sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kommuneqarfik Sermersooq

Meeqqerivik Pingajeqqad perorsaasumik misilittagalimmik pissarsiorpoq / Pingajeqqad søger erfaren pædagog

Kommuneqarfik Sermersooq

Tasiilaq
Ikkunneqarpoq: 26-01-2023
Piffissaq atuuffissaa naassaaq: 16-02-2023
Suliffissamut ID normut: 331476783
Atorfeqarnermi atugassarititaasut: Piffissaq ilaannaa
Suliassaqarfik: Meeqqat & inuusuttut
Atorfiup taaguutaa: Pædagog
Ilinniagaq: Prof. bach. socialpædagogik
Misilittakkat - Annertunerusumik: Børnepasning, faglært, Vuggestue, Børnehave, Samarbejde
Oqaatsit:
Danskisut Atuarneq/ oqalunneq/ allanneq
Kallaallisut Atuarneq/ oqalunneq/ allanneq

Tasiilami Meeqqerivik Pingajeqqad perorsaasumik soqutiginnittumik tunniusimasumillu pissarsiorpoq Perorsaasoq inimut ataatsimut attuumassuteqassanngilaq, meeqqerivilli tamaat suliffigisinnaassallugu.

Ulluunerani meeqqanut paaqqinnittarfimmi qanimut attaveqatigiinnernik pingaartitsisumik meeqqallu ataasiakkaat eqimattakkuutaallu ineriartornerinik atugarissaarnissaannillu qitiutitsisumi peqataarusuppit?

Taava suliffissaqartippatsigit.

Inunnut pitsaasumik attaveqarneq aqqutigalugu meeqqat ulluinnarni ataqatigiissunik toqqissisimanartunillu misigisaqarnissaat uagutsinnut pingaaruteqarpoq. Taamaattumik suliffiup anguniagaanut sinaakkutissanik pilersitseqataassasutit taakkununngalu tapersersuissasutit naatsorsuutigaarput.

Meeqqat alapernaatsut, tatituut, peqqissut nuannaartullu pilersissallugit ataatsimut anguniagaraarput. Tamanna oqaloqatigiinnikkut aqqutissiuussilluta piviusunngortissavarput.

 

Naleqartitavut ukuusut aallaavigalugit sulissalluta:

  • Angajoqqaanut ammasuuneq
  • Meeqqani alapernaatsuuneq
  • Meeraq ineriartornerani toqqissisimanissaanut meeqqerivertarnissaat

 

Suliffik

Atorfik

  • Piffissap ilaa 30 tiimit - piffissaq suliffiusoq nal 8 nal 16-illu akornanniissaaq.
  • Sulisut amerlassusiligaasut avaqqullugit atorfeqassaaq illulu tamaat atassuteqarfigissallugu. Meeqqerivinni anginerusuni piffissami aalajangersimasumi perorsaasoq immikkoortortamut ataatsimut atassuserneqarsinnaavoq.
  • Aqutsisoq suleqatigalugu sammisassaqartitsinerit suut pilersinneqassanersut ikorfartuiffiussanersullu iliuusissatut pilersaarusiorneqassapput.
  • Nammineq sammisaqartitsinermut akisussaaffeqarneq sammisassaqartitsinerillu pilersaarutaareersut ingerlatiinnarumallugit inimi aalajangersimasumik sulisut ikorfartorlugit.
  • Sulisut allanik pissuteqartumik piffissaalatitsineranni napparsimasoqarneraniluunniit, meeqqat ulluinnaasa aalajaatsuunissaat skemamilu pilersaarutaareersut malinnissaasa qulakkeernissaannik peqataaneq.
  • Sulisut meeqqallu inini tamani sungiussinermigut tamakkiisumik isiginnissinnaanngorsimassaaq.
  • Inimi meeqqat pisariaqartitaattut takusani pillugit inimi sulisunut siunersioqatiginnissinnaasoq.
  • Aqutsisoqatigiinnut ilaanngilaq, inimilu sulisunut tunngatillugu aamma aqutsisutut piginnaasaqarani.

 

Qinnuteqartup piginnaasaatut kissaatit:

  • Perorsaasutut ilinniarsimasoq
  • Meeqqanut tunngasunik suliassaqarfimmi, meeraaqqerivimmi, meeqqerivimmi imaluunniit ulloq unnuarlu paaqqinnittarfimmi (arfinillit ataallugit ukiulinnik meeraatilinni) ukiuni arlalinni misilittagalik
  • Meeqqanut 0-niit 5-inut ukiulinnut ineriartuutaasumik sammisaqartitsinermik siammasissumik ilisimasalik.
  • Perorsaanermut tunngasut iluanni ineriartornermi malinnaasoq.
  • Inuiaqatigiinnut suleqateqarnissamut alapernaatsoq soqutiginnittorlu.
  • Marluinnik imaluunniit arlariinnik oqaaseqartuusinnaaneq
  • Suliniuteqarumasoq, suliniutinik aallartitsisinnaasoq namminersorsinnaasorlu
  • Suleqatiginnilluarsinnaasoq ammasuullunilu, allanngortitsinissamut piareersimasoq saaffigiuminartorlu

 

Suliffik imaattoq neqeroorutigisinnaavarput:

  • Ulluinnarni sammisassaqartitsinernut ukiumullu pilersaarusiornermi sunniuteqarnissamut periarfissatsialak
  • Suliffimmik atugarissaarfiusumik, suleqatigiinnermik ingerlalluartumik suliffimmilu avatangiisit pitsaasuunerannik pingaartitsisut.
  • Suliatigut ineriartornissamut periarfissat pingaartinneqarput.

 

Annertunerusumik paasisaqarusukkuit:

Annertunerusumik paasisaqarusukkuit Naja A. Kilime attavigisinnaavat uunga oqarasuaat: 367748, e-mail: naam@sermersooq.gl imaluunniit Ane Marie Lynge Møller attavigisinnaavat uunga oqarasuaat: 367325, e-mail: anmm@sermersooq.gl

 

Pineqaatissinneqarsimannginnermut meeqqanillu pinerliisimannginnermut uppernarsaatit:

Atorfik taanna meeqqanik pinerliisimannginnermut aammalu pineqaatissinneqarsimannginnermut uppernarsaammik peqartussaatitaaneq pillugu inatsit naapertorlugu piumasaqaatitaqarpoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinitsitsisoqassaaq. Taamaattumik malugeqqussavarput kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat politiinit pippagit atorfininnissaq inissinneqassaaq.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:

Namminersorlutik Oqartussat, NPK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misiliutaassaaq.

 

Inissaq:

 Atorfimmut atatillugu inigisassamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 80/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALUGIUK:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia