Nuummi imeqarfimmi ingerlatsinermi suleqatissarsiorpugut

Immikkoortortaqarfimmi Nuummi imeqarfimmi ingerlatsinermi suleqatissarsiorpugut, suliamut teknikkikkut ilinniarsimasumik/misilittagalimmik atorfimmut pissanganartumut unamminartumullu. Imeqarnermut Pilersuivimmut eqimattani aqutsisuusumut atatinneqassaatit.

Pingaarnertut suliassatit ulluinnarni ingerlatsinermut, aserfallattaaliinermut aamma malittareqqusaasut ilitsersuutillu naapertorlugit, imeqarfinnut nakkutiginninnermik suliaqassaatit, kiisalu erngup aqqutaatigut misissuineq aserfallatsaaliinerlu, ventilhuse-nik atortunillu allanik imeqarfimmut atasunik nakkutilliineq.

Ilinniartinneqareeruit Distrikt Nuummi pigaartuunermut aaqqissuussaaneranut ilanngutsitaassaatit.

Piffissap ilaatigut aamma atorfissaqartinneqarsinnaavoq immikkoortortat akimorlugit sulinissaq.

Suleqatissatsinnik pissarsiorpugut, imatut piginnaanilimmik:

• Naleqquttumik suliamik/teknikkikkut ilinniarsimasoq, soorlu assersuutigalugu VVS, skibsmontør´i, maskinarbejder´i, imaluunniit elektriker´i
  
  
• Namminersorluni sulisinnaallunilu eqimattani sulisinnaasoq
  
  
• Isumassarseriataartartoq utaqqiinnarnani pilersitsiniallaqqissoq – periarfissanik takunnillaqqissoq killiliisut pinnagit
  
  
• Kalaallisut qallunaatullu allassinnaallunilu oqalussinnaavoq
  
  
• Qarasaasiamik atuisutut ilisimasaqalaarpoq
  
  
• Bilernermut allagartaqarpoq - minnerpaamik kategori B.

Neqeroorfigisinnaavatsigik:

• Atorfik pissanganartoq allanngorartorlu, suliassat tigussaasut naammassiniagassat aallaqqaataaniit naammassinissaannut suliaqaqataassaatit
  
  
• Sulinermik avatangiisit pisortatigoortuunngitsut, eqimattatut suleqatigiilluta
  
  
• Periarfissarippoq suliamut aamma inuttut inerisarnissamut

Akissaatitigut atorfinitsitaanermilu atugassarititat:
Akissarsianut atorfininnissamullu tunngasut isumaqatigiissut naapertuuttoq malillugu ingerlanneqassaaq.

Qaammatit pingasut misilitsiffiussapput.

Atorfimmut atatinneqartumik inissaqartitaasoqanngilaq. Atorfiit aqqutigalugu inissaqartitaareeruit Namminersornerusut aqqutigalugit taava pisinnaatitaaffittut atatiinnarneqassaaq.

Taannaavit ujartugarput?

Taava qinnuteqaatit ”atorfik qinnutigiuk” aqqutigalugu sukkanerpaamik qinnuteqarit. Oqaloqatigiinnissamut ingerlaavartumik qaaqqusisoqartassaaq.

Atorfiup imarisaannut atuuffiinullu apeqqutissaqaruit, taava eqimattanut aqutsisoq Hussein Ghobeishi mhg@nukissiorfiit.gl allaffigisinnaavat imaluunniit oqarasuaatikkut saaffigalugu oqarasuaammut +299 34 22 71 imaluunniit uunga: 55 74 07.

Akissarsianut atorfininnissamullu naliginnarmik tunngasutigut apeqqutissaqaruit taava nassiunneqarsinnaapput mail`ikkut uunga: hr@nukissiorfiit.gl

Nukissiorfiit pillugu

Nukissiorfiit Kalaallit NunaatNukissiorfiit Kalaallit Nunaat tamakkerlugu innaallagissamik, imermik aamma kiassarnermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput sapinngisamik anginerpaamik ataavartumik nukissiornissaq. Nukissiorfinni sulisut 400 tamarmik killiliussanik pitsaasunik atugaqarnissaanik pilersitsineq iluatsilluarparput. Tamanna pillugu anner-tunerusumik atuarit uani www.nukissiorfiit.gl.