sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Paamiuni Imarsiornermik Ilinniarfimmut pedel-inik

Namminersorlutik Oqartussat

Nuuk
Ikkunneqarpoq: 13-08-2019
Piffissaq atuuffissaa naassaaq: 12-09-2019
Suliffissamut ID normut: LJA-74785149
Atorfeqarnermi atugassarititaasut: Tamakkiisoq
Suliassaqarfik: Pisiniarfik & sullissineq

Paamiuni Imarsiornermik Ilinniarfik ilinniarfimmut kollegianullu pedelinik marlunnik pissarsiorpoq.
 
Suliassassi pingaarnersaraat illuutigisat iluisa, silataasa aserfallatsaaliornissaat aammalu illuutigisat eqqaaniittut. Assersuutigalugu aputaajaasoqarsinnaavoq, illup qaavani iluarsaassineq, qalipaaneq il.il. Taakkualu saniatigut ilinniarfimmi aammalu kollegiani ulluinnarni suliassiissutit annikitsut imaluunniit annertuut ikiutaaffigisinnaavasi. Allatut oqaatigalugu, ilissi isumagisussaavasi suut tamarmik ajornatillu kusanartuunissaat.
 
Taakkualu saniatigut naatsorsuutigineqassaaq, suliffiup nalinginnaasup avataani kollegiani sulisarnissaq.
 
Suliassiissutigineqartut ilaat nammineq suliarisinnaavasi, allalli immikkut ilisimasaqartunut suliarineqassallutik, assersuutigalugu illuutitsinni innaalligissiornermut suliaqarneq. Avataaneersunit sulisoqartillugu, isumagiuaannassavarsi taakkua suliaqarnerat, tassanimi suliartik iluameersumik suliarineraat nakkutigissagassiuk. Suliassiissutit suliarineqarnerini aqutsisut aamma sulisut suleqatigiissapput. Ilin-niartutsinnut iluaqutaasumik.
Atorfiniffik 15. september 2019 imaluunniit isumaqatigiissuteqarneq naapertorlugu.
 
Annertunerusumik paasissutissat
 
Maani pedelissatut imminut isigivit, atorfimmullu tunngatillugu paasisaqarnerorusullutik, taava tikilluaqqusaavutit attavigisinnaagit ilinniartitaanermut Pisortaq Bent R. Olsesen, oqarasuaat 34 87 87 / 56 27 30 mail bent@maritim.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia