Paamiuni Angerlarsimaffeqanngitsunut Unnuisarfimmut najugaqarnissamik sungiusarfimmut aqutsisumik

Suliffeqarnermut Isumaginninnermullu Ingerlatsivik, Inunnik isumaginninnermi sullissivimmi Angerlarsimaffeqanngitsunut unnuisarfimmut Aqutsisumik pissarsiorpoq 01. februaari 2025 isumaqatigiissuteqarnikkulluunniit atorfinittussamik.

Unnuisarfik pillugu:

Ajornartoornermi Unnuisarfik Paamiut angerlarsimaffeqanngitsunut unnuisarfiuvoq arlalinnik inissaateqarluni unnuisarfimmi.

Ajornartoornermi Unnuisarfik unnuinissamut ammartarpoq nal: 15-miit nal: 09:00 ullaap tungaanut. Angerlarsimaffeqanngitsunut unnuisarfimmi inissat atorneqarsinnaapput siulliullutik takkuttunit, kingorna atuisut qaammatikkuutaartumik isumaqatigiissuteqarfigineqartarput, taakkua ulluinnarni inuunerannut naapertuuttunik, taassuma ataani immikkut ullukkut, unnukkut imaluunniit unnuakkut suliffeqarneq imaluunniit ilinniakkamik ingerlatsineq eqqarsaatigineqarsinnaavoq. Atuisut angerlarsimaffeqanngitsunut unnuisarfimmi sulisunik oqaloqateqarsinnaapput atuisutut isumaqatigiissutiminnik naleqqussaasinnaajumaarlutik, inuunermi atugassarititaasut allannguuteqarsimassagaluarpata.Unnuinermi errortanik oqorutit qaliinik allarutinik ullaakkorsiutinik unnukkorsiutinillu annikitsunik, kaffe tiinillu neqeroortoqartarpoq. Atuisut errorsisarfimmik, uffarfimmik, iggavimmik, isersimaartarfimmik tv-limmik atuisinnaapput pisariaqartitsinermilu sulisunik oqaloqateqarsinnaallutik.

Suliassaqartitsinermut ilaasumik atuisut ullaakkut eqqiaaqataasassapput oqorutillu qalii siniffinniit peerneqartassallutik.

Atorfik pillugu:

Angerlarsimaffeqanngitsut Unnuisarfianni aamma Najugaqarnissamik Sungiusarfimmi Aqutsisutut pingaarnertut atuisunut tunngasunik suliaqarneq, angerlarsimaffeqanngitsut unnuisarfianni sulisut allat suleqatigalugit ataavartumik ingerlatsinermik qulakkeerinninnissaq, Kialaarfimmi sulisunut atuisunullu tunngasunik suliaqarneq, ulluinnarni sulisut suliassaat ingerlanissaannut akisussaaffigissavat tapersersuillutillu. Qulakkiissavat suleqatigiit sulianik ilisimasaqarneq tamakkiisumillu isiginninneq aqqutigalugu innuttaasunik sullissineq inernera pitsaasuunissaa. Saniatugullu qitiusumik suleqatinut maligassiuisuussaatit suliffiup pitsaasuunissaanut, sulisut sulianik ilisimasaqarnerunissaat siuarsarniarlugit.

Suliassaqarfiit:

·Aqutsineq aaqqissuussinerlu:

Angerlarsimaffeqanngitsut Unnuisarfianni sulisoq aamma gadeteam-mi sulisoq suliassai sakkussaalu tamakkiisumik suliassaqarfinni aaqqissuullugit aqutsisuussaatit sunniuteqartumillu qulakkiissallugit, pingaartumik sulisunik aqutsineq, pilersaarusiorneq aamma suliat pitsaassusissaata allaaserineqarnera, illup iluani malittarisassat ingerlalluarnissai qulakkeerlugit.

·Pitsaanermik nakkutilliineq aamma avitseqatigiinneq:

Angerlarsimaffeqanngitsut Unnuisarfianni sulisumut aamma gadeteam-mi sulisumut tapersersuinikkut avitseqatigiinneq siunnersuisarnerlu ingerlanneqartassaaq innuttaasunut pitsaasumik sullissinerup inernera pitsaasuunissaa anguniarlugu.

·Attaveqatigiinneq suleqatigiinnerlu:

Immikkoortortaqarfinni allani aqutsineq aamma suleqatigiinnermut tunngatillugu immikkoortortaqarfimmi sulisoqarnermut ataatsimoorussami innuttaasunullu attaveqarluarnissaq qulakkeerneqassaaq. Aqutsisutullu ersarissuunissaq pingaartinneqassalluni.

·Suliassanik malinnaaneq aamma nalunaarusiorneq:

Angerlarsimaffeqanngitsut unnuisarfianni sulisut suliassaqarfinni misissuinermut qaammarsagaanermut aqutsineq nalunaarusiorneq ilanngullugu naammassiniartussaavat.

Pisariaqartitsineq naapertorlugu suliffiit allanngorarsinnaapput naliginnaasumilli ulluinnarni nal. 08.00 – 16.00 suliffigineqartassallutik.

Sulianut tunngasutigut piginnaasat:

·Peqqinnissamut, perorsaanermik imaluunniit isumaginninnermut attuumassutilimmik tunngaviusumik immaqa ilinniagaqarsimavutit. Immaqa allatorluinnaq ilinniagaqartuuvutit kisianni ingerlatsinermi suliaqarnermi namminersorlutit sulisinnaassuseqarlutit.

·Innuttaasunik atugarliortunik sullissinermik misilittagaqaruit pitsaassaaq.

·Aqutsinermi misilittagaqaruit pitsaassaaq. Pingaaruteqarpoq aqutsisutut killiliisinnaassuseqarnissaq suliat pitsaasut naammassineqarnissaat anguniarlugit.

·Aaqqissuussaanikkut suliaqarnermik paasisimasaqarputit.

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

·Outlookimik Wordimillu misilittagaqartutit.

·Get Organized-imik misilittagaqartutit

Naatsorsuutigaarput illit Inuttut:

Tunngaviusumik allaanerussuteqarneq ataatsimoornerlu nukittut isigissagitit

·Pitsaasumik allannguerusuttuusutit

·Aaqqissuussaaneq ataqatigiissaarinerlu nuannarigitit

·Arlalinnik suliaqarlutit nuannarissagit

·Paasisaqarusussuseqartutit, alapernaatsuutit allallu isiginnittaasiinut akuerinnittuusutit

·Avammut sammisuusutit aamma kiffartuussiumatusutit

·Torersuusutit

·Aaqqiissutissarsiorsinnaasutit

·Namminersorlutit sulisinnaasutit

·Suleqataalluarsinnaasutit

Ingerlatsivik pillugu:

Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqarsoraagut. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilerpugut. Pikkorissunik sulisoqassagaanni sulianut tunngasut oqaluuserineqarsinnaasariaqartut upperaarput!

Angerlarsimaffeqanngitsut unnuisarfianni Gadeteam-imilu suleqatigiittut ataatsimoortumik naleqartitaqarpugut, ataqatigiittumik pissuseqarpugut suliffittalu avataaniit isigineqarnera pingaartillugu:

Naleqartitat:

Akisussaassuseqarpugut, Attaveqaqatigiilluartarpugut, tunniusimasuuvuguut, ataqqeqatigiippugut toqqissisimasuullutalu.

Ataqatigiittumik pissuseqarneq: Attaveqaqatigiilluartuuvugut, ataqqinnittuuvugut, suliffitsialaavugut killiliisinnaallutalu.

Suliffitta avataaniit isigineqarnera: Sulisutut sulivugut, Kivitsisuuvugut maligassiuisuullutalu.

Alapernaannerulersimaguit:

Kommunip nittartagaani suliat allaaserineqarnerini suliatsinnut malittarisassat pillugit atuarsinnaavatit, aammattaaq allanik apeqqutissaqaruit attaveqarfiginissatsinnut tikilluaqqusaavutit.

Illiuguit eqqortunik naleqartitalik, sulilu misilittakkanik amigaateqarlutit tusarfiginissat aamma soqutigaarput. Atorfiup tulluarsarnissaanut periarfissaqarpoq, taamaalillutit suliassat ilaannik sulilerniassagavit inerisarfigalugillu.

Tusarfiginissat qilanaaraarput.

Ilinnut neqeroorutigisinnaavagut:

·Atorfik suliassanik unammillernartulik ineriartornissamut periarfissaqarluartoq namminerlu suliassanik sunniuteqarfigisinnaasaq.

·Innuttaasup pisariaqartitai malillugit atuisunik ikorfartuinermik, patajaallisaanermik suliaqartitsinermillu imalimmik sulineq.

·Pikkorissarnermut, ilinniaqqinnermut supervisionertittarnissamullu periarfissat

·Angerlarsimaffeqanngitsut Unnuisarfianni Gadeteam-imilu sulisunut ataatsimut naleqartitaqarpugut pingaartillugillu.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:
Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortaqarfimmi Ataqatigiissaarisoq Najannguaq Rosing, oqarasuaat +299 36 76 03 imaluunniit e-mail: nari@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 173-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.