sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Nunanut allanut Nukissiuuteqarnermullu Naalakkersuisoqarfik immikkut siunnersortimik / AC-fuldmægtigimik ujaasineq

Namminersorlutik Oqartussat

Nuuk
Ikkunneqarpoq: 21-01-2021
Piffissaq atuuffissaa naassaaq: 12-02-2021
Suliffissamut ID normut: LJA-81617672
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Nunanut allanut Nukissiuuteqarnermullu Naalakkersuisoqarfik immikkut siunnersortimik / AC-fuldmægtigimik illersornissamut isumannaallisaanermut Issittorlu pillugu soqutigisalimmik pissarsiorpoq.

Isumannaallisaanermut- illersornissamut Issittumilu sueqatigiinnermi suliani Kalaallit Nunaata soqutigisai suliaqarfigissavatit. Pisortat suliffeqarfiutaanni suliassanik suliarinnittarnermi, taamatullu politikkikkut siunnersuisarnermik misilittagaqarputit. Taamatuttaarlu illersornissami- isumannaalisaanermilu nunarsuarmioqatigiit suleqatigiinnerat pillugu misissuilluarnissamut piginnaaneqarnissat naatsorsuutigineqarpoq.

Pingaarnertut suliassatit

  • Illersornissamut isumannaallisaanermullu politikkinut tunngassutilinni saaffiginninnernut kiffartuussineq,
  • Illersornissaqarfiup nunatsinniinnerani Kalaallit Nunaanni Issittumilu suliaanut tunngassutilinni naalakkersuisoqarfimmit attaveqaataassaatit, tassani illersornissaqarfiup Issittumi ataatsimut piorsaanissaq pillugu suliassanut tunngasut ilanngullugit, 
  • Suliassat Issittumut tunngassutillit saaffiginnissutaasut suliaqarfigineri,
  • Nunanut allanut Naalakkersuisoqarfiup suliassaqarfiisa iluanni suliassat suliannut sammisut suliarinissaat, soorlu naalakkersuisumik kiffartuussineq, misissueqqissaarnermi suliassat taamatullu nunarsuarmioqatigiinni suleqatigiinnerni allani peqataaneq
  • Naalakkersuisoqarfiup suliassaqarfiinut tunngasuni pisortat suliassaqarfigisaanni aaqqiissutissanik nassaarniarnermi peqataaneq aammalu pisortat suliassaataat tamarmiusut suliaqarfiginissaat.
  • Suliffeqarfiup iluanit avataaniillu tusarniutit ataqatigiissaarlugillu akissuteqarfiginissaat.
  • Nunanut allanut politikkimi taamatullu suliassat allat takkuttut assigiinngitsut suliarisarnissaat.
Nunanut allanut Naalakkersuisoqarfik
Nunanut allanut Nukissiuuteqarnermullu Naalakkersuisoqarfik tassaavoq Kalaallit Nunaata nunarsuarmioqatigiinni soqutigisaasa suliarineqartarnerini, taamatullu naalakkersuisoqarfiit assigiinngitsut nunarsuarmioqatigiinni suliaqarfigisaanni ataqatigiissaarinikkut ingerlatsinikkullu qitiusumik pisortaqarfiusoq. Illersornissamut isumannaallisaanermullu Kalaallit Nunaanut apeqqutini tunngassutilinni suliaqarnermi Namminersorlutik Oqartussat peqataasarpoq. Namminersorlutik Oqartussat avannaamioqatigiinni issittumilu suleqatigiinnermi peqataavoq, tassunga ilaallutik Issittumi Siunnersuisooqatigiit, NP-imi suliani soorlu silap allanngorarnera pillugu isumaqatigiissutit, immap naqqani nunat toqqavii qalleraattut pillugit suliniummi, Inuit pisinnaatigaaffiini aammalu Nunat Inoqqaavisa Oqaasissaqarfiinut NP-imi ataavartumik oqalliffimmi suliat suleqataaffigai. Naalakkersuisoqarfik ulluinnarni ulapaarfiusuuvoq suliassallu siammasissuupput ajornakusuungaatsiartuusarlutik.

Ilinnit naatsorsuutigaarput
  • Tulluuttumik qaffasissumik ilinniagaqarsimanissat (Cand.jur., Cand.polit., Cand.Scient.adm., Cand.Scient.pol,).
  • Illersornissamut isumannaallisaanermullu politikkimi ukiuni arlaqartuni misilittagaqassaatit ajornanngippat aamma suliffeqarfimmi politikkikkut ingerlanneqartumi misilittagaqarlutit.
  • Nunarsuarmioqatigiinni, kattuffinni aamma/imaluunniit nunani allani sulisimanermik misilittagaqarputit.
  • Suliassani suliakkiutigineqartuni suliassani annertuumik politikkitaqartuni nunarsuarmioqatigiinnilu  Ilisimasaarinnilluartutut tamanik takunnilluarsinnaallutit misissueqqissaarnermillu paasisimasaqarluartuussaatit.
  • Qulequttat nunarsuarmioqatigiinnut tunngasut ajornakusoortut siammartersinnaassavatit siunnersuisuuffigalugillu. 
  • Suliassaqarfimmi ilaatigut misilittaaffiulluartumik suliaqarfiusartuni avatangiisilimmi ulapaarfiusumilu sulilluarsinnaasuussaatit. Kalaallit inuiaqatigiit kulturiallu pillugit qanimut ilisimasaqaruit annertuumik iluaqutaassaaq. 
  • Naliliisinnaassuseqarluassaatut naammassinnissinnaassuseqarlutillu.
  • Kalaallisut, danskisut tuluttullu oqaatsinik piginnaasaqarluartoq, oqaatsilli allat piginnaasaqarfigineri aamma iluaqutaassaaq.
  • Akisussaaffimmik namminersuutigalugu tigusisinnaanermik taamatullu naalakkersuisoqarfimmi, Namminersorlutik Oqartussani taamatullu Danmarkimi oqartussaasunik suleqatiginnilluarsinnaassaatit.
Neqeroorutigaarput
Nunanut allanut Nukissiuuteqarnermullu Naalakkersuisoqarfik suliffiuvoq pissanganartoq. Ulluinnarni sulinitsinni pitsaasumik oqaloqatigiinnerit ingerlasarput naammassisaqarnermilu inuttut malunnaateqartitsinissamut inissaqartitsisuulluta.  
Naalakkersuisoqarfik ulapaarfiulluartarpoq. Taamaattumillu immitsinnut isummersoqatigiiffigisinnaaneq aammalu suliassaqarfiit tamaasa suliarisinnaajumallugit, angalanermut tunngasut aamma eqqarsaatigalugit ikioqatigiittarnissaq pingaaruteqarpoq.
Sulisut ataasiakkaat pisariaqartinneqartututmisigisimanissaat taamatullu suliartornissap isumaqarluarnissaanik misigisimanissaat pillugit suliaqarpugut. Inuttut suliaqarfitsigullu sulisut ataasiakkaat ineriartornissamut ilinniaqqinnissamullu pisariaqartitaat isumagisarpavut.

Isumannaallisaanikkut akuerineqarnissaq
Atorfimmut pissagaanni piumasaqaataavoq malittarisassat atuuttut aallaavigalugit isumannaallisaanikkut akuerineqarnissat. Taamaattumik aallaqqaataaniilli pinerlussimannginnermut uppernarsaat ilanngullugu nassiunneqassaaq. Tamanna sumiiffimmi politeeqarfimmi imaluunnit nittartakkami www.politi.dk/bestil/bestil-straffeattest -mi akeqanngitsumik pissarsiarineqarsinnaavoq.

Atorfininnermi atugassarititaasut
Akissarsiatigut atorfininnermilu atugassarititaasut, tassunga ilanngullugit atorfininnermi soraarnermilu angalanissamut pigisallu nuunneqarnissaannut pisinnaatitaaffiit, Namminersorlutik Oqartussat aamma suleqatigiiffiup isumaqatigiinniarsinnaatitaasup pineqartup akornanni isumaqatigiissutaat piffissami atorfininnermi atuuttoq naapertussavai. Immikkut siunnersortimik atorfinitsitsineq nalilersuilluareernikkut pissaaq.
Sapaatip akunneranut piffissaq sulliffiusoq tassaavoq nalunaaquttap akunneri 40-it.

Inissaqartitsineq:
Atorfimmut atatillugu inissaqartitsisoqarsinnaanngilaq. Qinnuteqartorlu Namminersorlutik Oqartussat ataani atorfeqarnermini inissaqartinneqareersimaguni sulisutut inissiaq tigummiinnarneqarsinnaavoq.

Paasissutissat annertunerusut
Atorfimmut tunngatillugu annertunerusumik paasisaqarusukkuit apeqqutissaqaruilluunni allaffimmi pisortamut Uiloq Mulvad Jessenimut, tlf. +299 34 51 68 imaluunniit irum@nanoq.gl paasiniaasinnaavutit.

Qinnuteqarfissap killinga
Qinnuteqaat kingusinnerpaamik uagutsinnut anngunneqareersimassaaq 11. februar 2021
Oqaloqatiginninnerit sapaatip akunnerata arfernganni pinissaa naatsorsuutigaarput.
Ulloq atorfiniffissaq tassaassaaq 01.03.2021 imaluunnit isumaqatigiissuteqareernikkut piaarnerpaamik.
Oqaloqatiginninnerit sapaatip akunnerata 7-ni pinissaa naatsorsuutigaarput.
pinerlussimannginnermut uppernarsaat soraarummeernermi uppernarsaatit il.il. assilineri ilanngullugit uunga nassiunneqassaaq: ”qinnuteqaat nassiuguk”.

Qinnuteqaatit mailikkut tigusinnaanngilagut.

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
World of Greenland
Ilulissat
World of Greenland
Ilulissat
World of Greenland
Ilulissat
World of Greenland
Ilulissat
World of Greenland
Ilulissat