Majoriaq Nuummi erninermut atatillugu paarlatsi Kontorfuldmægtigi / Majoriaq Nuuk søger barselsvikar Kontorfuldmægtig

Kommuneqarfik Sermersooq

Ikkunneqarpoq: 02-06-2023

Piffissaq atuuffissaa naassaaq: 16-06-2023

Suliffissamut ID normut: 331570797

Atorfeqarnermi atugassarititaasut: Paarlatsi/ernisimalluni sulinngiffeqarneq, Tamakkiisoq

Suliassaqarfik: Allaffik & allaffissorneq

Atorfiup taaguutaa: Kontorfuldmægtig

Ilinniagaq:

Misilittakkat - Annertunerusumik: Kontor/administration

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Kommuneqarfik Sermersooq Nuummi Majoriami allaffimmi fuldmægtigimik ernereernermi sulinngiffeqartumik paarlaasussarsiorpoq, julip aallaqqaataani 2023 taassumaluunniit kingunitsianngua martsip 31. 2024-vip tungaanut.

Ataasiinnarmik saaffissaqarnissaq Majoriaq Nuuk-p ilisarnaatigivaa, tassa imaappoq, innuttaasut tamarmik sumiiffimmut ataasiinnarmut saaffiginnissinnaapput suliffissamik ilinniarnissamilluunniit siunnersorneqarnissaminnik kissaateqarunik.

Nuummi Majoriap allaffiani sulisut arfiniliupput, allaffimmi sulisut 2, aningaasaqarnermik aqutsinermik sulisoq, piginnaanngorsartoq, ilinniartoq allaffissornikkullu aqutsisoq.

Tappiffeqarneq pikkoriffigigukku, ulluinnarni ulapaarfinni ataatsimut isiginnissinnaaguit taava illit ujarpatsigit.

Atorfiup imarisaa:

• Allaffissornermi ilinniartunut tunngasunik sulineq meeqqat atuarfianni inaarutaasumik misilitsinnissamut tunngatillugu aamma atuartunut tunngasut avataaneersut
• ulluinnarni nalunaarsukkanik kukkunersiuineq aamma allakkanik isaasunik avammukartunillu allagaasivimmut inissiinerit
• Allaffiup ammanerata nalaani akisussaasoq, qitiusumik oqarasuaatikkut sullissineq
• Ilinniartut Dk-liartussat billetsaanik inniminniineq
• Suliassanik takkussuuttunik allaffissornikkut assigiinngitsunik sulineq.

Naatsorsuutigineqartut:

• Suleqatigiissinnaassuseqarluartuusutit
• Suliassaqarfinni assigiinngitsuni peqataasinnaasutit
• Nammineerlutit siunnerfeqarluartumik sulisinnaassuseqartutit
• Inuttut tatituujusutit
• Sullisserusussuseqarlutillu ineriartortitserusuttutit
• Akisussaassuseqartuusutit
• Aalajaatsuusutit
• Marluinnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
• IT-mik atuisutut atuisinnaasutit

Neqeroorutigisinnaavarput:

• Suliffik ulapaarfiusoq ineriartorfiusorlu.
• Suleqatit pimoorussisut piumassusillillu.
• Suliffeqarfik sulisut aqutsisullu akornanni pitsaasumik attaveqaqatigiiffiusoq.
• Allaffeqarfik nuannersoq.

Annertunerusumik paasisaqarusukkuit:

Annertunerusumik paasisaqarusukkuit pisortaq Trine Heilmann attavigisinnaavat uunga oqarasuaat (+299) 36 80 60 imaluunniit e-mail-imut uunga: trhe@sermersooq.gl

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 458/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.