sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Qeqqata Kommunika

Minngortuunnguup Atuarfia 9-nik ilinniartitsisussarsiorpoq

Qeqqata Kommunika

Ikkunneqarpoq: 24-05-2024
Piffissaq atuuffissaa naassaaq: 14-06-2024
Suliffissamut ID normut: LJA-85500010
Atorfeqarnermi atugassarititaasut: Tamakkiisoq
Suliassaqarfik: Allat

Minngortuunnguup Atuarfia ineriartortuuvoq atuartumut siunissami inerissimalerluni atugassaminik ilikkagaqarluarnissaanik anguniagaqarnissaanut ikorfartuinissaminut pitsanngorsaajuartoq. Atuarfiup aqutsisuisa pingaartippaat ilinniartitsisut ineriartortuarnissaat suleqatigiittullu avitseqatigiinnikkut suliffimmik akisuqatigiinnissaat. Atuarfimmi atuartut pisariaqartitaannut pisinnaatitaaffiannullu aamma pisunut allanngoriasaarsinnaasunut piareersimasuusunik sulisoqarpugut. Minngortuunnguup Atuarfia 400-t missaani atuartoqarpoq.

Ilinniartitsisoqatigiit ataqatigiilluartuupput ukkatarilluarpaallu ataatsimoorussamik suliaqarlutik atuartunut pilersaarusiortarneq atuartitsinerlu. Ilinniartitsisoqatigiit nutaaliornissamut misileraanissamullu sapiitsuupput ulluinnarnilu atugassarititaasunut tulluarsallaqqissuullutik. MA-mi suleqatigiinneq pingaartitaraarput.

Qeqqata Kommuniani atuartut atuartuaannarnissaat pingaartitaraarput nakkutigilluarnerisigut angerlarsimaffimmullu attaveqapallattarnitsigut atuarnerulersitsilluta. Tabulex TEA aamma Skoleintra attaveqarnitsinnut atugaralutigit. Angusat pingaartillutigit ukiumut ikinnerpaamik marlussoriarluta Angusakkartitsisarpugut.

Trin 1 (1. -3. kl.) Ilinniartitsisunik 4-nik nukarlernut pissarsiorpugut. Ataaseq 1.klassini atuartitsisartussatut, atuartitsineq atuartuunermut sungiussipallannissamik imaqarpoq aamma naatsorsuutigineqassaaq 1.klassimi atuartitsinermi suleqatigisaq piffissaq tamaat ingiaqatigiinnikkut suleqatigisassallugu. Ilinniartitsisut 3-t atuartitsissutini oqaasileriffiusuni, kisitsinermi pinngortitalerinermilu kiisalu mernguernartuni amigaatigaagut.

Trin 2 (4.-7.kl.) Akullerni ilinniartitsisumik ataatsimik danskisut aamma tuluttut ilinniartitsisumik amigaateqarpugut. Naatsorsuutigineqassaaq ukioqatigiinni holdikkaartoqarnissaa suleqatit peqatigalugit pilersaarusiorneqartunik.

Trin 3 (8.-10.kl.) Angajullerni ilinniartitsisumik ataatsimik danskisut aamma tuluttut ilinniartitsisumik amigaateqarpugut. Angajullerni atuartitsineq misilitsinnissamut piareersarfiuvoq atuartullu akisussaaqataanerannik pilersaarusiornermi ilaqartussaalluni.

Trin 4-mi (immikkut atuartitsivimmi) Ilinniartitsisumik ataatsimik atuartunut immikkut pisariaqartitsisunik atuartitsisinnaasumik amigaateqarpugut. Immikkut atuartitsivimmi pinngortitamik atuinermik imaqarluartumik mernguernartunillu ukkataqarluni atuartitsinermik ingerlatsiviuvoq. Atuartut angajulliit inaarutaasumik misilitsinnissaannut piareersarneqassapput.

Trin 4-mi (Multiafd.)  Ilinniartitsisut marluk timikkut eqqarsartaatsikkullu innarluuteqartunut atuartitsisinnaasut ujartorpagut. Immikkut atuartitsivimmi ullup ilikkagaqarfiunissaanik mernguernartunillu ukkataqarluni nuannersumik ulloqarnissamik ataatsimoorfiuvoq. Immikkortortaq atuartunut tulluarsarsinnaanermik pingaartitsisuuvoq.

Atorfiniffissaq 1.august 2024 isumaqatigiissuteqarnikkulluunniit.

Akissarsiat atorfeqarnermilu atugassarititaasut 

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aamma isumaqatigiissutit Naalakkersuisut ilinniartitsisullu kattuffiata IMAK-ip akornanni isumaqatigiissutit atuuttut naapertorlugit pissaaq.

Atorfinitsitaaneq aningaasarsianut isumaqatigiissutinut atugassarititaasut annerusumik naapertorlugit pissaaq.

Qinnuteqartut Kalaallit Nunaanni tjenestemanditut atorfeqareersut, ilinniartitsisutut tjenestemanditut atorfininnissaminnut periarfissaqarput. Tjenestemanditut atorfininneq pissaaq Namminersorlutik Oqartussat Kommuninilu tjenestemandit pillugit Inatsisartut inatsisaat nr. 21 18. december 2003-meersoq tunngavigalugu.

Atorfik pillugu paasissutissanik amerlanerusunik paasiniaasoqarsinnaavoq pisortamut: Hans C. Jensen: hacj@qeqqata.gl imlt. Pisortap tullianut: Uvdloriaq Kleist: uvkl@qeqqata.gl oqarasuaammut: (+299) 864188 

Minngortuunnguup Atuarfia: minngoq@qeqqata.gl

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik, attaveqarfissanik ilalerlugu, meeqqanik innarliisimannginnermik aamma pineqaatissinneqarsimannginnermik uppernarsaammik ilallugu nassiunneqassaaq

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia