sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Namminersorlutik Oqartussani Aningaaqarnermut Sulisoqarnermulu Aqutsisoqarfik TNI-neertussanik imaluunniit AU-lertussanik ilinniartussarsiorpoq

Namminersorlutik Oqartussat

Nuuk
Ikkunneqarpoq: 03-04-2020
Piffissaq atuuffissaa naassaaq: 24-04-2020
Suliffissamut ID normut: LJA-80046159
Atorfeqarnermi atugassarititaasut: Tamakkiisoq
Suliassaqarfik: Allat

Niuernermik Ilinniarfimmi ilinniakkammik aallartitsilerpit, taava uku ilinniarfiusinnaasut immaqa ilinnuupput.

Aningaasaqarnermut Sulisoqarnermullu Aqutsisoqarfik ilinniartussarsiorpoq 1. august 2020-mi aallartittussanik.

Allaffiit uku ilinniartussarsiorput:

  • Naatsorsuuserivik (DCR)
  • Niunerartarnermi allaffik
  • Sulisunik inerisaavik (HR-Udvikling)
  • Akissarsialerivimmi controleri

Ilinniartuunerup ingerlanerani periarfissatut aallaavittut periarfissaavoq allaffiit pineqartut akornanni ilinniarnerup nalaani nuussinnaanissaq, tamanna kissaatigineqarpat. Periarfissaq tamanna periarfissiissutigineqarpoq ilinniartup allaffiit suliaai naatsosuuserinerit atorfeqarnermullu tunngasut ilikkagaqarsifiginissaat periarfissikkumallugu. Pissutsiilli aamma tamanna pinngitsoortissinnaavaa, tamannali siunnerfitsinnut ilaavoq.

Suliamut tunngasoq
  • Anigaasaqarnermut, natsorsuinermut ulluinnarmilu allaffeqarfimmi sulinermut soqutigisaqarneq.
  • Oqaluttariarsornermi piginnaasaqarluarneq
  • IT-mi piginnaasaqarneq.

Inuttut tunngasoq:
  • Piffissamik aqutsilluarsinnaasoq, isumaqatigiissutit malillugit naapissinnaaneq.
  • Eqqortumik ataqatigiissillugu aaqqissuisinnaaneq.
  • Suliamik ataqatigiissaarisinnaaneq naamassillugulu suliaq ingerlannissaa.
  • Inussiarnersuulluni ilakkuminartuunissaq

Aningaasaqarnermut Sulisoqarnermullu Aqutsisoqarfik
Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aserfallatsaaliuinerlu.

Annerusumik paasisaqarusukkuit
Atorfimmut tunngasumik annerusumik paasisaqarusukkuit attavigisinnaavat hru@nanoq.gl imaluunniit oqarasuaat uunga 34 50 00.

Allaffinni ilinniarfiit pillugit annertunerusumik paasisaqarusukkuit ataani attavigineqarsinnaasut attaviginissaannut periarfissaqarputit.

Naatsorsuuserivimmi (DCR) Allaffimmi pisortaq: Amalie Noahsen Eugenius på mail: amno@nanoq.gl

Niunerniarnermi allaffik: Allaffimmi pisortaq: Christian Ruez Witting Christensen mailikkut chrw@nanoq.gl

Sulisut inerisarnerqarnerannut allaffik: (HR-Udvikling): Allaffimmi pisortaagallartoq Juliane Wiese Korshøj juwk@nanoq.gl

Akissarsialerivimmi controleri: Immiikkoortortami pisortaagagallartoq Cecilie Lisager mailikkut celi@nanoq.gl

Qinnuteqarfissaq kingulleq:
ulloq 24, april 2020 nal. 12.00.

E-mail atorlugu qinnuteqaammik nassiussisoqarsinnaanngilaq.

ASA-p pingaartitai pingasut tassaapput:
  • Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut
  • Suleqatigiinneq - Suleqatigut sullitavullu pitsaasumik suleqatigaagut
  • Isumassuineq - Ikiuukkumatuujuvugut akunnitsinnilu paareqatigiilluta

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Suliffiup sivisussusaa sapaatip akunneranut 40 tiimi.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Royal Greenland A/S
Sisimiut Sømandshjem
Sisimiut
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen