sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Oqarasuaat Tusaannga atorlugu siunnersuisartoq

Namminersorlutik Oqartussat

Nuuk
Ikkunneqarpoq: 21-10-2021
Piffissaq atuuffissaa naassaaq: 11-11-2021
Suliffissamut ID normut: LJA-82851544
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Tusarnaallaqqissuuit aamma nuna tamakkerlugu innuttaasut atugarliortut inuunerannik allannguerusussuseqarpit?

Tusaannga oqarasuaatikkut smsilu atorlugu marlunnik siunnersuisussarsiorpoq. Illit siunnersuisarsutut innuttaasut siunnersorneqarnissaminnik, aqqutissiuunneqarnissaminnik aamma oqaloqatigiineq atorlugu tapersersorneqarnissaminnik pisariaqartitsineranni pisariaqartitat takkaua pingaarnertut suliassarissavatit.

Tusaannga Kalaallit Nunaanni sinnersuinermik neqeroorutaavoq, nunamit tamarmit meeqqat inuusuttuaqqat inersimasullu oqarasuaatip normuanut 801180-mit aamma sms-imut 1899-imut smserlutik siunnersortissinnaapput.
Tusaannga innuttaasunut ajornartorsiutit pillugit oqaloqateqarnissaminnik pisariaqartitsisunut, namminneq qanigisaminni imaluunniit najukkaminni ikiorneqarsinnaanngitsutut misigisimasunut neqeroorutaavoq.
Ajornartorsiutit sammineqartussat amerlasoorujussuusinnaapput. Taamaattumik illit siunnersuisutut misiginneqatiginnissinnaanerit allamullu saariataarsinnaanerit piareersimaffigisassagit pingaaruteqarput. Siunnersuinermik, tapersersuilluni oqaloqarnermik kiislau oqaloqatiginneriaatsinik misilittagaqarnissaq iluaqutaassaaq. Inuup sanianut igilluta ilinniartitsisarneq atugaraarput aamma piginnaanngorsaalluni pikkorissarnerit ingerlaavartumik neqeroorutigineqassapput.

Tusaannga Isumaginninnermut Aqutsisoqarfiup ataaniippoq aamma innuttaasunik toqqaananrtumk sullissiviup ataani inissisimatinneqarluni.

Oqarasuaat atorlugu siunnersuisartutut illit makkua ilaatigut piginnaasaqarfigissavatit:

  • Suleqatitit suleqatigalugit oqarasuaatigut aamma sms-imik atortulersuutaativut atorlugit sullississaatit.
  • Meeqqat/ inuusuttut inersimasullu siammasissumik ajornartorsiuteqartut tusarnaarlugillu tapersersortassavatit. Qulequttat makkua assersuutaasinnaapput: persuttaaneq, inooqatigiinnermi ajornartorsiuteqarnerit, kiserliorneq, imminut toqunnissamik eqqarsaatit aamma siorassaarutit, kinguaassiutitigut kanngutsaattuliorfigitinnerit il.il.
  • Innuttaasut namminneq ajornartorsiutiminnit iliuuseqarnissaannut siunnersorlugillu kajugissaassavatit.
  • Suliniutip ingerlanneqarnerani suliassat assigiinngitsut suliarisassavatit.

Illit imaattuusutut ujarpatsigit:
  • Inuit ajornartorsiutaanik – angisuunik mikisunillu – suliaqarnissamut kajungissuseqartutit.
  • Innuttaasut artorsaateqartut allannguiffigerusuppikkitit.
  • Tusarnaallaqqissutit aamma inuit oqaloqatigissallugit nuannarigit.
  • Piffissakilliorluni pitsaasumik naliliisinnaasutit aamma iliuuseqarsinnaasutit.
  • Aalajaatsuusutit aamma sivisunerusumik atorfimmi sulinissat illit takorloorit.
  • Suleqatigiit iluanni nukittuumik suleqataasartutit.
  • Aaqqissuussaasumik akisussaassuseqartumillu inuuneqartutit, perugasumik aamma mattusuujusutit.
  • Teknikkikkut piginnaasaqarluartutit.
  • Peqqissaanermik, perorsaanermik inunnilluunniit isumaginninnermik ilinniagaqartutit. Assigusumik misilittagaqarneq ilinniarsimanermik piumasaqaatinut taasersiunneqarsinnaavoq.
  • Oqaatsit marluk atorlugit oqalussinnaasutit danskisut/ kalaallisut. Tunumiut oqaasiinik oqalussinnaanerit iluaqutaassaaq.
  • Pinerliisimannginnermut/ meeqqanik pinerliisimannginnermut uppernarsaateqartutit.
  • Nuummi najugaqartutit.

Suliffik imaattoq ilinnut neqeroorutigisinnaavarput:
  • Isumaqarluartoq aamma allannguiguit ilinnut tunniussisoq.
  • Akisussaaffimmik angisuumik tunineqassaatit.
  • Piffissaq suliffiusartoq nikerartoq.
  • Suleqatigiit suliaminnut kajungissuseqartut suleqataaffigilissavatit.
  • Piffissaq suliffiusartoq eqaatsumik aaqqiivigineqarsinnaasoq.
 
Atorfik piffissaq tamaat atorlugu suliffigineqassaaq (nalunaaquttap akunneri 40-t sapaatip akunneranut sulisoqartassaaq) aamma piffissaq suliffik ulluinarni sapaatillu akunnerata naanerani ullukkut, unnukkut, unnuakkullu nikerartumik pisassaaq. Atorfik 1/12 isumaqatigiissuteqarnikulluunniit inuttalerneqarusuppoq.

Tusaannga aamma atorfiit pillugit itinerusumik paasisaqarusukkuit Mette Lange-Nielsen-imut oqarasuaat +299 346023-mut mailerluunniit: mlan@nanoq.gl imaluuniit Ellen Johansson-imut oqarasuaat +299 346010-mut mailerluuniit eljo@nanoq.gl attavigalugit pissarsiarisinnaavatit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfinitsinneqarnissaq sioqqullugu pinerliisimannginnermut aamma meeqqanik pinerliisimannginnermut uppernarsaatit pissarsiarineqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Naalakkersuisut pillugit

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq.
Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia