Nuummi Uuttortaasarnermik aamma Nukissalimmi suliassaqarfimmut suleqatigiinni aqutsisumik

Uuttortaasarnermik teknikkikkut iluarsiissutini aamma qarasaasiakkut toqqammavinni suliassaqarfiit killingi qaangerlugit aqutsinissamut aamma sunniuteqarluartumik ingerlatsinissamut piareeqqavit? Nuummi uuttortaasarnermik immikkoortoqarfitsinni siuttuusussamik, kiisalu Nukissalimmik suliassaqarfiup ineriartortinneranut ingerlanneranullu isumaginnittussamik suleqatigiinni aqutsisumik misilittagalimmik, aamma suliassanik imminut najoqqutassaqartitsisumik inuttassarsiuivugut. Sulisut marluk pisortatut akisussaaffigissavatit, aammalu ingerlatsinermik pitsaanerpaamik, kukkussutinik ujaasinermik, aamma kiffartuussinikkut pilersuinermik qularnaarissaatit.

Atorfik pillugu

Suleqatigiinni aqutsisutut akisussaaffigisatut suliassaqarfiit pingaarnerit makku isumagisassavatit:

Aqutsineq aamma ataqatigiissaarineq:

• Sulianut tunngasunik aqutsineq, aamma Uuttortaasarnermik immikkoortoqarfimmi sulisunik, aamma Nukissalimmi suleqatigiinnik suleqateqartarnerit
• Suliassanik ulluni suliffiusuni ataqatigiissaarinermut akisussaaffeqarneq, kiisalu immikkoortoqarfiit akornanni sunniuteqarluartutut suleqatigiinnerup qularnaarnera
• Uuttuutinik ivertitikkanut, aamma qarasaasiaq aqqutigalugu kiffartuussinernut ingerlattakkanik uppernarsaanerit aamma pitsaanerpaanngorsaanerit

Teknikkikkut allaffissornikkullu suliassat:

• Immikkoortoqarfimmi suleqatinik, kiisalu qullersaqarfimmi uuttortaasarnermut sulisuusunik suleqateqarluni innaallagissamut uuttortaatinik ivertiterinerit aserfallatsaaliuinerillu, kiisalu imermut kiassarnermullu uuttortaatinik tunniussaqarnerit aamma attaviliinerit.
• Aaqqiissutaasuni kukkunernik ujaasinerit, takusaalluni nalunaarsimasanik misissuiartortarnerit, aamma uuttortaatini paasissutissanik uppernarsaasarnerit
• Nukissalik-app’ip softwareanik, aamma firmwareanik nakkutilliinerit, aamma nutaanik ilalersuisarnerit
• Atuisartunik suleqatinillu suleqateqarluni sarfamik orsersuisarfinni kukkunernik ujaasinerit aamma malitseqartitsisarnerit
• Ungasianit atuaasarfiit pitsaanerpaanngorsarneri, kiisalu uuttortaatinik sarfanillu orsersuisarfinnik inniminniinerit, aamma toqqartaatinik aqutsinerit
• Sulianik isumaginnittarnerit, aamma uuttortaatini ajoqutilinni imaluunniit amigaataasuni atuinernik missiliuisarnerit

Illit pillutit

Innaallagisserisutut, maskinmesteritut, el-installatøritut assingusutulluunniit attuumassutilittut sulianut tunngasunik tunngaveqarnissat, aammalu aqutsinermik aamma teknikkikkut iluarsiissutinik namminersuutigisannik suliaqarnermik sungiussisimanissat naatsorsuutigaarput.

Piginnaasaqarfitit:

• Suleqatigiinnik aamma suliniutinik aqutsinermik aamma ataqatigiissaarinermik misilittagaqartoq
• Innaallagissamut ivertitikkanik, aamma atuisartut inissisimaffianni IT-mik aaqqiissutinik ilisimasaqartoq
• Teknikkimi kukkussutinik ujaasinermik aamma pitsaanerpaanngorsaanermik piginnaasaqartoq
• Kiffartuusserusussuseqartoq, aammalu atuisartut suleqatillu peqatigalugit suleqatiginnillaqqissoq
• Biilersinnaanermut allagartaqarneq, ajornanngippallu sarfamik sakkukitsumik radiukkullu attaveqaqatigiittarnermik misilittagaqarnissaq iluaqutaassapput

Inuttut piginnaasat:

• Imminut najoqqutassaqartitsisoq aamma sulissanik tikitaqarniarnermini anguniagalik
• Iliuuseqartuuniartoq, ulluni ulapaarfiusuni ataatsimut isiginniffimmik attassisinnaasoq
• Kiffartuussilluarusuttoq, aamma ilorraap tungaanut attaveqarfinnik pilersitserusuttoq
• Misissueqqissaarillaqqissoq, aamma paasissutissanik isumaginnillaqqissoq

Aningaasarsianut atorfinitsitaanermullu pissutsit

Aningaasarsianut atorfinitsitaanermullu pissutsit Namminersorlutik Oqartussat aamma attuumassutilittut sulisartut kattuffiata akornanni isumaqatigiissut atuuttoq najoqqutaralugu atugaassapput.

Sulinerup nalaa piffissami tamarmiusumiippoq, atorfinitsitaanerlu isumaqatigiissuteqarneq malillugu pissaaq.

Atorfimmut sulisunut inissiamik innersuussisoqarsinnaanngilaq, Namminersorlutik Oqartussalli aqqutigalugit sulisunut inissiamik peqareeruit taanna pigiinnarsinnaassavat.

Tassaavit suleqat ujagarput?

Taava piaarnerpaamik ”Atorfik una qinnuteqarfigiuk” aqqutigalugu qinnuteqaatit nassiuguk. Oqaloqatiginnittarnissanut qaaqqusinerit ingerlattuarnissaat naatsorsuutigineqarpoq.

Atorfiup imaanut aamma atuuffianut apeqqutissaqaruit attavigissavat Teknikkimut tunngasunut pisortaaneq Filip Sivertsen, uani: fsi@nukissiorfiit.gl imaluunniit oqarasuaatikkut saaffiginninnikkut uani: +299 342272.

Aningaasarsianut aamma atorfinitsitaanermut atugassarisat pillugit apeqqutit nalinginnaat uunga nassiunneqarsinnaapput: hr@nukissiorfiit.gl

Tusarfiginissat qilanaaraarput, aammalu suleqatigiitsinni pimoorussillutillu kiffartuusserusuttuni suleqatigiinni pisortatut tikilluaqqunissat qilanaaralutigu.

Nukissiorfiit pillugit

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.