sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Majoriaq Qeqertarsuaq søger kontor fuldmægtig.

Kommune Qeqertalik

Qeqertarsuaq
Ikkunneqarpoq: 24-09-2021
Piffissaq atuuffissaa naassaaq: 15-10-2021
Suliffissamut ID normut: LJA-82709532
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Qeqertarsuarmi Majoriaq fuldmægtigimik pissarsiorpoq.

Kommune Qeqertalik Qeqertarsuarmi Majoriaq allaffimmiumik fuldmægtigessarsiorpoq.

Majoriaq suliffissarsiuussisarfiuvoq ilinniartunullu attaveqaataalluni aammalu aqqutissiuussineq piginnaanngorsaanerlu annertuumik ingerlanneqartarpoq.

01. november 2021 aallarnerfigalugu atorfinittoqarsinnaavoq imaluunniit isumaqatigiissuteqarneq maIillugu.


Suliassat ilaatigut makkuupput:

  • Iliuusissanik pilersaarusioqateqarneq
  • Aqqutissiuussineq ilinniartunut suliffissarsiortunullu
  • Vm-forløbemik ingerlatsineq – Aqqutissiuussineq kajumissaarinerlu
  • Allaffissornikkut suliaqarneq
  • Førtidspensionistimut qinnuteqartunut oqaaseqaasiorneq
  • Kommunep iluani sumiiffinnik assigiinngitsunik suleqateqarneq
  • Suliniarnerit immikkut ittut sullitat pillugit
  • Naqitsittartunik suliaqarneq

Uku piginnaaneqarfigissagitit naatsorsuutigaarput:

  • Allaffimmiutut imaluunniit assingusumik ilinniangaqarsimaneq
  • Tunngavisumik aqqutissiuinermi ilinniagaqarsimaneq iluaqutaassaaq
  • Namminersorsinnaalluarneq
  • Pilersaarusiorsinnaassuseqarneq
  • Peqqinnartumik inuuneqarnissamut aqqutissiuusserusussuseqarneq
  • Allanik suleqateqarsinnaalluartoq
  • Aalajaalluni piffissamik ataqqinnittoq
  • Akisussaassuseqallaqqissoq
  • Saqqummersinnaassuseqarneq

Naatsorsuutigaarput:

  • Timikkut tarnikkut nukittullutillu peqqissuunissat
  • Aqqutissiussisinnaanermut misilittagaqarnissat
  • Pinerlussimannginnermut uppernarsaatinik takutitsisinnaaneq, pinerlussimannginnermut uppernarsaat qinnuteqaammut ilanngullugu nassiunneqassaaq. Meeqqanik pinerliisimannginnermut uppernarsaat atorfinitsitsisup rigspolitiinut piniassavaa qinnuteqartup akuersineratigut.

Atorfininnermi atugassarititat:

Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.

Atortimmut atatillugu inissaqartitsisoqanngilaq.

Atorfik pillugu paasissutissat allat Majorami centerleder Ajannnguaq Grønvold-imut oqarasuaat 38 71 92 imlt. e-mail ajgr@qeqertalik.gl atorlugu saaffiginninnikkut piniarneqarsinnaapput.

 

Qinnuteqaat maana kisiat tigusinnaavarput:


MALIGIUK: Qinnuteqaatit mail-ikkut allakkerivikkulluunniit nassiussat tiguneq ajorpagut.


Qinnuteqaatit, CV, ilinniarsimanermut pikkorissarsimanermullu uppernarsaatit, aammalu pappialat naleqqussinnaasut allat nassiutikkit “Atorfik una qinnuteqarfigiuk” toorlugu.


Nassiunniakkatit iluatsissinnaanngikkukkit hr@qeqertalik.gl attaveqarfigiuk.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia