sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Pædagog til den nye integreret daginstitution

Qeqqata Kommunika

Sisimiut
Ikkunneqarpoq: 12-08-2022
Piffissaq atuuffissaa naassaaq: 02-09-2022
Suliffissamut ID normut: LJA-83925082
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut

Meeqqeriviit inatsit nr.16,3. dec 2012-meersoq malillugu ulluinnaat immersussavagut ilusilersueqataallutillu, illillu tassani akisussaaqataanissat naatsersuutigissavat.

 

Suleqatissarput Perorsaasoq meeqqanut tunniusimasoq asanninnermik toqqissimanermillu malugititsinissat pingaartuuvoq, meeqqallu qitiutillugit sullinnissaannut minnerunngitsumik angajoqqaat peqatigalugit perorsaanikkut tapertariinnissaq kissaataalluni. Illit perorsaanilerinermut ulluinnarnilu meeqqamut tunniusimanissat meeqqamut naleqarnerpaajuvoq siammasissumut isiginnittaaseqarnissat tamatsinnut nalituujussalluni. Tunngaviit arfineq marluk ingerlattarsimagukkit meeqqamut ineriartuutaasumik sutigut tamatigut piginnaaneqarfigigukku tassaavutit illiti naleqartinneqartoq pingaartinneqartorlu suleqatissaq, illiugavit meeqqamut tungiuisussaq angajoqqaat peqatigalugit.


Meeqqerivik nutaaq sanaartorneqarluni naammasseqammertoq eqqaalu suli sanaartorfiulluni, 2022-mi aprilip aallaqqaatani nutserfigineqarpoq. Illillu perorsaasutut ilinniakkatit malillugit inimi aqutsisumut meeqqerivimmi naleqartitanut sunniuteqarsinnaavutit, angajoqqaanut minnerusunngitsumillu angajoqqaanut suleqatinullu pinngitsoorneqarsinnaanak maligassiuissallutit.

Ilinniartitaanermut immikkoortortap anguniagaraa meeqqat alapernaatsut, tatituut, peqqissut nuannaartullu pilersissallugit.

Anguniakkat anguneqarnissaannut illit inimi aqutsisutut ukkataqarnissat naatsorsuutigineqarputit.

Meeqqerivik qaqqat pinngortitallu eqqannguani inissisimavoq, perorsaanilerinermut atorluarsinnaasoq, assersuutigalugu tungaaviit arfineq marluk perorsaanilerinermi ilaatigut atorlugit ingerlanneqarnissaa, meeqqallu pinngortitamut atorluaanissaanik takorluukkanut ilaalluni, illillu taakkununnga inerisaaqataanissat aamma akisussaaffigissavat.


Meeqqeriviit sinneri meeqqeriveqarfillu qanimut suleqatigisavagut, Aqutsisorisat peqatigalugu meeqqerivimmik nutaamik aallartitsissaaqataagit.


Atorfik 2022-mi Maj-ip aallaqqaataani imaluunniit tamatuma kingorna piaarnerpaamik sulilersinnaasumik, Qeqqata Kommunia pissarsiorpoq.


Nattoralinnguamut nalinginnaasut:

Atorfik ulloq naallugu suliffiuvoq, sapaatip akunneranut 40 tiimit suliffigalugit. Meeqqanut 64-inut, meeqqerivittaani 40-nut meeraaqqerivittaanilu 24-nut inissaqarpoq.

Meeqqerivik ataasinngornermit tallimanngorneq ilanngullugu nal. 6:45 – 17:00 ammasarpoq.

Akuleriisitsiluni meeqqerivimmut allaffissorneq, Ilinniartitaanermut immikkoortortap, meeqqeriveqarnermut pisortaq qaninnertut aqutsisoralugu, ataani inissisimavoq.

Sulisunik agguataarineq akisussaaffillu atorfinnut 15-inut amerlassusiligaavoq.


Piginnaasassatit:

·Perorsaasutut ilinniagaqartutit

·akisussaassuseqarluartutit

·eqeersimaartuusutit, tunniusimasuusutit nutaamillu eqqarsartartutit

·Tamakkiisumik takunnissinnaassuseqassasutit

·ulapaarfimmi uippakajaarneq ajortutit

·nikerarsinnaasutit allannguisinnaasutillu

·suleqatikkuminartuusutit, kiinneraartutit avatangiisinilu akuersaartumi patajaatsuusutit

·Angajoqqaanut tunniusimasoq oqaloqatikkuminartorlu


Qeqqata Kommuniani meeqqeriviit anguniagaat, meeqqanut inuusuttunullu politikkikkut anguniakkat aammalu sulisunut malittarisassat sinneri aallaavigalugit sulerusussuseqartutit.


Uagut tunniussinnaasagut:

Akia illoqarfiup immikkoortuani nutaami, qaqqanut pinngortitamullu qanittumi avatangiisini pissanganartuni inissisimavoq, meeqqanut sulisunullu perorsaanikkut ilikkagassanullu arlalinnut periarfissaqarluarluni. Illu pitsaasunik sinaakkuteqarlunilu avatangiiseqartoq, sulisunut ineriartornissamut periarfissaqarluarluni sanaartoriaatsi-mik nutaaliatut sanaartugaavoq. PII/SPS kiisalu MISI (PPR) qanimut suleqatigalugit, Qeqqata Kommunia pikkorissaanernik arlalinnik neqerooruteqartarpoq. Ilisimasanik avitseqatigiinnikkut aammalu perorsaanikkut sammisassanik anguniakkanillu ineriar-tortitsinermut, Sisimiuni meeqqeriviit ikioqatigiittarput.

Sulisunut / angajoqqaanut ataatsimiisitsinerit perorsaanikkut sammisanik imaqartut nal. 17.00 kingorna ingerlanneqartarput, sulisut ingerlatsisut soraajaartarput. Timigissartarfik akeqanngitsumik atorneqarsinnaavoq, sulinermullu immikkuullarissu-mik isumassarsiaqarnissamut soqutigisaqartut tamarmik tapersersorneqartarlutik.


Pinerluuteqarsimannginnermut aammalu meeqqanut pinerluuteqarsimannginner-mut uppernarsaat:

Atorfik matumani pineqartoq pinerluuteqarsimannginnermut meeqqanillu pinerluu-teqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit ator-fininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu upper-narsaat nammineq illoqarfigisami Politeeqarfimmut aaneqassaaq.

Akissarsiat, atorfinitsitaanermilu atugassarititaasut:

Akissarsiat atorfeqartitaanermilu atugassarititaasut Namminersorlutik Oqartussat, Nunatsinni Perorsaasut Kattuffiat (NPK) imaluunniit kattuffiup isumaqatiginninniar-sinnaatitaasup susassaqartup akornanni isumaqatigiissut atuuttoq naapertorlugu pissapput.

Qaammatini pingasuni misiligummik atorfinitsitsisoqassaaq.
2022-mi oktoberip aallaqqaataani isumaqatigiissuteqarnikkulluunniit atorfinittoqassaaq.

Ineqarneq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqar-tarnermut maleruaqqusat qaqugukkulluunniit atuuttut naapertorlugit akiliisoqar-tassaaq. Atorfineqqaarnermi sulisutut ataavartumik initaarnissamut innersuussiso-qarsinnaanngippat, sulisumut utaqqiisaasumik ineqartinneqarsinnaasoq inimik va-kantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il.il. akiliuteqartoqartassaaq.

Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfik pillugu erseqqarinnerusumik paasisaqarusukkuit uunga saaffiginnissin-naavutit: Meeqqerivimmut pisortamut Naja Marie Lyberth Lund nmll@qeqqata.gl    

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia