Meeqqanut Atuarfeqarnermullu Ingerlatsivik AC-fuldmægtigimik pissarsiorpoq / Forvaltning for Børn og Skole søger en AC-fuldmægt

Kommuneqarfik Sermersooq

Nuuk

Ikkunneqarpoq: 27-02-2024

Piffissaq atuuffissaa naassaaq: 19-03-2024

Suliffissamut ID normut: 331588437

Atorfeqarnermi atugassarititaasut: Tamakkiisoq

Suliassaqarfik: Meeqqat & inuusuttut

Atorfiup taaguutaa: AC-fuldmægtig

Misilittakkat - Annertunerusumik: Sagsbehandling

Oqaatsit:

Danskisut	Atuarneq/ oqalunneq/ allanneq
Kallaallisut	Atuarneq/ oqalunneq/ allanneq

Meeqqanut Atuarfeqarnermullu Ingerlatsivimmi AC-fuldmægtigimik pikkorissumik kajumissuseqarluartumillu maajip aallaqqaataani 2024-mi isumaqatigiissuteqarnikkulluunniit atorfinittussamik Kommuneqarfik Sermersooq pissarsiorpoq. Atorfik Stabimiippoq qaninnertullu qullersarineqarpoq stabschefi.

Meeqqanut Atuarfeqarnermullu Ingerlatsivimmiipput Atuarfeqarnermut immikkoortortaqarfik, Meeqqeriveqarnermut immikkoortortaqarfik, Kulturimut Sammisassaqartitsinermullu immikkoortortaqarfik, Ineriartortitsinermut, Peqqinnermik Siuarsaaneq Pitsaaliuinermullu Immikkoortortaqarfik, Meeqqanut Inuusuttunullu Siunnersuisarfik (MISI) kiisalu Stabi. Aningaasaqarneq missingersuutillu, suliassanik saqqummiussinerit politikkikkut oqaluuserineqartussat, suliniutit ataqatigiissarneqarneri, pisariaqartitsinerup misissuiffigeqqissaarneqarnera il.il. stabimit akisussaaffigineqarput. Immikkoortortaqarfimmi suliffiup avataani suleqatigisartakkanut kiffartuussiveqarpoq kiisalu allaffissornermut missingersuutinullu tunngatillugu ingerlatsiviup iluani immikkoortortaqarfiit tamarmik ikorfartorneqartarlutik.

Immikkoortortaqarfimmi sulisut stabschefi ilanngullugu arfiniliupput.

Atorfik ulloq naallugu suliffiuvoq Nuummiillunilu.

Kommuni pillugu paasissutissat allat uani pissarsiarisinnaavatit: https://sermersooq.gl/kl

Atorfiup imarisaa:

AC-fuldmægtigimik allaffimmioqatigiinni sulinermik aamma suliassanik arlalinnik suliaqartussamik pissarsiorpugut. Suliniutinik suliniutinillu aqutsinermik misileerusuppit? Missiliuinernik misissueqqissaarnernik immikkoortunulluunniit pilersaarutinik suliaqarnermik aamma misileerusuppit? Nammineerlutit suliaqarnermik aamma suliniutit/suliassat aallaqqaataaniit naammassinissaasa tungaanut namminersuutigalugit sulinermik soqutigisaqaqatigiillu assigiinngitsut pillugit ataqatigiissaarinermik, peqataatitsinermik suleqateqarnermillu nuannarisaqarpit? Taamaassappat illiusimassaaq ingerlatsivimmit sulisussatut ujartorneqartoq. AC-fuldmægtigit allat suliaminnut pimoorussilluinnartut allaffeqatigissavatit, taakkulu suleqatigalugillu siunersiueqatigisassavatit.

AC-fuldmægtigip suliassaat assigiinngitsuusussaapput ingerlatsivimmi immikkoortut akimorlugit sulineq pisussaalluni. Suliassarisassat annertuut tassaassapput politikkikkut sullissinerit, misissueqqissaarnermi missingersuusiornermilu suliassat kiisalu ineriartortitsinermut suliassat, ingerlatsiviup suliassaqarfiini immikkoortunut pilersaarutitut periusissiassatullu suliassat ineriartortitsinermut aqutsinermi pisortaq qanimut suleqatigalugu. Ingerlatsiviup suliassaqarfiini immikkoortunut pilersaarutit periusissiassallu ingerlatsivimmit ingerlanneqarput, tamatumanilu misilittagaqarneq pitsaaqutaassaq piumasaqaataananili. Suliassat assigiinngisitaartut suliarisinnaasariaqarput, ilaatigut misissueqqissaarnerit attaveqarsinnaanerlu piginnaasaqarfiginissai pitsaaqutaassalluni – allattariarsornikkut oqaluttariarsornikkullu.

Namminersorlutit suliaqarsinnaassaatit, aammali ingerlatsivimmi suleqatit qanimut suleqatigalugit suliaqartassaatit, taamaattumik suleqateqarluarsinnaassuseqarnissat pingaaruteqarpoq.

Pingaarnertut suliassatit ukuussapput:

·Suliassanik saqqummiussaliat politikkikkut oqaluuserisassanngortitat suliarineqarneri kukkunersiorneqarnerilu

·Tusarniaassutinut akissutit suliarineqarneri kukkunersiorneqarnerilu

·Suliniutit aallartisarnissaat ataqatigiissaarnissaallu

·Immikkoortunut pilersaarutinik periusissianilu suliarinnittarnerit

·Sulianik takunnissinnaanernut sulianik sullissinerit

·Ingerlatsiviup suliassaqarfiata iluani misissueqqissaarnissamik pisariaqartitsinernik, missingersuutinik, nalunaarusianik naliliinernilu suliaqarnerit

·Suliassat takkussuuttut assigiinngitsut

Suliatigut piginnaasaqarfiit inuttullu piginnaaneqarfiit:

·Attuumassuteqartumik ilinniagaqarsimassaatit (soorlu cand.pæd., cand.scient. imaluunniit cand.mag.)

·Atorfimmik assingusumik misilittagaqarsimanissaq pitsaaqutaassaaq

·Namminersorluni, aaqqissuulluakkamik misissueqqissaarnermik sulisinnaanissaq

·Allattariarsornikkut oqaaseqatigiiliullaqqinnissaq

·Suliassat eqqarsaatigalugit eqaatsuunissaq allanngoriataartoqarnissaanullu naleqqussarsinnaanissaq

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Neqeroorutigaavut:

Atorfik pissanganartunik unamminartunillu imalik, sammisani tamanit ilikkagaqarnissaq paasisaqarnissarlu qitiutinneqartoq. Atorfiup imarisaa sunniuteqaqataaffigineqarsinnaalluartoq.

Politikkikkut aaqqissuussaanerup paasisimasaqarfigilluarnissaanut periarfissaqarlualissaatit aqutsisullu qanimut suleqatigiumaarlugit.

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Sulisoqarnermut pisortaq Charlotte Bech, oqarasuaat +299 367321 oqarasuaat angallattagaq: 537921 imaluunniit e-mail: chbe@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 215-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqaatit elektroniskimik nassiunneqarnissaat piumaneqarnerupput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

Qinnuteqarnissamut killissarititaasoq: marsip 19.-at, 2024