sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Medarbejder inden for Hunde -og Katte område

Kommune Kujalleq

Qaqortoq
Ikkunneqarpoq: 12-10-2020
Piffissaq atuuffissaa naassaaq: 02-11-2020
Suliffissamut ID normut: LJA-81264202
Atorfeqarnermi atugassarititaasut: Tamakkiisoq
Suliassaqarfik: Allat

Qimminik qitsunnillu suliassaqarfiup iluani atorfik pilersinneqaqqammersoq tamatigoortumik sulisussarsiuunneqarpoq

 

Kommune Kujalleq atorfimmut aalajangersimasumut pikkorissumik tunniusimasumillu sulisussarsiorpoq, taanna qimminik qitsunnillu suliassaqarfiup iluani assigiinngiiaartunik suliaqartassaaq, atorfinitsitsineq decemberip aallaqqaataani 2020-mi isumaqatigiissuteqarnikkulluunniit pissaaq.

Suliffiup nassuiarneqarnera
Teknikkimut avatangiisinullu ingerlatsivia Qaqortumiittoq peqataaffigilissavat, kommunillu silami suliassaleriveqarfiani inissisimassallutit. Pisortarisaq qaninnerpaaq tassaassaaq kommunip ingerlatsinermut pisortaa.

Kommunip silami suliassaleriviata saniatigut kommunip eqqagassanik tigooraaffianeersut eqqagassanik ulorianartunik passussisartut, ikuallaavimmi sulisut aamma upalungaarsimasut suleqatigissavatit. Teknikkimut avatangiisinullu ingerlatsivik tamatuma saniatigut Narsami Nanortalimmilu immikkoortortaqarfeqarpoq.

Ingerlatsivimmi ammasuuneq oqaloqatigiissinnaanerillu pingaartinneqarput, suliassannullu sunniuteqarsinnaallutillu nammineerlutit sulinivit aaqqissornissaanut annertuumik periarfissaqarlutit.  

Suliassatit
Atorfik nutaajuvoq, tassanilu kommunimiittut qimmit qitsuillu tamarmik nalunaarsorneqarnissaat, akiuussutissamik kapineqarnissaat inatsisillu atuuttut naapertorlugit nalunaaqqutsernissaasa isumannaarnissaanut akisussaaffeqassaatit. Qimminut qitsunnullu inatsisinut tunngatillugu sullissisassaatit, kisianni aamma ingerlatsinermut tunngasunik suliassanik soorlu akiuussutissanik kapisinerit, nalunaaqqutsersuinerit qimminik qitsunnillu toqutsinerit ilanngullugit isumagisinnaagukkit orniginarnerussaaq. Suliassanut taakkununnga pisariaqartitsineq naapertorlugu ilinniarneq pisassaaq.

 

Kommune Kujallermi qimmit qitsuillu pillugit suliassaqarfik tamaat akisussaaffigilissavat, taamaattumilli atorfimmut tunngatillugu angalasaqattaartarnissat naatsorsuutigissavat.

Suliassat ilaatigut tassaapput:

  • Qimmit qitsuillu pillugit inatsisit naapertorlugit sullissineq
  • Nalunaarsuineq, akiuussutissanik kapisineq aamma inatsit naapertorlugu qimminik qitsunnillu nalunaaqqutsiineq
  • Qimmit qitsuillu naappertuuttunngortinnissai anguniarlugu innuttaasunik orniguttarluni sulineq
  • Qimmeqarneq qitsuuteqarnerlu pillugit paasititsiaaneq
  • Akiuussutissanik toqqorsivimmiittuuteqarneq
  • Qimminik, qitsunik imaasinnaavorlu uumasunik allanik toqutsineq
  • Akiuussutissamik kapisisarneq, nalunaaqqutsiisarneq il.il. pillugit pikkorissartitsineq/ilitsersuineq
  • Qimminut qitsunnullu tunngatillugu suliassaqarfimmi aningaasanik aqutsineq

 

Naatsorsuutigaarput Illit makkuninnga piginnaasaqassasutit:

  • Naapertuuttumik ilinniagaqarsimassasutit, oqartussatut ingerlatsinermik ilisimasaqarlutit
  • Suliffeqarfimmi politikkikkut aqunneqartumi sulinermik misilittagaqassasutit
  • Oqaatsit ersarissut atorlugit ajornartorsiutinik imaannaanngitsunik ingerlatitseqqiillaqqinnermik saqqummiussisinnaanermut piginnaaneqassasutit
  • Suleqateqallaqqissasutit kiisalu arlalinnik ataatsikkut suliaqallaqqissasutit.
  • Oqaatsitigut piginnaasaqarluassasutit, matumani kalaallisut qallunaatullu

 

Pingaartipparput, nammineerlutit sulisinnaassuseqassasutit, pimoorussisuussasutit, naammassisaqarluarsinnaassuseqarlutit qiimasuussasutillu.

Akissarsianut atorfinitsitaanermullu tunngasut Akissarsiat atorfinitsitaanermilu atugassarititaasut, aamma atorfininnermi soraarnermilu angalanissamut kiisalu pisattat assartorneqarnerinut tunngasut Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput. Sapaatip akunneranut akunnerit 40-t suliffiussapput.

Inissaqartitsineq Atorfimmut atatillugu malittarisassat sukkulluunniit atuuttut naapertorlugit sulisunut inissiamik pequsersoriigaanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqartassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusia nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaammat utaqqiisaasumik inissiisoqarsinnaasarpoq, matumani aamma najugaqatigiiffiit minnerusut imaluunniit akunnittarfinni inissiat pineqarput, taakkulu akileraarusersorneqassallutik.

Atorfik pillugu sukumiinerusumik paasisaqarusukkuit ingerlatsinermi pisortaq Sem Ottosen oqarasuaat nr. 645411 atorlugu paasiniaaffigisinnaavat, imaluunniit mailikkut: seot@kujalleq.gl

 

Qinnuteqaat Kommune Kujallermit tiguneqareersimassaaq kingusinnerpaamik novembarip ulluisa aappaat 2020. Qinnuteqaat, soraarummeersimanermut uppernarsaat, oqaaseqaatit allallu uunga nassiunneqassapput www.kujalleq.gl/suliffissat imaluunniit:

 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Vvs Firmaet A/S
Ilulissat
EY Grønland
Nuuk
Vvs Firmaet A/S
Brøndum Grønland A/S
Nuuk