Oqalutsi/nutserisoq

Avannaata Kommunia nutserisumik/oqalutsimik ilinniarsimasumik sulisussarsiorpoq 01.02.2025 aallarnerfigalugu imaluunniit isumaqatigiissuteqarnikkut atorfinittussamik.

Avannaata Kommuniani nutserisoqarfik marlunnik nutserisoqarpoq, nutserisumilli ataatsimik atorfinititsinissaq eqqarsaatigalugu atorfik inuttassarsiuunneqarpoq. Atorfik Ilulissani inissisimavoq, nalinginnaasumik suliffiusartut avataatigut sulisarnissaq naatsorsuutigineqassaaq.

Nutserisup qaninnertut qullersarissavaa oqaluttaaneq:Najannguaq H. Petersen

Suliassat akisussaaffiillu:

-Nutsigassanik takkussuuttunik atortulersuutit atorlugit nutserineq

-Oqalutseqarnissaminnik inniminniisunut oqaluttaaneq

-Ataatsimiititaliat ataavartut Kommunalbestyrelsillu ataatsimiinerinni toqqaannartumik oqaluttaaneq

-Suleqatit allat suliaasa pitsaassusaanik isumannaarinninneq

Suliassatigut piginnaasat:

-Nutserisutut/oqalutsitut ilinniarsimasuunissaq

-Politikkikkut aqunneqartumi suliffimmi misilittagaqarnissaq imaluunniit ilikkajasuunissaq

-Nutserinermut atortulersuutinik ilisimasaqarneq imaluunniit ilikkarusussuseqarneq

-Eqqarsartaatsikkut nukittuujunissaq

Inuttut piginnaasat:

-Akisussaassuseqartoq

-Suleqatikkuminartoq

-Sassarsinnaasoq

-Tunniusimasoq

-Aalajaatsoq

Akissaatit atorfeqartitaanermullu atugassarititaasut:

Atorfininnermi atugassarititaasut Naalakkersuisut SIK-lu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inimik inissaqartitsisoqarsinnaavoq.

Atorfinitsitsinissamut atatillugu oqaloqatiginninnerit Teams-ikkut ingerlanneqassapput.

Attaveqarfissaq:

Atorfimmut paasissutissat sukumiinerusut oqaluttaaneq Najannguaq H. Petersen saaffigalugu pissarsiarineqarsinnaapput mailerlutit uunga: nape@avannaata.gl imaluunniit uunga sianerlutit: 387608

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik ulloq 24.01.2025 nassiunneqassapput Avannaata Kommuniata nittartagaa: Avannaata.gl/ledige-stillinger iserfigalugu.