Nuummi Innuttaasunut Kiffartuussivimmi siunnersortimik suleqatissarsiorpugut / Konsulent til Borgerservice i Nuuk

Kommuneqarfik Sermersooq

Nuuk

Ikkunneqarpoq: 11-12-2024

Piffissaq atuuffissaa naassaaq: 01-01-2025

Suliffissamut ID normut: 331601397

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: Konsulent

Misilittakkat - Annertunerusumik: Samarbejde, Selvstændig, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Innuttaasunik kiffartuussillaqqippit? Innuttaasut tungaanniit isiginnissinnaavit taamaaliornikkullu kiffartuussinermik pitsanngorsaaqataallutit? Immaqa illit tassaavutit suleqatissaq ujartugarput.

Uagut pilluta:

Suliffeqarfimmi Kiffartuussivik ingerlatsiviuvoq Nuummi inissisimasoq, nunap immikkoortuani tamavinnut ingerlatsivittullu agguataakkanik tamaginnik suliassaqarfinnut assigiinngitsunut ingerlatsilluni. Tamanut Kiffartuussiviup iluaniipput HR & Attaveqaqatigiinneq, Aningaasaqarnermut immikkoortortaqarfik, Sulisunik Kiffartuussivik, IT, Inuussutissarsiornermut immikkoortortaqarfik kiisalu Stabi Innuttaasunik kiffartuussivillu. Nuummi Innuttaasunik Kiffartuussivimmi innuttaasunut sullissisut sulisut arfiniliupput, ilinniartullu marluk kiisalu oqarasuaatinik nuutitsisartut marluk.

Akisussaaffiit:

Innuttaasunik sullissineq Kommuneqarfik Sermersuumi suliat pingaanersaraat, innuttaasunut tunngatillugu aammali suliffeqarfissuup iluani tamarmi. Suliassaqarfik taanna annertuumik malinnaavigineqarpoq, innuttaasut pitsaasumik eqqortumillu sullinneqarnerat kommunip kiffartuussineratut pingaarnertut isigineqarluni. Akisussaaffeqarfik siammasissorujussuuvoq – katittussat pillugit suliamik ingerlatsinermiit arfernik pisassiissutinik tunniussineq ilanngullugu. Sulisumit suliassaqarfippassuit ilisimasaqarfigineqassapput, ulluinnarnilu sulinermi inatsisit maleruagassallu atorlugit suliamik ingerlatsisinnaaneq.

Illit:

·Allaffissornermik/allaffeqarfimmi sulisimanermik tunuliaqutaqarputit

·Inoqatitit ajunngitsussarsiorfigaatit inussiarnersuullutillu

·Aaqqissuussillaqqissuuvutit tamakkiisumik isiginnittaaseqartoq suliassallu akornanni pingaarnersiuisinnaallutit

·Inuit imminnut sullissinnaanerannut aaqqissuussanik misilittagaqarputit imaluunniit soqutiginittuuvutit

·Kalaallisut, qallunaatut tuluttullu oqallorissuuvutit allannermullu piginnaaneqarluarlutit

·Ulapaarfinnilu eqqissisimallutit sulisinnaallutit

Neqeroorutigaavut:

·Suliamut tunngasumik ineriartornissamut periarfissat pitsaasut

·Suliassat tamatigoortut

·Immikkoortortaqarfimmi ineriartortitsinermik ukkassineq

·Akisussaaffeqarfigisat iluanni suliassanik namminerisamik naammassinninneq

·Suleqatit pitsaasut soqutiginnittullu

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Laila Egede Ignatiussen, oqarasuaat +299 36 71 94 imaluunniit e-mail: laei@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1261-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.