021
Suliffissamut ID normut: LJA-81529132
Atorfeqarnermi atugassarititaasut: Tamakkiisoq
Suliassaqarfik: Aqutsineq, Allaffik & allaffissorneq

Qeqqata Kommunia peqqinnermik, inuunerissaarnermik kiisalu kommunip atuilluartumik ineriartortinneqarnissaanik ukkataqarpoq. Tamatuma saniatigut sulisugut qanimut pisortaminnit ukiumut oqaloqateqartarneratigut, ineriartortuarnissaat annertuumik salliukkatsigu.

 

Aningaasaqarnermut immikkoortortami ukiuni makkunani ineriartortunik sukkasuumik ingerlavoq, suliattalu soqutiginartortaanut ineriartortitsinissamut nukinnik isumalluutinillu annertuunik atuisoqarluni, taamaalillutik ulluinnarnik suliassat pingaarnerit inituallaannginnerussallutik.

 

Ukioq ataaseq qaangiuppoq kommunimi ERP systemi nutaaq, qaammatit pingasut matuma siorna HR-imi systemi nutaa atuutilersinneqarmata, maannakkullu akissarsialeriffimmut systemimik nutaamik suliariumannittussarsiuussineq ingerlanneqaleruttorluni. Tamatuma saniatigut peqqinnermut tunngasunik niuernermut systeminik nutaanik ineriartortitsisoqarluni - taamaalilluni suliassaqarluarluni. Tamatuma saniatigut ERP aaqqiissutitsinnut inissiinissamut allaffimmi robotinik atuimisaalereerpugut, akissarsialerinermullu systemimut nutaamut atatillugu sulisut isumaqatigiissusiornerillu pillugit inissiinissamut kukkunerit annikinnerpaaffianiitinniarlugit, assingusumik ingerlatsinissarput naatsorsuutigalutigu.

 

Suliassamut pissanganartumut tassunga peqataarusuppit?

 

Pingaarnertut suliassat akisussaaffiillu:

Aningaasaqarnermut pisortaq qaninnertut pisortaralugu Aningaasaqarnermut immikkoortortami inissisimassaatit, ukulu akisussaaffigalugit:

  • Akissarsialerivimmik aqutsinermi kiisalu akissarsialerinermi pingaarnertut akisussaaffik
  • Aningaasaqarnermut pisortaq peqatigalugu, Namminersorlutik Oqartussani suleqatigut kommunillu allat peqatigalugit akissarsialerivimmi systemimik nutaamik toqqaanermik peqataaneq atuutilersitsinerlu
  • Akissarsilerivimmi arfinilinnik sulisoqartuni, akissarsialerivimmi pisortaq ilanngullugu, sulisunik akisussaaneq

 

Pisinnaassutsit piumasaqaatillu:

    • Kommunimi naleqartitat tallimaasut naapertorlugit aqutsisut suleqatigissavatit:  Kajumissuseq, Akisussaaqataaneq, Ataatsimoorneq, Pisinnaasatigut ineriartortitseqataaneq aamma Oqaloqatigiinneq
    • Suleqatigiinni sulinissamut nuannarisaqartuussaatit aammalu akimortumik suleqateqarluni piginnaasanik ineriartortitsinissaq ukkataralugu allat peqatigalugit ineriartortitseqataallutit
    • Nutaaliorusussuseqartutit allanillu peqateqarlutit teknikkimik ineriartortitsinissamut nuannarisaqartuusutit
    • Ammasumik aqutsisuusutit, immikkoortortami sunniivigeqatigiinnermik aammalu sulisunik ingerlalluarnermik pilersitsisumik
    • Minnerpaamik marlunnik oqaaseqartuusutit - qallunaatut kalaallisullu, oqaatsinillu marluusunik allattariarsornikkut oqaluttariarsornikkullu piginnaasaqartutit

 

 

Sisimiut illoqarfiuvoq periarfissaqarluartoq, ilinniarfigissaartoq aammalu meeqqanut paaqqinnittarfinni inissaqartitsinermi periarfissagissaartoq. Kulturikkut assigiinngitsunik neqerooruteqarfiuvoq, pinngortitarsuaq kusanarluinnartoq avatangiiseralugu. Pinngortitami qimussernissamut, snescooterernissamut, sisorartarnissamut, pisuttuarnissamut, imaatigut angalaarnissamut, piniariartarnissamut aalisariartarnissamullu periarfissagissaarpoq.

 

Akissarsisat atorfinitsitaanermilu atugassarititaasut:

Isumaqatigiissut atuuttoq naapertorlugu, tunuliaqutit, ilinniarsimanerit misilittakkatillu aallaavigalugit atorfinitsinneqassaatit.

Atorfinittut tjenestemandisut atorfimminiit nuuttut isumaqatigiissutaat malillugu atorfeqartinneqaannassapput.

 

Ineqarneq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqaarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il.il. akiliuteqartoqartassaaq.

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu poitiiniit pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.

 

Atorfininnissaq 1. februar imaluunniit 1. marts 2021 isumaqatigiissuteqarnikkulluunniit pissaaq.

 

Atorfik pillugu annertunerusumik paasisaqarusukkuit, Aningaasaqarnermut pisortaq Peter Munch Eriksen email-ikkut pmer@qeqqata.gl attavigineqarsinnaavoq.

 

Qinnuteqaat soraarummeersimanermik uppernarsaatinik, imminut ilisaritinnermik, oqaaseqaatinik attavigineqarsinnaasunik pinerliisimannginnermullu uppernarsaammik ilaqartinneqartoq, tamarmik PDF formatiullutik.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia