Meeqqanut ilaqutaarinnut isumaginninnermi siunnersorti/sullissisumik pissarsiorpoq/Socialrådgiver/Sagsbehandler til anbragte børn i Børne- og Familieafdelingen, Området for Velfærd

Qeqqata Kommunia

Maniitsoq

Ikkunneqarpoq: 06-09-2024

Piffissaq atuuffissaa naassaaq: 27-09-2024

Suliffissamut ID normut: 331600448

Atorfeqarnermi atugassarititaasut: Tamakkiisoq

Suliassaqarfik: Meeqqat & inuusuttut

Atorfiup taaguutaa: Socialrådgiver

Misilittakkat - Annertunerusumik: Førstehjælp

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Meeqqanut suliassaqarfiup iluani sullissinermik misilittagaqarlutit aamma/imaluunniit meeqqat angerlarsimaffiup avataanut inissinneqarsimasut allanngueqataaffigerusuppigit? 

Maniitsup immikkoortuani Meeqqanut Ilaqutariinnullu immikkoortortaq Atugarissaarnermut immikkoortortamiittumi meeqqat angerlarsimaffiup avataanut inissinneqarsimasunut isumaginninnermi siunnersortimik/sullissisumik pikkorissumik kajumissuseqarluartumillu 1. oktobari 2024-mi isumaqatigiissuteqarnikkulluunniit atorfinittussamik pissarsiorpoq.

Atorfik pillugu:

Atorfik aaqqissuussaanikkut sulianullu tunngatillugu inerisarneqaleruttorpoq, ilaatigut suleqatigiit aappaasa meeqqat angerlarsimaffiup avataanut inissinneqarsimasut immikkut ukkataralugit, matumani ilaqutariinnut paarsisartunut imaluunniit ulloq unnuarlu angerlarsimaffimmut inissinneqarsimasut ilanngullugit. Suliat meeqqanut pineqartunut tunngasut, aamma ilaqutariinnut paarsisartunut suleqatigiinnilu siullerni meeqqanut ilaqutariinnullu sullissisoq kiisalu Isumaginninnermut Aqutsisoqarfimmi ulloq unnuarlu angerlarsimaffinnut allaffeqarfik qanimut suleqatigalugit akisussaffigissavatit. Taamatut atorfeqarnerup kingunerisaanik meeqqat angerlarsimaffiup avataanut inissinneqarsimasut atugarissaarnerat ataavartumik malitseqartinnissaat, iliuusissatut katsorsaanissamullu pilersaarusiornissat suliarinissaat kiisalu suliniuteqarnerup tamakkiisumik malinnaaffiginissaa qulakkeerniarlugu suliffiup iluani avataanilu suleqatigisat qanimut suleqatigineqassapput.

Akisussaaffeqarfiit suliassallu:

·Innersuussineq aamma malitseqartitsineq: Meeqqat inissinneqarfiisa pissusissamisoortuutinnissaat aamma meeqqap aamma ilaqutariinnut paarsisartut imaluunniit meeqqanut angerlarsimaffiup attavigikkajuttarnissaa attatiinnassallugu.

·Isumaginninnikkut misissuineq: Meeqqat angerlarsimaffiup avataanut inissinneqarsimasut pillugit isumaginninnikkut misissuiffiginerisa iliuusissatullu iliuuseqarfiginerisa nutarternissaat kiisalu killiffimmut nalunaarusiornerit katsorsaanissamullu pilersaarusiornerit suliaralugit.

·Ikiorsiissutigineqartut: Angerlarsimaffiup avataanut inissinneqarnerup nalaani ikiorsiissutigineqartut naliliiffiginissaat aamma suliat iliuusissatullu pilersaarutit pillugit ataatsimiinnerni peqataanissaq.

·Susassaqarfiit akornanni suleqatigiinneq: Suleqatigisat soorlu atuarfiit, peqqinnissamut tunngasunik suliaqartut tarnillu pissusiinik ilisimasallit qanimut suleqatiginissaat.

·Nakkutilliineq: Meeqqat angerlarsimaffiup avataanut inissinneqarsimasut ukiumut ikinnerpaamik marloriarlugit inuttaannik malinnaajartorneq.

Piumasaqaatit aamma piginnaasat:

·Isumaginninnermi siunnersortitut ilinniagaqarnissaq imaluunniit isumaginninnerup iluani naleqquttumik ilinniagaqarnissaq, ajornanngippat angerlarsimaffiup avataani inissinneqartunut tunngatillugu misilittagaqarnissaq.

·Assigiinngitsunik suliaqartut suleqatigisarnerinik, allagaqaasiortarnernik misilittagaqarnissaq, aamma meeqqat ineriartornerannik atugarissaarnerannillu malitseqartitsineq.

·Attaveqatigiinnikkut allakkatigut oqaluttariarsornikkullu piginnaasaqarluartoq.

·Nammineersinnaassuseqartumik akisussaassuseqartumillu ulluinnarni ulapaarfiusuni sulisinnaassuseqartuusutit.

·Qinnuteqartoq marluinnik oqaasiliunissaa (kalaallisut qallunaatullu) orniginartinneqarpoq.

Neqeroorutigaagut:

·Suliffeqarfik suleqatigiinnissamik pingaartitsisoq aamma suliatigut inuttullu ineriartornissamut periarfissaqartoq.

·Suliffiup imarisaanut sunniuteqarnissaq aaqqissuussaanerullu ineriartortinneqarnerani tunniussaqarnissamut periarfissalik.

·Suleqatigiiffiulluartoq qanimut siunnersueqatigiiffiusoq iliuuseqartoqartarnissanullu inissaqartitsiffiusoq.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Pineqaatissinneqarsimannginnermut uppernarsaammik aamma meeqqanik pinerliisimannginnermut uppernarsaammik piniartarneq. Uppernarsaatit attuumassuteqartut kommunimit pissarsiarineqareeriarpata atorfinitsitaaneq aatsaat pisinnaavoq.

Akissarsiat, atorfinitsitaanermilu atugassarititaasut:

Akissarsiat atorfeqartitaanermilu atugassarititaasut Namminersorlutik Oqartussat, AK-p imaluunniit kattuffiup isumaqatigiinniarsinnaatitaasup susassaqartup akornanni isumaqatigiissut atuuttoq naapertorlugu pissapput. Atorfinitsitsineq qaammatini pingasuni misiliinertaqassaaq. Malittarisassat atuuttut naapertorlugit inissaqartitsisoqassaaq, aamma atorfininnermi soraarniuteqarnermilu angalanissat kiisalu pequtit nuussorneqarnissaat sivikinnerpaamik ukiuni pingasuni atorfeqarnissaq malillugu akiliussisoqassaaq.

Paasissutissat annertunerusut aamma qinnuteqaat:

Paasissutissat allat pissarsiarinissaannut immikkoortortami aqutsisoq Jakobine Goleathsen oqarasuaatikkut (+299) 81 78 17, e-mailikkut: jagx@qeqqata.gl imaluunniit atugarissaarnermut pisortaq Dariusz Sobczynski oqarasuaatikkut (+299) 81 78 53, e-mailikkut: daso@qeqqata.gl attavigineqarsinnaapput Qinnuteqaat pinerluuteqarsimannginnermik uppernarsaat, ilinniarsimanermut allagartaq aamma siusinnerusukkut sulisitsisorisamit oqaaseqaatit PDF-inngorlugit nassiunneqassaput