sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Namminersorlutik Oqartussat utoqqaat soqutigisaannik iluaqusiisussamik nukittuumik pissarsiorput

Namminersorlutik Oqartussat

Nuuk
Ikkunneqarpoq: 23-01-2020
Piffissaq atuuffissaa naassaaq: 27-01-2020
Suliffissamut ID normut: LJA-79031814
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Utoqqaat Illersuisuannik, inuiaqatigiinni utoqqaat soqutigisaannik siuarsaasussamik inuiaqatigiinnilu utoqqaat atugassarititaannik ilisimatitsisartussamik qitiutitsisumillu pilersitsinissaq 2019-imi Inatsisartuni ukiakkut ataatsimiinnermi aalajangerneqarpoq. Utoqqaat illersuisuata utoqqaat atugarisaat pillugit ilisimalikkat politikerinut, oqartussanut, kattuffinnut innuttaasunullu ingerlateqqittassavai.
 
Utoqqaat Illersuisuattut atorfik utoqqaat atugarisaasa ineriartorneranut sunneeqataanissaq inuttullu suliamut tunngatillugu sunniuteqaqataaffigineqarnissaat asseqanngitsumik periarfissiivoq.
 
Atorfiup aalajangersimasumi isumagineqarnissaa piumasaqaataanngilaq, taamaattumik Utoqqaat Illersuisuat nunatsinni sumiluunniit najugaqarsinnaavoq.  Pitsaaliuinermut Isumaginninnermullu Aqutsisoqarfik Utoqqaat Illersuisuannut allaffissornikkut isumaginnittuuvoq. Allattoqarfik aqutsinermi allaffissornikkut suliaqassaaq aamma suliamut tunngasunik Utoqqaat illersuisuannut ikiuuttassalluni.
 
Utoqqaat Illersuisuat politikkikkut arlaannaanulluunniit attuumassuteqassanngilaq utoqqarnullu tamanut eqeersimaartumik illersuisuussalluni. 
 
Suliassat

  • Utoqqaat atugaat periarfissaallu pillugit utoqqarnut siunnersuillunilu ilitsersuineq.
  • Utoqqaat atugaat pillugit apeqqutinut tunngassuteqartunik, pisortani oqartussanut, pisortat namminersortullu suliffiinut kiisalu kattuffinnut peqatigiiffinnullu il.il. siunnersuillunilu ilitsersuineq.
  • Inuiaqatigiinni utoqqaat, atugaallu pillugit inuiaqatigiinni ilisimasat annertusarnissaanik sulissuteqarneq.
  • Utoqqaat pillugit paasissutissanik ingerlatitseqqittarneq, tamat oqallinneranni sinnerlugit oqaaseqartarneq kiisalu utoqqaat oqallinnermi peqataanissaannut periarfissaasa pitsaanerulernissaannik sulissuteqartarneq inuiaqatigiinnilu ineriartornermik sunniuteqartarneq.
  • Suliniutinik utoqqaat atugarisaannik periarfissaannillu pitsaanerulersitsisinnaasunik siunnersuuteqarneq.
  • Inatsisitigut suliniutinut suliniutinullu allanut utoqqaat atugarisaannut pingaarutilinnut atatillugu tusarniaavigineqartarneq.
Piginnaasat
  • Ilinniagaq misilittakkallu naleqquttut
  • Attaveqaqatigiillaqqinneq paasissutissiillaqqinnerlu
  • Namminersorsinnaaneq, tamatigoortuuneq sulerusussuseqarluartuunerlu
  • Akisussaassuseqarluarneq
  • Suleqateqallaqqissuuneq
  • Isumassarsiullaqqissuuneq, ilakkuminartuuneq, tusarnaarluartuuneq alapernaatsuunerlu
  • Marlunnik oqaaseqartuuneq, kalaallisut – qallunaatut
Atorfimmut atatillugu piffissap ilaatigut angalasarnissat naatsorsuutigissavat.
 
Utoqqaat Illersuisuat piffissami ukiunut pingasunut killissaleriikkamik ivertinneqartassaaq. Toqqaqqinneqarnissaq periarfissaavoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.  Atorfik ukiuni aalajangersimasuni immikkut atugassaqarluni atorfiuvoq.
 
Qinnuteqartunut utoqqarnut tunngassuteqartunik uppernarsarneqarsinnaasunik piginnaasalinnut misilittagalinnullu immikkut siunnersortitut atorfinitsitsisoqarsinnaavoq.
 
Atorfimmut atuuppoq piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngimmata.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Sukumiinerusumik paasisaqarusuppit?
Atorfik pillugu annertunerusumik paasisaqarusukkuit, Isumaginninnermut Inatsisinillu Atuutsitsinermut Naalakkersuisoqarfik attavigissallugu tikilluaqquneqarputit, e-mail iian@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Utoqqaat illersuisuat pillugu Inatsisartut inatsisaat nr. 37, 28. november 2019-imeersoq pillugu paasissutissat www.naalakkersuisut.gl-imi nassaarisinnaavatit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia