sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Pædagog til Meeraaqqerivik Nuka i Sisimiut

Qeqqata Kommunika

Sisimiut
Ikkunneqarpoq: 12-08-2022
Piffissaq atuuffissaa naassaaq: 02-09-2022
Suliffissamut ID normut: LJA-83925802
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut

Akisussaaffiit pisussaaffiillu

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 16, 3. december 2012-meersoq malinnissaanut akisussaaqataassaatit, tamatuma saniatigut Qeqqata Kommuneata nittartagaani meeqqanut inuusuttunullu politikkia, kiisalu FN-p meeqqanut isumaqatigiissutaat aallaavigalugit sulissallutit.


Piginnaasassatit:

·Perorsaasutut ilinniagaqarsimassasutit

·Meeqqerivinni misilittangaqarsimanissat

·Inatsisit nalunngisaqarfingingitit

·Akisussaassuseqarluartutit

·Eqeersimaartuusutit, tunniusimasuusutit nutaamillu eqqarsartartutit

·Tamakkiisumik takunnissinnaassuseqassasutit

·Ulapaarfimmi nalimmassarsinnaassuseqarlutit

·Nikerarsinnaasutit allanngueqataasinnaallutillu

·Suleqatikkuminartuusutit, kiinneraartutit avatangiisinilu akuersaartumi patajaatsuusutit

·Qeqqata Kommuniani meeqqeriviit anguniagaat, meeqqanut inuusuttunullu politikkikkut anguniakkat aammalu sulisunut malittarisassat sinneri aallaavigalugit sulerusussuseqartutit.

Naatsorsuutingaarput:

·Perorsaasutut naammassisimanissat

·Nutaaliorsinnaasutit

·Nassaassarsiullaqqittuusutit

·Aalajaattuusutit aammalu piumassuseqartutit

·Akisussaaffimmik tingusisinnaasutit suliffernullu tunniusimasutit

·Suleqatikkuminartutit

·Ajunngittumik siunertaqartumik nutaamik sammisassarsiorsinnaasutit 

·Kalaallisut qallunaatullu oqalussinnaasutit

·Qarasaasiamik atuisinnaasutit

·Suliniutinut nutaanut ammasuusutit

·Akuersaarinnittumik perorsaariaaseq aallaavingalungu sulisinnaassasutit

Uagut tunniussinnaasagut:

·Timingissartarfimmiissinnaaneq akeqanngittumik

·Suleqatinginnilluarneq sulisut angajoqqaat pilersuisuiusullu akornanni

Sulisunut / angajoqqaanut ataatsimiisitsinerit perorsaanikkut sammisanik imaqartut nal. 17.00 kingorna ingerlanneqartarput, timigissartarfik akeqanngitsumik atorneqarsinnaavoq, sulinermullu immikkuullarissumik isumassarsiaqarnissamut soqutigisaqartut tamarmik tapersersorneqartarlutik.


Pinerluuteqarsimannginnermut aammalu meeqqanut pinerluuteqarsimannginner-mut uppernarsaat:

Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.


Akissarsiat, atorfinitsitaanermilu atugassarititaasut:

Akissarsiat atorfeqartitaanermilu atugassarititaasut Namminersorlutik Oqartussat, Nunatsinni Perorsaasut Kattuffiat (NPK) imaluunniit kattuffiup isumaqatiginninniar-sinnaatitaasup susassaqartup akornanni isumaqatigiissut atuuttoq naapertorlugu pissapput.


Ineqarneq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqar-tarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqaarnermi sulisutut ataavartumik initaarnissamut innersuussiso-qarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il.il. akiliuteqartoqartassaaq.

Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfik pillugu erseqqarinnerusumik paasisaqarusukkuit uunga saaffiginnissinnaavutit: Meeqqeriveqarnermut pisortaq Amos Frederiksen oqa. +299 86 74 02, e-mail: amfr@qeqqata.gl imaluunniit Meeqqerivimmut pisortamut Ane-Sørine Larsen oqarasuaat 86 40 61. E-mail: nukasisimiut@qeqqata.gl 

Qinnuteqarnermi piumasaqaatit:

·Ilinniarsimanermut uppernarsaat

·Imminut ilisaritinneq

·Oqaaseqaat

·Pikkorissarsimanermut takussutissat

Atorfiniffissaq 1 oktober. 2022 imaluunniit siusinnerusukkut isumaqatigiinnikkut.

Qaammatini pingasuni misiligummik atorfinitsitsisoqassaaq.

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia