sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Nukissiorfiit Uummannami innaallagissiorfimmi formandi

Nukissiorfiit

Ikkunneqarpoq: 13-06-2024
Piffissaq atuuffissaa naassaaq: 04-07-2024
Suliffissamut ID normut: LJA-85543658
Atorfeqarnermi atugassarititaasut: Tamakkiisoq
Suliassaqarfik: Allat

Uummannaq tassaavoq illoqarfinni avannarpasinnerpaat ilaat, taamatullu atilimmi qeqertaaqqami qaasuitsup killeqarfiata avannaani 600 km-ingajannik ungasissuseqartumi inissisimaffeqarpoq. Uummannap avannarpasissumi inissisimaffigisaata kangerluppassuarnik avatangiiseqartippaa, tassaavorlu ukiup ilaata allanngorneratigut pinngortitap ilusaa allanngorluinnartarmat – annertoorsuussutsiminilli annaasaqarnani – assilissanik kusanartunik nuannarisaqartunut paradiisiuvoq.


Uummannami inuuneqalerit, tamaanimi ukioq kaajallallugu isikkiviit alutornarluinnartut, nunarsuarmi oqaluffissaarsuit anginerpaat angeqqatigisaannik iluliarujussuallit pilluaatigisinnaavatit, tamaaniippullu sila qerinnartumut pigaangat sikumi piniarlutillu aalisartartut piniartut itsarsuarli Inuit ileqquannik ingerlatsisut, tassalu imaq sikutut issusoorsuanngorluni manngertikkaangat, kangerluillu isorartoqisutut initussutsinut qerrussimasut sunngiffimmut qimusserarnermut, qamuteralannermut, sikukkullu aalisarnermut piukkunnarluinnartuusarput.

Ukiorsuup sivisuup ingerlanerani illoqarfimmi innaallagiaq aamma kiassaaneq qulakkeerneqassapput – nukissiatsinnut peqataarusuppit?

Nukissiorfiit Uummannami innaallagissamik siammarteriviani imeqarfimmi, aamma erngup aqquteqarfiini suleqataassaatit, Uummannami nunaqarfiinilu sulisut tamaasa qanimut suleqatigissavatit.


Uummannami Nukissiorfiit atorfissaqartippaatit. Illoqarfimmi innuttaasunut, innaallagissamik aamma kiassaanermik pisariaqartitsisunut, pingaaruteqartumik inissisimassaatit. Tamatuma saniatigut atorfik tassaavoq aqutsinermut akisussaaffeqarfiusoq sulisunik nuannaartunik aamma akisussaassuseqartunik.


Suliassatit pingaarnerit tassaapput:

  • Atortunik innaallagissamik aamma kiassaanermik nioqqutissiortunik ingerlatsinermik qulakkeerinninneq
  • Sulisunik taakkununnga attuumassuteqartunik aqutsineq
  • Atortut pillugit paasissutissanik nalunaaruteqartarnermut peqataaneq aamma ingerlatsinermi pitsanngorsaaneq
  • Toqqortaatinik malinnaaneq aamma aqutsineq


Suliassanik pissanganartunik allarpassuarnik suliaqartarnissat naatsorsuutigissavat. Ilinniartinneqarnissat aamma ineriartornissamut periarfissat uagut isumagissavagut. Ilinniartinneqareeruit suleqatitit peqatigalugit pigaartuusarnermut peqataasalissaatit.


Suut naatsorsuutigisinnaavigit?


Suleqatinnit aamma aqutsisunit allanik pitsaasumik isummersoqatigiittarneq naatsorsuutigissavat, Nukissiorfinni iluatsitsineq pilersittarparput pikkorissuseqartumik aamma pitsaasumik suleqatigiinnikkut. Tamatumunnga ilutigitillugu qilanaarissavat suliffeqarfimmi sulisut iluarisimaarinnittut akornanni sulilissagavit – uagut Kalaallit Nunaanni aamma Danmarkimi pitsaanerit akornanniippugut.


Illit ujartugarput, tassaavutit:


  • Teknikimut tunngasumik tunngavilik soorlu skibsmontøri imaluunniit maskiinalerisoq imaluunniit assingusumik ilinniagalik
  • Pilersuinerup isumannaatsuuneranik aamma piujuartitsinermik pingaartitsisoq
  • Aqutsinermik misilittagalik imaluunniit taamatut sulinissamut perusuttoq
  • Uummannami allanngortitsinissamik kissaateqartoq.


Ingerlatsineq aamma ulluinnarni sulineq suleqatigisatit peqatigalugit pingaartitarissavat. Unamminartut ataatsimoorluta iluarsisarpavut, aamma pingaaruteqarpoq illit kajumissuseqarnissat aamma qungujulallutit suliartortarnissaq.


Sapinngisamik piaartumik sulilernissaq imaluunniit isumaqatigiinnikkut.


Atorfeqartitaanermi atugassarititaasut:


Akissarsiat aamma atorfinitsinneqarneq isumaqatigiissut attuumassuteqarfigisaq aamma attuuttoq naapertorlugu ingerlanneqassapput. Qaammatit pingasut misilitsiffiupput.


Illit tassaavit suleqatissatut ujartugarput? 


Atorfimmi suliarisassat aamma sulerinissaq pillugit apeqqutissaqaruit taava Johan Becker ugguuna (+299) 28 86 71 attaveqarfigiuk.

Akissarsiat aamma atorfeqartitaanermi atugassarititaasut nalinginnaasut pillugit apeqqutit uunga hr@nukissiorfiit.gl nassiunneqarsinnaapput.


Nukissiorfiit pillugit

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tamanna pillugu annertunerusumik atuarit uani www.nukissiorfiit.gl.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia