sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Nunat aqqinik suliaqarnermi piffissami killilikkami siunnersorti ullup ilaannaani sulisartussaq

Namminersorlutik Oqartussat

Nuuk
Ikkunneqarpoq: 03-08-2020
Piffissaq atuuffissaa naassaaq: 25-08-2020
Suliffissamut ID normut: LJA-80785181
Atorfeqarnermi atugassarititaasut: Piffissaq ilaannaa
Suliassaqarfik: Ingeniøri & pinngortitalerineq

Oqaasileriffik Nuummiittoq piffissami killilikkami ullup ilaannaani sulisartussamik nunat aqqinik suliaqarnermut atatillugu siunnersortimik pissarsiorpoq.
Atorfik 1. september 2020-mit inuttalerneqassaaq. Atorfik piffissamik killilikkamik atorfiuvoq 1. september 2020-mit 31. december 2022-mut atuuttussaq.

Atorfik pillugu
Atorfik siunnersortitut atorfiuvoq, makkuninnga suliassaqarfiulluni:

  • Kalaallit Nunaata nunap assiliorneranut atatillugu suliniummi nunat aqqisa inississornerinut tunngasunik nalunaarsuineq aamma suliaqarneq, taamatullu nunat aqqisa allattorsimaffii assigiinngitsut misissuiffigissallugit suliaqarfigissallugit ineriartortissallugillu.
  • Nunatsinneersunik nunattalu avataaneersunik suliffeqarfinnik suleqateqarneq ulluinnarni ingerlasassaaq, tamatumunngalu atatillugu killiffimmik paasissutissiineq.

Piginnaasassat
  • Kalaallit piorsarsimassusaat oqaluttuarisaanerallu pillugit ilisimatusarnermut tunngasumik assingusumilluunniit bacheloritut ilinniagaqarsimanissaq ilinniartuunissarluunniit.
  • Kalaallit piorsarsimassusaat oqaluttuarisaanerallu aallaavigalugit suliaqarnermik misilittagaqarsimanissaq.
  • Nunat aqqinik soqutigisaqarnissaq.
  • Kalaallit oqaasiinik ilisimasaqarnissaq.
  • Ilisimatusarnermi misissueriaatsinik assigiinngitsunik misilittagaqarneq.
  • Oqaatsit: ilitsoqqussaralugit kalaallit oqaasii, danskisut tuluttullu.
  • Qarasaasiaq atorlugu nunalerissutit (GIS-programmit) MapInfo aamma ArcGIS ilisimasaqarfiginissaat, tamannali piumasaqaataanngilaq ilitsersuussutigineqarsinnaassammat.

Neqeroorutigisinnaavarput
  • Suliffeqarfik pissanganartoq suliassallu unammillernartut
  • Suliffik allanngorartuartoq suleqatillu pikkorissut
  • Suliffik suliat tungaasigut ineriartorfissaqarluartoq

Sulinermi piffissaq sapaatip-akunneranut nalunaaquttap akunneri 20-t.

Oqaasileriffik pillugu
Ilinniartitaanermut, Kultureqarnermut Ilageeqarnermullu Naalakkersuisoqarfiup ataaniippoq ilisimatusarnikkut ingerlatsiviulluni nammineq ingerlasoq, suliassat inatsisit kalaallit oqaasiinut tunngasut tunngavigalugit ingerlanneqarlutik. Annertunerusumik nittartakkami oqaasileriffik.gl-imi atuarit.

Paasissutissat annertunerusut
Atorfik pillugu annertunerusumik paasisaqarusuttut Oqaasileriffimmut saaffiginnissinnaapput, ukununnga:
Katti Frederiksen (katti@oqaasileriffik.gl, +299 38 40 66)
Arnaq B. Johansen (arnaq@oqaasileriffik.gl, +299 38 40 65)

Qinnuteqarnissamut killigititaq
Qinnuteqaat ilinniarsimanermut uppernarsaat CV-lu tiguneqareersimassapput: ataasinngornermi aggustip 24-at 2020.
?????

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia