sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Overassistent til Majoriaq i Sisimiut

Qeqqata

Ikkunneqarpoq: 22-01-2020
Piffissaq atuuffissaa naassaaq: 31-01-2020
Suliffissamut ID normut: LJA-79017420
Atorfeqarnermi atugassarititaasut: Tamakkiisoq
Suliassaqarfik: Pisortani allaffissornikkut aqutsineq

Suliassat akisussaaffillu:

·         Suliassanik suleqati,imut agguaanerit.

·         Sulinngiffeqarallarniutissat, napparsimanersiutit pikkorissarnersiutisiassallu pillugit qinnuteqaatinik suliaqarneq

·         Sulianut attuumassutilinnut sullissisunut Majoriaq-mut saaffiginninnermi innersuussigallartarneq, kiisalu qarasaasiat atorlugit inunnut paasissutissanik nalunaarsuineq

·         Suliffissarsiuussisarfimmut suleqatigiinnut tamanut peqataaneq

·         Innersuussinermik siullermeersumik ingerlatsineq, kiisalu innuttaasunut paasissutissatut atortunik agguaassineq aamma ilinniarfissat, pikkorissarfissat suliffissallu pillugit ujaasinerit pillugit nalinginnaasumik paasissutissiisarneq

·         Ilinniagaqaleqqinnissamik qinnuteqaatinik tigooqqaaneq qarasaasiallu atorlugit nalunaarsuineq, pappiaqqanillu aqqutissiuussisumut ingerlatitseqqiineq

·         Allaffissornermi suliassat nalinginnaasut

·         Suliffissaaleqisunik nalunaarsuineq

 

Majoriaq aaqqissuussaanikkut suliffeqarfiuvoq, aaqqissuussaanikkut inuussutissarsiorfinnut ilinniarfissanik suliaqartoq, suliffissarsiuussisarfiup iliuusissatut pilersaarutai ataasiakkaat, sulisut piginnaasaannik ineriartortitsineq kiisalu kommunip aqqutissiuussisoralugulu ilisarititsisarnermik suliniuteqarfiusoq.

Suliffeqanngitsunut aammalu sulereersunut Majoriaq aqqutissiuussinermik, ilinniaqqinnermi- kingornalu aamma piginnaanngorsaqqinnissamut periarfissanik neqerooruteqartarpoq, taamaalilluni suliffimmiiginnarnissaq qulakkeerneqassalluni. Majoriaq sumiiffinni inuussutissarsiutinut ilinniarfinnik sulianik ingerlataqarpoq kiisalu sumiiffimmi ilinniarfissanik ilisarititsinernillu suliaqarluni. Majoriaq sumiiffinni, nunap ilaani aammalu nuna tamakkerlugu inuussutissarsiorfiit sulisinnaasunik piukkunnaatilinnik tamakkiisumik peqartuarnissaa qulakkiissavaa, taamaalilluni qaninnerusoq ungasinnerusorlu isigalugit inuussutissarsiorfiit sapinngisamik isiginiarneqassallutik.

 

Naatsorsuutigaarput:

·         allaffissornikkut ilinniagaqarsimasuusutit

·         aalajaatsuusutit suleqatiginnikkumasuusutillu

·         sullitanut suugaluartunulluunniit sullissillaqqissuusutit

·         Qarasaasiamik, minnerpaamik naammaginartumik qaffasissusilimmik atuisinnaasuusutit

·         suliassatigut eqaatsumik suleriaaseqartuusutit

·         kalaallisut ajornanngippallu qallunaatut oqalussinnaallutillu allassinnaassaatit, kingullerli piumasaqaataanngilaq

Akissarsiatigut atorfinitsitaanermilu atugassarititaasut

Akissarsiat atorfinitsitaanermilu atugassarititaasut atorfininnerup nalaani Naalakkersuisut aamma SIK akornanni isumaqatigiissutit atuuttut malillugit iluarsineqassapput.

Pinerliisimannginnermut uppernarsaat: Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Inissaqartitsisoqanngilaq.

 

Atorfinitsitsineq pissaaq 1. februar 2020-imi imaluunniit isumaqatigiinnikkut.

Atorfik pillugu paasissutissat sukumiinerusut Afdelings lederimut Frederik Kreutzmann-imut, oqarasuaat (+299) 86 71 60, e-mail: frkr@qeqqata.gl saaffiginninnikkut pissarsiarineqarsinnaapput.

Qinnuteqaat soraarummeersimanermut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 

31. januar 2020 -imi

Qinnuteqaat uunga nassiunneqassaaq:

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Web: www.qeqqata.gl

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Kommune Kujalleq
Narsaq
Qeqqata Kommunika
Maniitsoq
Avannaata Kommunia