Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Nanortalimmi pisortanit ikiorsiissutinut susassaqarfimmi isumaginninnermik siunnersortimik/sullissi
Kommune Kujalleq
Nanortalik
Ikkunneqarpoq: 21-05-2024
Piffissaq atuuffissaa naassaaq: 10-06-2024
Suliffissamut ID normut: LJA-85495044
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik
Nanortalimmi pisortanit ikiorsiissutinut susassaqarfimmi isumaginninnermik siunnersortimik/sullissisumik pissarsiorpoq
Nanortalimmi pisortanik ikiorsiissutinut susassaqarfimmi pikkorissumik tunniusimasumillu Nanortalimmi pisortanut ikiorsiissutinut susassaqarfimmi immikkoortortatsinni juunip ulluisa 15-at 2024 aallarnerfigalugu imaluunniit isumaqatigiissuteqarnerup kingorna atorfinittussamik sulisussarsiorpoq.
Isumaginninnermik siunnersortitut ilinniarsimasumik imaluunniit sulianik isumaginnittumik oqartussat suliaqartarneranni misilittagaqartumik suleqatissarsiorpugut.
Atorfik Nanortalimmi inissisimavoq.
Sulinivit ilarujussua pisortanit ikiorsiissutit pillugit Inatsisartut Inatsisaat nr. 6, 22. juni 2022-imeersoq naapertorlugu suliassanik ingerlatsinerussaaq - tassanilu ilaatigut Majoriaq kiisalu Allorfik qanimut suleqatigineqassallutik.
Suleqatigiit sulianik aqutsisoq sullissisullu allat arfinillit ilaatigut Narsami Qaqortumilu atorfeqartut peqataaffigissavatit.
Makku piginnaasaqarfigissagitit naatsorsuutigaarput;
- Oqartussat suliamik isumaginittarnerannik misilittagaqartutit
- Isumaginninnermi suliamik isumaginnissinnaasutit
- Innuttaasut saaffiginninnerannik innersuussillutillu kaammattuisinnaasutit
- Suliffeqarneq imaluunniit allat ukkataralugit iliuusissatut pilersaarusiorsinnaasutit
- Suliffeqarnermut susassaqarfimmi suleqatiginnillaqqinnermut piginnaasaqartutit & sullissiumatuujusutit
- Minnerunngitsumillu fagmodulit kommunini atorneqartut ilisimasaqarfigigitit.
Uagut neqeroorutigisinnaavavut;
- Sulineq assigiinngisitaartoq ilaatigullu ulapaarfiusartoq, illit suliffigisanni sullissisut allat suleqatigisallu peqatigalugit sunniinissannut periarfissaqartitsisoq.
- Atorfik unammillernartunik namminersorfiusumik suliassaqarfiullunilu soqutiginartuusoq.
- Avatangiisini nutaani suleqatit pitsaasut akornanni pitsaasunik eqeersimaarfiusunillu avatangiiseqartoq.
Tassani ukiumit nutaamit susassaqarfiup iluani inatsit nutaaq atuutilertussaammat maluginiaqquneqarpoq, taamaammat susassaqarfimmi nutaamik suleriaaseqalernissamut aamma periarfissaqassaaq.
AK-ip isumaqatigiissutai naapertorlugit pissapput.
Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.
Atorfik pillugu sukumiinerusumik paasissutissanik pissarserusukkuit ukununnga saaffiginnissinnaavutit Kori Sørensen oqarasuaat 645350 koso@kujalleq.gl
Qinnuteqaat kiisalu pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunip nittartagaatigut tunniunneqariissapput kingusinnerpaamik juunip ulluisa 15-ani 2024
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”