sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Namminersorlutik Oqartussat

Namminersorlutik Oqartussani Naalagaaffinngornissamut immikkoortortaqarfik AC-fuldmægtigimik imaluunniit immikkut siunnersortimik pissarsiorpoq

Namminersorlutik Oqartussat

Nuuk
Ikkunneqarpoq: 07-12-2023
Piffissaq atuuffissaa naassaaq: 28-12-2023
Suliffissamut ID normut: LJA-85158161
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Naalagaaffinngornissamut Nunanullu Allanut Naalakkersuisoqarfimmi Naalagaaffinngornissamut immikkoortortaqarfik AC-fuldmægtigimik imaluunniit immikkut siunnersortimik pissarsiorpoq
Naalagaaffinngornissamut piareersaanermik aamma inatsit tunngaviusussamik suliaqarnermillu suliaqarusuppit? Nunatta siunissaa pillugu innuttaasut ilusilersueqataanerunissaat pillugu suleqataarusuppit? Naalagaaffinngornissaq pillugu pitsaanerpaamik piareersartoqarnerani qulaajaaqataallutillu nassuiaaqataarusuppit?

Taamaappat Naalagaaffinngornissamut Nunanullu Allanut Naalakkersuisoqarfiup Naalagaaffinngornissamut immikkoortortaqarfianut AC-fuldmægtigissatut imaluunniit immikkut siunnersortitut qinnuteqarsinnaavutit.

Ulloq atorfimmi sulilerfissaq: 1. februar 2024 isumaqatigiissuteqarnikkulluunniit.

Suliassat
Naalagaaffinngornissamut Nunanullu Allanut Naalakkersuisoqarfik naalakkersuinikkut naalagaaffinngornissamut immikkoortortaqarfimmut akisussaasuuvoq. Naalagaaffinngornissamut Immikkoortortaqarfimmi innuttaasut akuutinneqarnissaannik naalagaaffinngornissallu oqallisigineqarnissaata qulakkeerinnissaa suliassaavoq pingaarutilik. Naalagaaffinngornissamik anguniagaqarnerup innuttaasuni tamani ataatsimut anguniarneqarnissaa, aammalu innuttaasut piginneqataanissaat, naalagaaffinngornissallu tungaanut suliniutinut akisussaaqataasutut misiginissaat pingaaruteqarpoq. Suliassani allani pingaarutilik tassaavoq, pissutsit naalagaaffinngornissap angunissaanut attuumassutillit arlallit paasiniarnissaat, taakkununngalu siunissami paasissutissiiviusumik tunngaveqarluni tamatumunnga aalajangiinissap qulakkeerneqarnissaa ilaavoq.

Naalagaaffinngornissaq amerlasuunik qulequtaqartussaavoq: Inatsit tunngaviusussaq pillugu isumalioqatigiissitat isumaliutissiissutaannik innuttaasunut akuutitsineq, aningaasaqarneq, oqaluttuarisaaneq, ataatsimoortumik kinaassuseqarneq, kulturi, imminut pilersorsinnaaneq, nunap avataanut attaveqarnerit, aaqqissuusseqqinnerit, inuiaannut naalagaaffimmullu tunngatillugu inatsisilerineq, naalagaaffiit namminersortut akornanni suleqatigiinnerit allaasut ilusiligaanerat pillugu nunanit allanit misilittakkanik aallerneq il.il. Taamaattumik Ilinniagartuutut sulinerpit tamatigoortuunissaa, aammalu Namminersorlutik Oqartussani naalakkersuisoqarfinnik arlalinnik soqutigisaqaqatigiinnillu allanik qanittumik suleqateqarnissat naatsorsuutigissavat.

Naalagaaffinngornissamut immikkoortortap Inatsit Tunngaviusussaq pillugu isumalioqatigiissitat isumaliutissiissutaanik innuttaasunik peqataatitsinissat aaqqissuullugillu akisussaaffigissavai. Taamaattumik eqinnaatsumik takorluuisinnaassuseqartumillu, innuttaasunik peqataatitsinermi akuutitsisinnaasumik, naalagaaffiullu sannaata ineriartortinnissaanut isumassarsiaqarlunilu tunniussisinnaasumik, immikkoortortaqarfimmi pisortassarsiorpugut. Tamanna innuttaasunik attaveqarluarnermik aaqqissuinernik aammalu sulinermik imaqassaaq.

Suliassaqarfik annertuumik politikikkut eqqumaffigineqarpoq. Ilinniagartuutut atorfilittut ulluinnaat suliassanit assigiinngitsorpassuarnit sunnersimaneqartut ulapaarfiusut pissanganartullu naatsorsuutigisinnaavatit. Amerlanertigut suliassanut saaffiginnissutit suut politikerinit, tusagassiorfinnit innuttaasunilluunniit takkuttut suuneri apeqqutaasassapput. Matumani atorfik amerlasuunik aallaavilik suliassaqarfimmilu annertoorsuarmi annertuumik akisussaaffeqarfiusoq pineqarpoq, tassanilu suliassaqarfimmut ilusilersueqataassaatit. Allannguinissamut piareersimassaatit, aammalu piffissat ilaanni suliassat nukingiussassat amerlasinnaanissaat piareersimaffigissallugu, amerlasuutigullu suliassavit allassimaffii eqiteriarlugit igiinnartariaqartassavatit, ingerlaavartumik tulleriiaarisartussaassagavit. Piffissap ilaani unnukkut sapaatillu akunnerisa naanerini sulisarsinnaassaatit, aammalu atorfimmut atatillugu angalangaatsiartarnissaq naatsorsuutigineqarsinnaassaaq, nuna tamakkerlugu naalagaaffinngornissaq pillugu innuttaasunik ataatsimiititsisarnissaq naatsorsuutigineqarmat.


Suliffik pillugu
Naalagaaffinngornissamut Nunanullu allanut Naalakkersuisoqarfik 35-t missaanni sulisoqarpoq, immikkoortortanut arlalinnut Sinniisoqarfinnullu agguarneqarsimasunik, soorlu nunanut allanut politiki, issittoq, Illersornissaq upalungaarsimanerlu, nunanik allanik suleqateqarneq, ilisimatusarneq Naalagaaffinngornissarlu.
Naalakkersuisoqarfiup pingaarnertut suliassaraa Nunanut Allanut Naalagaaffinngornissamullu naalakkersuisumut siunnersuinissani.
Naalagaaffinngornissamut immikkoortortaqarfiup suliassaa pingaarneq tassaavoq naalagaaffinngornissamut piareersaataareersimasut sukumiisumik suliareqqissaarnissaat, aammalu innuttaasunik peqataatitsinerup oqallitsitsinerullu qulakkeerluarnissaa. Pingaaruteqarluinnarpoq, naalagaaffinngornissamut siunertap patajaatsumik tunngaveqarnissaa, orninneranilu innuttaasut piginneqataallutik akisussaaqataallutillu tamatuminnga misigiffiginninninnissaat.Taamatuttaaq pingaaruteqartut allat ilaatigut tassaapput naalagaaffinngornissap angujartornerani qaammarsaanerit arlallit pisariaqartassammata, matumani pineqarlutik siunissamut aalajangerneqartut tunngaviisa erseqqissartuarnissaat, soorlu aningaasaqarnermut nunamullu nammineertumut apeqqutinut tunngasunut.

Suliassat tunniussaqarfigalugillu nakkutigisassatit, siullertut makkununnga tunngapput:

  • Oqartussaaffiit Naalagaaffimmiit tigusassat misissoqqissaarnissaat
  • Aningaasaqarnermut apeqqutit qulaassallugit
  • Naalagaaffinngornissap angujartornerani pissutsit misissorlugit qulaarlugillu
  • Innuttaasunik akuunerulersitsinissamut tunngatillugu periutsinik ujartuineq
  • Naalagaaffinngornerup eqqunneqarneratigut kalluarneqarsinnaasut pillugit innuttaasut ilisimatillugit
  • Innuttaasunik pitsaasumik suleqatiginninneq, kattuffiit oqartussallu allat attavigalugit, aammalu Naalagaaffinngoriartornermi ineriartornissaq pillugu nunat allat misilittagaannik aallerneq.

Taamaattumik AC-fuldmægtigitut imaluunniit immikkut siunnersortitut sulineq tamatigoortuunermik piumasaqarpoq, taamaattumillu Namminersorlutik oqartussat iluani naalakkersuisoqarfiit arlallit soqutiginnittullu allat qanimut suleqatigisassavatit.

Piginnaasat
Naleqquttumik ilisimatusarnerup iluani naammassisimasannik ilinniagaqarsimassaatit aammalu pisortaqarfimmi piumasaqaataanngitsumik politikikkut aqunneqartumi misilittagaqarsinnaavutit.

Naatsorsuutigaatsigit:
  • Cand.scient.pol.-tut, cand.oecon.-tut, cand.merc.-tut, cand.jur.-tut, cand.mag.-tut imaluunniit allatut ilinniarsimanissat
  • Kalaallit Nunaata politikikkut ineriartornera pillugu ilisimasaqarluarnissat aammalu politikikkut ineriartorneq oqaluttuarisaaneq kulturilu pillugu ilisimasaqarnissat
  • Inuiaqatigiit ineriartornerat pillugu aammalu misissueqqissaarnermik piginnaaneqarlutillu ilisimasaqarnissat
  • Oqaatsitigut piginnaasaqarnissat
  • Aaqqissuussaasumik sulisinnaaneq misissueqqissaarnermillu piginnaaneqarnissat
  • Allattariarsorluarsinnaassaatit oqaaseqatigiiliullaqqittuussallutit
  • Nammineq aallarniisinnaassuseqassaatit, namminersorsinnaassuseqarlutit periarfissanillu assigiinngitsorpassuarnik sulisinnaassallutit
  • Ilakkuminartuussaatit, aamma ullut tamaasa suliassanik tamalaanik suliassaqarfiusumiikkaluarlutit
  • Aaqqissuussaalluartumik suleriuseqarsinnaassaatit piffissaliussanullu eqquutsitsilluassallutit.

Neqeroorutigisinnaavagut:
  • Suliffik pissanganartoq sukkasuumik ineriartorfiusoq politikikkullu maluginiarneqarluartoq
  • Suliffik ulapaarfiusoq suleqatinik pitsaasunik peqateqarfiusoq inussiarnersumillu oqaloqatigiiffiusoq
  • Suliffik pissanganartoq suliassanik unammillernartunik imalik, peqatigiilluni suliffiusoq suliassanullu pikkorissuseqarnissamik annertuumik pingaartitsisoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Suliffik pillugu apeqqutissaqaruit Naalakkersuisoqarfimmi pisortaaneq Mininnguaq Kleist oqarasuaammut uunga saaffigisinnaavat: 34 50 00 imaluunniit e-mail: nap@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu kingusinnerpaamik decembarip 27-ani 2023 nassiutikkit. 
E-mail-ikkut qinnuteqaatinik tigusineq ajorpugut.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia