sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Paarisa konsulentissarsiorpoq, akimortumik sammisunik suliniutinik ineriartortitseqqiinissamut, meeqqat inuusuttuaqqallu inuunerinnissaat pillugu siuarsaanissamut pisortassarsiorpoq

Namminersorlutik Oqartussat

Nuuk
Ikkunneqarpoq: 17-05-2022
Piffissaq atuuffissaa naassaaq: 06-06-2022
Suliffissamut ID normut: LJA-83621367
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Meeqqat- inuusuttuaqqallu inuunerinnerunissaat anguniarlugu suliniutit ineriartorteqqinneqarnissaat atuutitsilernissarlu pillugit siuarsaaqataarusuppit? Suleqatigiinni tunniutisimalluartuni peqataanissannut piumassuseqarpit? Ineriartuutaasumik suleriaatsinik aqqutissiuinissaq nuannaraajuk aamma suliassanut nutaanut misiliinissannut piareersimavit? Taava illit ujartorpatsigit!

Meeqqat ukioqanngitsuniit 18-it tikillugit ukiulinnut tunngasumik suliniut
Meeqqat ukioqanngitsuniit 18-it tikillugit ukiulinnut - akimortumik suleriuuseqarluni suliniut suleqatigiiffiuvoq, Isumaginninnermut Aqutsisoqarfik, Ilinniartitaanermut Aqutsisoqarfik kiisalu Peqqinnissaq kiisalu pinaveersaartitsineq pillugu Aqutsisoqarfik akunnerminni suleqatigiiffiuvoq. Anguniakkatullu pingaarneq tassaavoq, Kalaallit Nunaanni meeqqat tamarmik ineriartuutaasumik  inuunerinnermillu inuuneqarnissaat anguniassallugu. Suliniummi pimoorullugu anguniarneqarpoq, akimortumik suleqatigiiffinnik suleqatigiinnerup ataqatigiissarneqarnissaa kiisalu siusinaartumik iliuuseqartarnikkut suliniuteqartarnissaq, taamaasilluni meeqqamut tunngasumik paasissutissaatit pingaarutillit meeqqallu annaaneqannginnissaa anguniarlugu. Suliniummi suliniutit sisamaapput. Uukkatarineqarput meeqqat inuuneranni ikaarsaariarfiit; angerlarsimaffimmiit meeqqeriveqarfimmut, meeqqeriveqarfimmiit atuarfimmut kiisalu nunaqarfimmi atuartuunermiit illoqarfimmi atuartuulernermut. Suliniutip sisamaat “Meeqqat tamarmik ukiumut ataasia takuneqartassapput/misissorneqartassapput” siunertarivaa, meeqqat tamarmik sullissisunit - ukiumut ataasiarlutik takuneqartarnissaat/misissorneqartarnissaasa qulakkeerneqarnissaat. Suliniutit taakku sisamaasut suliniummi ataatsimoorussaapput qanimullu attaveqarnikkut imminnullu suleqatigiillutik. Suliniummi sulissutigineqarpoq, isumaginninnikkut- ataavartumillu pitsaasunik  allannguutaasunik pilersitsinissaq, taamaattumillu suliniutaasut ineriartortinneqassapput suliniutaasut atuutilereersut nukittorsarneqarlutik ingerlatitseqqiinikkut. 

Atorfimmut tunngasut  
Akimortumik sammisumik suliaqartunut, marlunnik suliniutinik pilersaarusiornermik aqutsisulimmik, sulianullu aqutsisumik ataatsimik peqateqartumik suleqateqassaatit. Sulimiutinik pilersaarusiornermut aqutsisutut, suliniutaasunut misilittakkatit atornissaannik periarfissaqassaatit. Pilersaarusiornermik aqutsisut allat suleqatigalugit suliniutaasunik ineriartortitsinissaq suliassarissavat, taamatullu kommunit qanimut suleqatigalugit - suliniutaasunik atuutitsilernissaq akisussaaffigissavatit. Taamaattumik naatsorsuutigineqarpoq, suleqatigiisitat arlallit akornanni namminerisamik suliassat kiisalu suliniaqatigiiffiit allat, kommunit aqutsisoqarfiillu allat qanimut suleqatiginissaannik piginnaasaqarnissat naatsorsuutigineqarmat. Maannakkorpiaq suliniutigineqartut tassaapput, meeqqat ukioqanngitsuniit 18-it tikillugit ukiullit misissorluarneqarnissaannik sakkussanut tunngasut, periusissaq kiisalu malinnaatitsinissaq pillugit sulisunik piginnaanngorsarneq kiisalu suliniutaasut taakku pingasut pillugit iliuuseqartarnissamut periarfissanik inatsisitigut inissitsiterineq.

Suliassavit ilaat ukuussapput:

  • Suliniutissatut pilersaarutit qulaani taaneqartut ineriartortissallugit atuuttussanngortillugillu  
  • Kommunit, aqutsiveqarfiit allallu suleqatigiinnerat ataqatigiissassallugu 
  • Ilisimatitsissutinik suliaqarneq kiisalu sulianut aqutsisumut  aqutsisoqarfinnullu siuariartuutinut tunngasunik nalunaarusiorneq
  • Ataatsimiititsineq, ataatsimiinnissat sumi ingerlanneqartarnissaanik isumaginninneq kiisalu ataatsimimeersuartitsinerni paasisitsiniaaneq workshops.  
  • Suliniutinut suleqatigiissitalianut akisussaasuuneq  
  • Suliniutinut isikkivilimmik pilersitsineq - suliallu ingerlateqqinneri  

Suleqatissarput ujartugarput:  
  • Suliniutinut pilersaarutinik – ineriartortitsinermillu suliaqarnermik misilittagaqassaaq
  • Allattariarsornikkut oqaluttariarsornikkullu annertuumik piginnaasaqassaaq   
  • Meeqqat atuarfianni atualernissamut misilitsinnissamut/piginnaasaqarnermut tunngasunik, atuarfeqarfimmut tunngasunik, isumaginninnermut- peqqissutsimullu tunngasunik ilisimasaqarlunilu misilittagaqassaaq, kalaallisut saqqummiussisinnaalluni aamma  
  • Atorfimmut naleqquttumik ilinniagaqarsimanissaq
  • Suliaminut tunniutisimasoq aamma suleqatigisanut tunngatillugu, kattuffiit, suliniaqatigiiffiit suliffeqarfiillu akimorlugit suleqatigiinnissat pitsaasut qulakkeernissaat  
  • Pitsaaqutaassaaq, kalaallisut danskisullu oqalussinnaallutillu allassinnaaguit

Atorfik PAARISA-p akimortumik sammisumik suleqatigiit pinaveersaartitsinermut immikkoortortaani  Isumaginninnermut Aqutsisoqarfianiippoq. PAARISA-p suliaasa ilagaat, peqqissutsimut tunngasunik siuarsaataasunik nutaanik atuutsilersitsinissaq ineriartortitsinissarlu kiisalu kommunit oqartussallu allat qanimut suleqatigalugit suliniuteqarneq. Immikkoortortami pingaarnertut  suliniutigineqarpoq, akimortumik suliaqarnermut tunngasunik suliniutit inerisarneqarnissaat, oqartussaassuseqartunut  innuttaasunullu attuumassuteqartunut.  

Sapaatip akunneranut nalunaaquttap akunneri 40 tiimit suliffiuvoq.

Piffissap ilaani angalasarnissat naatsorsuutigineqassapput.

Ulloq atorfiniffissaq:
Julip aallaqqaataat imaluunniit isumaqatigiissuteqarnikkut.

Isumaginninnermut Aqutsisoqarfik pillugu                                                                         Isumaginninnermut Aqutsisoqarfik Naalakkersuisuni aqutsisoqarfiuvoq ukuninnga arfinilinnik immikkoortortaqartoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Meeqqanut inuusuttunullu ulloq unnuarlu paaqqinniffiit, Innuttaasunut immikkoortortaqarfik, Sullissisunik Siunnersuisarfik, Inunnut innarluutilinnut immikkoortortaqarfik aamma Allattoqarfik. Immikkoortortaqarfiit qanimut suleqatigiittarput, suliffiuvorlu suliassanut tunngatillugu amerlasuunik unammilligassaqarfiusoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Paasissutissat allat   
Atorfimmut tunngatillugu paasisaqarnerorusukkuit, Paarisami immikkoortortami pisortaagallartoq Tina Evaldsen e-mail uunga allaffigisinnaavat tiev@nanoq.gl / sianerfigisinnaavat +299 342394  

Qinnuteqarfissaq kingulleq: ataasinngorneq junip 6-at 2021 nal. 12.00 (kalaallit nunaata nalunaaqutaa malillugu)

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia