sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Namminersorlutik Oqartussat Kantiinaat TAMU nerisassanik pilersuinermi kantiinamilu assistentitut ilinniartumik pissarsiorpoq

Namminersorlutik Oqartussat

Nuuk
Ikkunneqarpoq: 14-10-2019
Piffissaq atuuffissaa naassaaq: 08-11-2019
Suliffissamut ID normut: LJA-76473981
Atorfeqarnermi atugassarititaasut: Tamakkiisoq
Suliassaqarfik: Pisiniarfik & sullissineq

Namminersorlutik Oqartussat Kantiinaat TAMU nerisassanik pilersuinermi kantiinamilu assistentitut ilinniartumik pissarsiorpoq
TAMU kantiina nerisassanik pilersuinermi kantiinamilu assistentitut suliffimmik misiliinissamut neqeroorpoq.
TAMU pillugu
TAMU inunnut 60-150-it akornanniittunut ullaakkorsiutissanik nerisassanillu assigiinngitsunik ullormut suliaqartarpoq. Sulisut nerisassat naqqaniit suliarisarpaat, soorlu qallersuutissat, ullaakkorsiutissat aamma nunatsinniit nunaniillu avannarlerniit nerisassat pillugit siunnersuutit malillugit iffiortarput. Tamakkua saniatigut Namminersorlutik Oqartussani ataatsimiittoqaraangat, pikkorissartoqaraangat il. il. nerisassat isumagisarpavut. Aamma nammineq tunisassiaativut nillataartitsivimmiittut nioqqutigisarpavut. Aalisakkat nerisassallu assigiinngitsut illinnarsaakkat nerinermi pitsaasunik atortoqartussat salliutinneqartarput. Nerisassaativut inunnut sukkornermik nappaatilinnut kiisalu inunnut immuup sukkuanik akulinnik qajuusiassallu protein-inik sapigalinnut ullormut neqeroorutinik ilaqartarput.

TAMU april 2017-imi atuutilerpoq, taamaammat periarfissanik nutaanik isumassarsiorsinnaaneq siunnersuuteqarsinnaanerlu inissaqartinneqarput. TAMU pikkorissunik sulisoqarpoq, tassaasut kantiinami pisortaq ataaseq, igasutut ilinniarsimasoq ataaseq, igaffimmi assistenti ataaseq inuussutissalerinermilu assistentitut misilittagaqarluartoq ataaseq.  Suleqatigiit nammineertupilussuupput ullormut suliassaminnik akisussaaffigisassaminnillu pilersaarusiortarlutik, suliffimmi ilikkagaqarfiusartumi isumasioqatigiittarnissamillu pingaartitsiffiusumi tamarmik qiimasuupput pitsaasumillu oqaloqatigiittarlutik. Anguniagaraarput suliffitta ilinniarfissatut pilerinartunngortinneqarnissaa tamatumalu suleqatigiilluta qanoq anguneqarsinnaanera qulakkeerniarlugu suleqatigiittuarluta.

Sapaatip akunneranut nal. akunneri 40-t suliffiusarput, tassa ataasinngornermiit tallimanngornermut nal. 6.00-imit nal. 15.00-imut. Unnukkut, weekendini sapaassuarniluunniit sulisoqarneq ajorpoq. Kantiina juullip ukiortaallu akornanni matoqqassaaq.


Suliffimmik misiliinermi suliassat
Neqeroorutigaarput illit:

  • nerisassanik nillertunik, kissalaartunik kissartunillu nerisassiornermi ilinniartinneqarnissat, tassani aamma suliffeqarfiit assigiinngitsut ilinniartitsinermik, misilittagaqarnermik tunisassioriaatsinillu pitsanngorsaasinnaasut paarlakaallugit misiliiffiusinnaapput.
  • nerisassat sassaalliutigineqartussat pilersaarusiornissaannut, kusassaasarnermut nerisassallu pitsaassusiinut tunngasunik kiisalu nerisassat assigiinngitsut sassaalliutigineqartarnerannik ilinniartinneqassaatit
  • illoqarfimmi suliffeqarfiit paarlakaallugit misiliiffiginerani tunisassiat ilisimasaqarfiginissaannut ilinniartinneqarluassaatit.
  • pitsaalluinnartumik eqqiluisaarnissamik, torersaanissamik imminullu nakkutiginissap pilersaarusiornissaanut ilinniartinneqassaatit
  • igaffimmi nammineq akisussaaffeqassaatit aamma imminut ilinniartinnissap pilersaarusiorneranut akisussaaffeqarputit peqataanissamut
  • ikiueqqaarneq ulluinnarnilu isumannaallisaaneq pillugit ilisimasatit nutarterneqassapput

Ilinniartutut ilinnut uagut kissaativut
Kissaatigaarput, illit:
  • Peqqinnartunik mamartunillu pitsaalluinnartumik nerisassiorusussuseqartutit
  • Iterissartuujusaatit ullaakkut makissinnaallutit piffissarlu eqqorlugu suliartorsinnaasutit
  • Ilinniartinneqarninnut peqataasassasutit ilinniagaqarnissamullu akisussaassuseqartutit
  • Ilitsersorneqarnissamut ammasuusutit angusaqarusussuseqartutillu
  • Suleqataarusussuseqartutit pisussaaffinnillu naammassinnissinnaassuseqartutit
  • Eqaatsumik suliaqarsinnaassuseqartutit peqqissaarsinnaassuseqarluartutillu
  • Ilaatigut piffissakilliorluni suliaqartarneq isumagisinnaagit
  • Peqqinnartumik pitsaasumillu nammineq inooriaaseqartuusutit


Qinnuteqaruit aamma ilinniagassamut piffissamullu tunngatillugit akuerisaasimaguit imaluunniit inersimasutut ilinniarnissamut qinnuteqarsimaguit tamatumunnga uppernarsaat pissarsiarerusupparput.
Atorfimmut atatillugu inissaqartitsisoqanngilaq, ilinniartulli ineqarfiini inissamik qinnuteqassaguit ikiuussinnaavugut

Qinnuteqaatit makkuninnga imaqassaaq:
Illit assit maannakkut isikkunnut naapertuuttoq
Inuunermit taasassat:
Tunngaviusumik ilinniartitaanermi angusilluni soraarummeersimanermut uppernarsaat
Suleqatitut qanoq ittuunerlutit nassuiaateqarit aamma sooq illerpiaq toqqassaneritsigit nassuiaruk
Nerisassiornermut ilitsersuut nuannarinerpaasat ilanngullugu kakkiussinnaavat imaluunniit nerisassiornerup iluani suliarissallugu nuannarinerpaasat oqaluttuarisinnaavat

Qinnuteqarnissamut killigititaq
Qinnuteqaat CV-mik, soraarummeernermut uppernarsaatinik allanillu ilaqartinneqartoq linki matuma kinguliani allassimasoq aqqutigalugu kingusinnerpaamik novembarip 08-ni 2019 nassiunneqassaaq. E-mailikkut qinnuteqaatinik tigusaqartanngilagut. Apeqquteqassaguit una attavigisinnaavat Charlotte Efraimsen +299 34 67 05 imal. emailikkut chef@nanoq.gl


Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Hotel Hans Egede
Nuuk
Vvs Firmaet A/S
Tuning Incoming Agency Greenland
Tasiilaq
EMJ-Atcon Greenland A/S
Nuuk