sullissivik.gl
Atorfimmut ussassaarummut oqaatsinut allanut nuunniarlutit tooruk
Kommuneqarfik Sermersooq

Majoriami siunnersorti / Konsulent til Majoriaq

Kommuneqarfik Sermersooq

Nuuk
Ikkunneqarpoq: 10-07-2024
Piffissaq atuuffissaa naassaaq: 15-08-2024
Suliffissamut ID normut: 331589876
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Allat
Atorfiup taaguutaa: Administrationskonsulent
Misilittakkat - Annertunerusumik: Omsorgsarbejde, Samarbejde
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq
Attaveqarfissamut paasissutissat

Kommuneqarfik Sermersooq

HR Afdeling
Kuussuaq 2
Oqarasuaat 367000

Majoriami siunnersorti / Job nr. 725-24

Kommuneqarfik Sermersuup Atugarissaarnermik Sulisoqarnermillu immikkoortortaqarfia, suliffissanik innersuussinissamut, suliffimmik qulaarinninnissamut ingerlatsinermi piginnaanngorsaqqiinnermilu suliaqarnerusussamik pikkorissumik tunniusimasumillu siunnersortissarsiorpoq. Suliffik Majoriaq Nuuk suleriaatsit atuuttut tunngavigalugit ineriartupiloorpoq, taamaalilluni siunnersortitut sulilersussaq sammisami ineriartortitsinissamut peqataasinnaalluni. Kissaatigineqarpoq oktoberip aallaqqaataani 2024 imaluunniit isumaqatigiinnikkut atorfik inuttalerneqassasoq.

Sulisitsisut suliffissarsiortullu akornanni attaveqatigiinnermi Majoriaq akunnermuliuttuuvoq, taamaalillunilu suliffissat maanimiunit sulisulersorneqartarlutik. Ima paasillugu: Majoriap inuussutissarsiorfiup piumasaqaatai ilisimasariaqarpai sulisussarsiortullu piginnaasaanut sanillersuusinnaallugit. Suliffisarsiortup piginnaasai amigarpata sapinngisamik pikkorissarneqartassapput inuussutissarsiorfiup piginnaasat pisariaqartitai qulakkeerniarlugit.

Atorfik Kommuneqarfik Sermersuup Atugarissaarnermik Sulisoqarnermillu immikkoortortaqarfiata ataaniippoq, Majoriaq Nuuk, aqutsisuni qaninnerpaalluni teamlederi.

Majoriaq Nuuk, Suliffissanut, ilitsersuisarnernut, pikkorissaqqinnernullu qitiusumik ingerlatsiviit pillugit Inatsisartut inatsisaat atuuttoq nr. 28 9. December 2015-imeersoq, aamma Majoriamut attuumassuteqartumut Aqutsisoqarfik aqutsinermik isumaqatigiissutaat aallaavigalugit ingerlanneqarpoq. Tassunga ilanngullugu Sulisussarsiortunut ikiorsiissutit pillugit Inatsisartut Inatsisaat nr. 7 junip 20-ani 2022-imeersoq atorlugu suleriuseqartoqassaaq.

 

Atorfiup imarisaa:

·Suliffeqarfiup piumasaqaatai sulisussarsiortullu piginnaasai atassuserlugit

·Suliffissarsiornermi qinnuteqaasiornermi cv-liornermilu, siunnersuinermi, ajornartorsiutinik aaqqiinermi, kajumissaarinermi qiimassaanermilu innuttaasoq qitiutilu ersarissumik sulineq

·Suliffeqarfiit sulisussanik pisariaqartitaanik ujartuerpalaartumik suleriuseqarneq

·Innuttaasumut suliffeqarfimmullu paasissutissanik, pitsaassutsimik qulakkeerinninnermik sunniutilimmillu isiginnittunut tunniussaqarsinnaalluni sullissineq

·Innuttaasoq qitiutillugu atorfik namminersorfiusoq piareersarfiusorlu

·Suliffimmik qulakkeerinninnissamut ingerlatsineq

·Sulisinnaassusermik nalilersuineq

·Sulianik ingerlareersunik suliaqarneq ingerlatitseqqiinerlu

·Suliffissanik innersuusineq

·Suliffissarsiortunik, ilinniarnissamik ujartuisunik pikkorissarnissamullu qinnuteqaatinik sulianik ingerlatsineq/ nalunaarsuineq

·Avataaniit suliartortut pillugit sulianik ingerlatsineq

·Suliffeqarfeqarfiit ilinniarfiillu suleqatiginerinut inerisaaqataaneq

·Kommunemi immikkoortortaqarfiit allat suleqatigineri

·Allaffissornermi suliassat assigiinngitsut isumagineri

 

Ilimasuutit:

·Sammisamut tulluartumik ilinniagaqarsimanissat, soorlu isumaginninnermik siunnersortitut

·Isumaginninnermi, ilinniarfinnik suliffeqarfinnillu tunngasunik inatsisinik ilisimasaqartuunissat

·Innutaasunik oqaloqateqarnermi akuersaartumik, ataqqinnippaluttumik suliassatullu isiginnitaaseqarlutit periuseqartuunissat

·Suliffeqarfiit akornanni uagullu soqutigisaqarfitsinnut tunngasunik siammasissumik allanngorartumillu attaveqatigiinnissamut pilersitsinissamik piginnaasaqareernissat

·Ersarissunik iluatsittumik anguniagaqarnissamut, aamma illit nammineq suliannut immikkoortortaqarfiup suliaanullu takussaasunik nalunaarsuisinnaaneq suliaqarusussuseqartuunissat

·Qajannaatsuunissat sullarissuunissallu

·Sulianik aallarniisuusinnaasoq allanullu qiimassaasinnaasoq

·Suliffeqarfeqarfiit kissaataanik pisariaqartitaanillu matussusiinnissamut suleqataanissat

·Majoriap suliassaanik ineriartortitseqataaneq

·Qiimasuunissat naapikkuminartuunissallu

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

 

Neqeroorutigaarput:
Suliffeqarfimmi ineriartortumi allanngoriartortumilu ilusilersueqataaneq, namminersorlunilu annertuumik akisussaassuseqarneq suliffimmi unamminarsinnaasumi periarfissaralugit sulineq. Suliassanut suliffimmullu pitsaasumik aallartisaanissaq pingaartipparput aamma paasissutisseeqatigiineq, sulianik tigusisinnaaneq nassaarsiorsinnaanerlu pillugit suleqatigiilluarnissaq anguniartuarparput.

Aqqutissiuisutut tunngaviusumik ilinniarnissaq imaluunniit Majoriamut attuumassuteqartumik piginnaanngorsaqqinnissaq periarfissaavoq.

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

 


Atorfinititsineq qaammatini pingasuni misiliutitaqassaaq
.

 

 

Inissaq:

Atorfininnermut atatillugu inissiamik innersuussisoqarsinnaanngilaq.

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Teamleder Ivalo Heilmann, oqarasuaat +299 368140 imaluunniit e-mail: iohn@sermersooq.gl

 

Qinnuteqaat:

Qinnuteqaat qulequtserlugu Atorfiup ilisarnaataa 725-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia