sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Paarisa-mi Pisortaq

Namminersorlutik Oqartussat

Nuuk
Ikkunneqarpoq: 16-10-2019
Piffissaq atuuffissaa naassaaq: 30-10-2019
Suliffissamut ID normut: LJA-76537161
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Pitsaaliuinermut isumaginninnermullu aqutsisoqarfimmut immikkoortortaqarfimmi pisortaq
Pitsaaliuinermut suliassaqarfimmi qitiusumik inissisimaffeqarlutit immikkoortortaqarfimmi pisortanngorusukkuit, maanna atorfimmik pissanganartumik unammillernartumillu atorfittaarsinnaavutit
 
Pitsaaliuinermut isumaginninnermullu aqutsisoqarfik suliassaqarfiit assigiinngitsut akornanni pitsaaliuinermik suliaqarfiusumut Paarisamut, aqutsinermik misilittagalimmik aamma pitsaaliuinermut suliassaqarfimmi pitsaasunik allannguinissamut sulerusussuseqarluartumik immikkoortortaqarfimmi pisortassarsiorpoq. Paarisa ilaatigut pitsaaliuinermik periaatsinik nutaanik ineriartortitsinermik aamma atuutsitsilernernik kommunit oqartussaqarfiillu allat qanimut suleqatigalugit suliaqarpoq. Immikkoortortaqarfiup suliassaqarfiit assigiinngitsut akornanni suliniutinik, oqartussaqarfinni sulisunut innuttaasunullu saaffiginnittunik ineriartortitsineq pingaarnertut suliassaraa.
 
Paarisami immikkoortortaqarfimmi pisortatut suliassatit pingaarnerit ukuussapput:
-       Immikkoortortaqarfimmi suliniutit ineriartortinneqarneranni aamma piukkunnartuunissaannik isumakkeerinnittutut siuttuuneq.
-       Immikkoortortaqarfimmi suliatigut suliassat qaffasissumik pitsaassuseqarlutik piffissarititaasup iluani aaqqiivigineqartarnissaannik qulakkeerinninneq.
-       Immikkoortortaqarfiup suliatigut aqutsisuinik sulisuinillu toqqartumik sulinermi aqutsineq.
-       Immikkoortortaqarfimmi suleqatit ineriartortinneqarnerannik aamma ilorrisimaarnerannik qulakkeerinninneq.
-       Immikkoortortaqarfiup suliatigut aqutsisuinik qanimut suleqateqarluni immikkoortortaqarfiup suliassaataanik agguaaneq pingaarnersiuinerlu.
-       Aqutsisoqarfiup aaqqissugaanerani suliassaqarfiit assigiinngitsut akornanni suleqatigiinnermik aamma pingaarnertut suliassaanik ingerlaavartumik ineriartortitsinermut suleqataaneq.
-       Immikkoortortaqarfiup suliffeqarfittut pitsaasumik ingerlanneqarneranik ineriartortinneqarneranillu qulakkeerinninneq.
-       Suliassaqarfimmi missingersuutinut akisussaasuuneq.
 
Immikkoortortaqarfimmi pisortap Paarisami qullersatut aqutsineq ataqatigiissaarinerlu suliassarai. 
 
Immikkoortortaqarfimmi pisortaq pitsaaliuinermut isumaginninnermullu aqutsisoqarfimmi, Nuummiittumi allaffeqassaaq.  

Illit pillutit naatsorsuutigisagut:
-       Inuiaqatigiinnik ilisimatusaatinik imaluunniit peqqinnissamik ilisimatusaatinik kandidatitut imaluunniit assigisaanik ilinniagaqarsimassaatit.
-       Aqutsinermik misilittagaqassaatit.
-       Pitsaaliuinermut suliassaqarfiup ingerlaavartumik ineriartortinneqarnissaa aamma suliassaqarfik pillugu politikkikkut periaatsit piviusunngortinnissaat pillugit ukkataqarsinnaavutit.
-       Atorfiup imaanut oqimaassusaanullu suliatigut naleqqussinnaasunik misilittagaqarputit  
-       Paarisap suliassaqarfimmi suliarisartagaanut suliatigut paasisimasaqarputit.
-       Periaatsit aamma  misissueqqissaarinerit aamma nalinginnaanngitsumik eqqarsarsinnaaneq pillugit piginnaasaqarputit.
-       Akisussaassuseqartuuvutit, tamanik isiginnissinnaallutit aamma suliassatit naammassisarpatit.
-       Inuttut uummaarissuuvutit, suliumatussuseqarlutit aamma ineriartortitserusussuseqarlutit.
-       Suleqatit immikkoortortaqarfimmi ineriartortinnissaannik ilorrisimaarnerannillu ukkataqarsinnaavutit.
-       Kalaallit Nunaanni inuiaqatigiinni pissutsinik kulturimillu ilisimasaqarputit.
-       Marlunnik oqaaseqartuuneq iluaqutaassaaq.
 
Paarisami immikkoortortaqarfimmi pisortatut pitsaaliuinermut aamma isumaginninnermut aqutsisoqarfimmi aqutsisoqarfimmi pisortaq ittorissavat/ningiorissavat aamma inuit 6-it peqatigalugit ataatsimut aqutsisoqatigiinnut ilaassaatit. Illit Paarisami sulisut 22-t toqqarlugit aqutsisutut akisussaaffigissavatit, matumani aqutsisut 2-3-t.  
 

Akissarsiat atorfeqartitaanermilu atugassarititaasut:

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaat tunniunneqassaaq kingusinnerpaamik:
Qinnuteqaat tunniunneqassaaq kingusinnerpaamik ulloq 26 oktober 2019.
 
Paasisaqarnerorusukkuit attavigisinnaavat Lene Rohmann Hansen oqa. (+299 346655) imaluunniit e-mailikkut lrh@nanoq.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia