sullissivik.gl
Atorfimmut ussassaarummut oqaatsinut allanut nuunniarlutit tooruk

Pædagogisk engageret og nytænkende leder søges til et ny fjeld- og naturdaginstitution i Akia

Qeqqata Kommunika

Sisimiut
Ikkunneqarpoq: 25-10-2021
Piffissaq atuuffissaa naassaaq: 15-12-2021
Suliffissamut ID normut: LJA-82864231
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut
Attaveqarfissamut paasissutissat

Qeqqata Kommunika

 
Oqarasuaat

Eqinnaattumik ineriartorneq – sulisussat ilaannik atorfinitsitsinermut peqataagit, tulliuttutigullu aaqqissueqataallutit:

Qanimut attaveqatigiinnerit pingaartinneqarlutik, meeqqallu ataasiakkaat ataatsimullu ineriartornerat atugarissaarnerallu ukkatarineqarfianni meeqqerivimmik ineriartortitsinermik aqutsinermillu peqataarusuppit? Taava suliffissaqartippatsigit.

Akuleriisitsilluni meeqqerivimmut Aqutsisumik tunniusimasumik pikkorissumillu, 2021-mi novembarip aallaqqaataani imaluunniit tamatuma kingorna piaarnerpaamik sulilersinnaasumik, Qeqqata Kommunia pissarsiorpoq. Meeqqerivik nutaaq sanaartorneqaleruttorpoq, 2022-mi martsip aallaqqaatani atuutilersinneqarnissaa naatsorsuutigineqarluni. Taamaalillutit aqutsisutut meeqqerivimmi naleqartitanut sunniuteqarsinnaavutit. Ilinniartitaanermut immikkoortortami meeqqat alapernaatsut, tatituut, peqqissut nuannaartullu pilersissallugit anguniagaraa. Anguniakkat anguneqarnissaannut illit aqutsisutut ukkataqarnissat naatsorsuutigineqarpoq.

Qaqqat pinngortitallu eqqannguani perorsaanikkut ilikkagassatullu periarfissaqarluartumi, Sisimiuni Akiani illoqarfiup immikkoortuani nutaami perorsaanikkut avatangiisimik pissanganartumik sunniuteqarnissamut ineriartortitsinissamullu peqataasinnaavutit. Meeqqat ineriartornissaannut ukkatarinnilluni perorsaanikkut tunngaviit arfineq-marlunnut atortussanullu tunngavissaqarluartumik pissanganartumik avatangiiseqarpoq. Meeqqanik, angajoqqaanik sulisunillu sunniuteqataaffiusinnaasunik ataatsimiinnernut imaqarluartunut peqataaneq.

Meeqqeriviit sinneri meeqqeriveqarfillu qanimut suleqatigalugit, tullersortit peqatigalugu meeqqerivimmik nutaamik aallartitsissaatit, sulisussanik atorfinitsitsissaatit, pisattanik pequtinillu nutaanik tikittunik pequtsersuissallutit.

Qaammatit siulliit sulisussat sinnerinik atorfinitsitsinermut, aallartisarnissamut pilersaarusiornermut kiisalu sulisut suleqatigalugit meeqqerivimmi sulisunut politikkimik, suliffeqarfimmut pilersaarummik aammalu perorsaanikkut ukiumut pilersaarummik, meeqqeriviup ammarnissaanut piareersimasussanik suliaqarnermik ingerlatsisoqassaaq.

Akianut nalinginnaasut:

Atorfik ulloq naallugu suliffiuvoq, sapaatip akunneranut 40 tiimit suliffigalugit. Meeqqanut 64-inut, meeqqerivittaani 40-nut meeraaqqerivittaanilu 24-nut inissaqarpoq.

Meeqqerivik ataasinngornermit tallimanngorneq ilanngullugu nal. 6:45 – 17:00 ammasarpoq.

Akuleriisitsiluni meeqqerivimmut allaffissorneq, Ilinniartitaanermut immikkoortortap, meeqqeriveqarnermut pisortaq qaninnertut aqutsisoralugu, ataani inissisimavoq.

Sulisunik agguataarineq akisussaaffillu atorfinnut 15-inut amerlassusiligaavoq.

Piginnaasassatit:

·Perorsaasutut ilinniagaqartutit

·Aqutsisutut piginnaasaqarluartutit

·akisussaassuseqarluartutit

·eqeersimaartuusutit, tunniusimasuusutit nutaamillu eqqarsartartutit

·Tamakkiisumik takunnissinnaassuseqassasutit

·ulapaarfimmi uippakajaarneq ajortutit

·nikerarsinnaasutit allannguisinnaasutillu

·suleqatikkuminartuusutit, kiinneraartutit avatangiisinilu akuersaartumi patajaatsuusutit

Qeqqata Kommuniani meeqqeriviit anguniagaat, meeqqanut inuusuttunullu politikkikkut anguniakkat aammalu sulisunut malittarisassat sinneri aallaavigalugit sulerusussuseqartutit.

Neqeroorutigisinnaavarput:

Akia illoqarfiup immikkoortuani nutaami, qaqqanut pinngortitamullu qanittumi avatangiisini pissanganartuni inissisimavoq, meeqqanut sulisunullu perorsaanikkut ilikkagassanullu arlalinnut periarfissaqarluarluni. Illu pitsaasunik sinaakkuteqarlunilu avatangiiseqartoq, sulisunut ineriartornissamut periarfissaqarluarluni sanaartoriaatsimik nutaaliatut sanaartugaavoq. PII/SPS kiisalu MISI (PPR) qanimut suleqatigalugit, Qeqqata Kommunia pikkorissaanernik arlalinnik neqerooruteqartarpoq. Ilisimasanik avitseqatigiinnikkut aammalu perorsaanikkut sammisassanik anguniakkanillu ineriartortitsinermut, Sisimiuni meeqqeriviit ikioqatigiittarput.

Sulisunut / angajoqqaanut ataatsimiisitsinerit perorsaanikkut sammisanik imaqartut nal. 17.00 kingorna ingerlanneqartarput, sulisut ingerlatsisut soraajaartarput. Timigissartarfik akeqanngitsumik atorneqarsinnaavoq, sulinermullu immikkuullarissumik isumassarsiaqarnissamut soqutigisaqartut tamarmik tapersersorneqartarlutik.

Pineqaatissinneqarsimannginnermut aammalu meeqqanut pinerluuteqarsimannginnermut uppernarsaat:

Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissarsiat, atorfinitsitaanermilu atugassarititaasut:

Akissarsiat atorfeqartitaanermilu atugassarititaasut Namminersorlutik Oqartussat, Nunatsinni Perorsaasut Kattuffiat (NPK) imaluunniit kattuffiup isumaqatiginninniarsinnaatitaasup susassaqartup akornanni isumaqatigiissut atuuttoq naapertorlugu pissapput.

Ulloq aallartiffik: 1. januar 2022 isumaqatigiissuteqarnikkulluunniit.

Qaammatini pingasuni misiligummik atorfinitsitsisoqassaaq.

Ineqarneq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassalluni. Atorfineqqaarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarnissamik pisinnaatitaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il.il. akiliuteqartoqartassalluni.

Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfik pillugu erseqqarinnerusumik paasisaqarusukkuit uunga saaffiginnissinnaavutit: Meeqqeriveqarnermut pisortaq Amos Frederiksen oqa. +299 86 74 02, E-mail: amfr@qeqqata.gl

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.




Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia